ຄົ້ນພົບ ແລະ ເກັບກູ້ອັດຖິທະຫານເສຍສະຫຼະເພີ່ມອີກ 33 ຊຸດ ຢູ່ສວນສາທາລະນະ ເລ ທິ ຣຽງ

ວຽກງານຄົ້ນຫາ ແລະ ເກັບກູ້ອັດຖິທະຫານເສຍສະຫຼະ ຍັງສືບຕໍ່ໄດ້ຮັບການດຳເນີນໂດຍບັນດາກຳລັງງານ ໃນຂອບເຂດທີ່ຂະຫຍາຍອອກຢູ່ເຂດ B, ສວນສາທາລະນະ ເລ ທິ ຣຽງ (ນະຄອນໂຮ່ຈີມິນ).

ນັບແຕ່ເລີ່ມດຳເນີນວຽກງານຄົ້ນຫາໃນວັນທີ 23/6 ຈົນເຖິງວັນທີ 17/10, ບັນດາກຳລັງງານໄດ້ຄົ້ນພົບ ແລະ ເກັບກູ້ອັດຖິທະຫານເສຍສະຫຼະທັງໝົດ 764 ຊຸດ ຢູ່ສວນສາທາລະນະ ເລ ທິ ຣຽງ, ໃນນັ້ນມີ 318 ຊຸດທີ່ພົບພ້ອມກັບວັດຖຸທີ່ຫຼົງເຫຼືອຢູ່. ໂດຍສະເພາະ, ອັດຖິທະຫານເສຍສະຫຼະ 731 ຊຸດ ຖືກຄົ້ນພົບຢູ່ບັນດາຈຸດຝັງສົບແຍກກັນ, ສ່ວນອີກ 33 ຊຸດ ຖືກຄົ້ນພົບຢູ່ 8 ຈຸດທີ່ເປັນຂຸມຝັງສົບລວມ.

ກ່ອນໜ້ານັ້ນ, ໃນວັນທີ 14/10, ໄດ້ມີການຈັດພິທີໄວ້ອາໄລ ແລະ ຝັງອັດຖິທະຫານເສຍສະຫຼະ 731 ຊຸດ ທີ່ຄົ້ນພົບຢູ່ສວນສາທາລະນະ ເລ ທິ ຣຽງ (ນະຄອນໂຮ່ຈີມິນ) ໃນການຄົ້ນຫາຄັ້ງທີໜຶ່ງ.

ປັດຈຸບັນ, ບັນດາກຳລັງງານຍັງສືບຕໍ່ປະຕິບັດໜ້າທີ່ຄົ້ນຫາ ແລະ ເກັບກູ້ອັດຖິທະຫານເສຍສະຫຼະດ້ວຍຈິດໃຈຮັບຜິດຊອບສູງ. ກິດຈະກຳດັ່ງກ່າວສະແດງເຖິງຄວາມຮູ້ບຸນຄຸນ ແລະ ການລະນຶກເຖິງບຸນຄຸນຢ່າງເລິກເຊິ່ງຕໍ່ບັນດາວິລະຊົນທະຫານເສຍສະຫຼະ ທີ່ໄດ້ພະລີຊີບໃນພາລະກິດຕໍ່ສູ້ເພື່ອປົດປ່ອຍຊາດ, ສ້າງສາ ແລະ ປົກປັກຮັກສາປະເທດຊາດ.

ຫາຍຟ່ອງ ຜັນຂະຫຍາຍການຊອກຫາອັດຖິນັກຮົບຜູ້ເສຍສະລະຊີວິດເພື່ອຊາດ ຢູ່ເຂດ ໝາຈີ່ ຍສໝ - ຕອນເຊົ້າວັນທີ 26/9 ທີ່ເຂດ ໝາຈີ່, ບ້ານ ມາຍເຊີນ, ຕາແສງ ຫວິງບ໋າວ, ນະຄອນ ຫາຍຟ່ອງ ໄດ້ຈັດພິທີຖະຫວາຍດອກໄມ້, ຖະຫວາຍທູບທຽນ ແລະ ຜັນຂະຫຍາຍວຽກງານຊອກຫາ, ເຕົ້າໂຮມອັດຖິນັກຮົບຜູ້ເສຍສະລະຊີວິດເພື່ອຊາດ, ສູ້ຊົນສຳເລັດກ່ອນວັນທີ 10/10/2026 ໃນຂອບ “ບັ້ນຮົບ 500 ທັງເວັນທັງຄືນ ຊຸກຍູ້ການຊອກຫາ, ເຕົ້າໂຮມ ແລະ ກຳນົດອັດຕະລັກອັດຖິນັກຮົບຜູ້ເສຍສະລະຊີວິດເພື່ອຊາດ”.

ສວນສາທາລະນະ ເລທິຣຽງ: ເຕົ້າໂຮມອັດຖິນັກຮົບຜູ້ເສຍສະລະຊີວິດເພື່ອຊາດ 682 ຊຸດ ຍສໝ - ວັນທີ 30/9, ບັນດາກຳລັງຂຶ້ນກັບກອງເຕົ້າໂຮມອັດຖິນັກຮົບຜູ້ເສຍສະລະຊີວິດເພື່ອຊາດ ຂອງກອງບັນຊາການທະຫານນະຄອນໂຮ່ຈິມິນ ສືບຕໍ່ຂະຫຍາຍຂອບເຂດການຊອກຫາຢູ່ເຂດ B, ສວນສາທາລະນະ ເລທິຣຽງ, ເຕົ້າໂຮມອັດຖິນັກຮົບຜູ້ເສຍສະລະຊີວິດເພື່ອຊາດເພີ່ມອີກ 10 ຊຸດ.