 |
| ໃນວັນທີ 10/10, ສະມາຄົມສົ່ງເສີມການພັດທະນາຮູບເງົາຫວຽດນາມ (VFDA) ໄດ້ເປີດບູດຮູບເງົາຫວຽດນາມ ຢູ່ທີ່ຕະຫຼາດເນື້ອຫາ ແລະ ຮູບເງົາອາຊີ (ACFM), ໃນຂອບເຂດງານມະໂຫລານຮູບເງົາສາກົນ ບູຊານ ຄັ້ງທີ 31 (BIFF 2026) ຢູ່ເກົາຫຼີໃຕ້. ນີ້ແມ່ນກິດຈະກຳເພື່ອໂຄສະນາຮູບເງົາຫວຽດນາມ, ແນະນຳທ່າແຮງຂອງບັນດາທ້ອງຖິ່ນ ແລະ ຂະຫຍາຍໂອກາດການຮ່ວມມືກັບບັນດາຄູ່ຮ່ວມງານສາກົນ. ສະມາຄົມສົ່ງເສີມການພັດທະນາຮູບເງົາຫວຽດນາມ (VFDA) ໄດ້ເປີດບູດຮູບເງົາຫວຽດນາມ ຢູ່ທີ່ຕະຫຼາດເນື້ອຫາ ແລະ ຮູບເງົາອາຊີ (ACFM), ສັງກັດງານມະໂຫລານຮູບເງົາສາກົນ ບູຊານ 2026 (ເກົາຫຼີໃຕ້). ງານດັ່ງກ່າວໄດ້ດຶງດູດບັນດາການນຳ, ນັກຜະລິດ ແລະ ຜູ້ກຳກັບສາກົນທີ່ມີຊື່ສຽງຢ່າງຫຼວງຫຼາຍ ເຂົ້າມາຢ້ຽມຊົມ ແລະ ເຊື່ອມໂຍງ. ຢູ່ທີ່ນີ້, VFDA ໄດ້ເນັ້ນໃສ່ການໂຄສະນາສາກທັດການຖ່າຍຮູບເງົາທີ່ເປັນເອກະລັກຢູ່ຫວຽດນາມ, ແນະນຳດັດຊະນີການດຶງດູດການຜະລິດຮູບເງົາ (PAI) ພ້ອມກັບງານມະໂຫລານຮູບເງົາອາຊີ ດານັງ (DANAFF), ຜ່ານນັ້ນຂະຫຍາຍໂອກາດການຮ່ວມມື ແລະ ດຶງດູດບັນດາຄະນະຖ່າຍຮູບເງົາສາກົນ. |
 ຊາວຫວຽດນາມເກືອບ 28.000 ຄົນຢູ່ຍີ່ປຸ່ນ ເຂົ້າຮ່ວມການແຂ່ງຂັນຄວາມຮູ້ດ້ານກົດໝາຍ ຍສໝ - ວັນທີ 12/10, ຢູ່ສະຖານທູດຫວຽດນາມປະຈຳຍີ່ປຸ່ນ ໄດ້ຈັດພິທີມອບລາງວັນການແຂ່ງຂັນຄວາມຮູ້ກ່ຽວກັບກົດໝາຍຍີ່ປຸ່ນ ຄັ້ງທີ 3 ປະຈຳປີ 2026, ໂດຍມີຊາວຫວຽດນາມເຂົ້າຮ່ວມ 27.900 ຄົນ, ປະກອບສ່ວນຍົກສູງຄວາມຮັບຮູ້ ແລະ ຈິດສຳນຶກໃນການປະຕິບັດຕາມກົດໝາຍຂອງປະເທດທີ່ຕົນພຳນັກອາໄສ. |
 ຊາວຫວຽດນາມກວ່າ 609.000 ຄົນດຳລົງຊີວິດຢູ່ຍີ່ປຸ່ນ, ຢືນອັນດັບທີສອງໃນບັນດາຊຸມຊົນຊາວຕ່າງປະເທດ ຍສໝ - ຕາມຂໍ້ມູນທີ່ Nikkei Asia ເຜີຍແຜ່ໃນວັນທີ 9/10, ປັດຈຸບັນ ຍີ່ປຸ່ນມີຊາວຫວຽດນາມດຳລົງຊີວິດຢູ່ 609.238 ຄົນ, ເພີ່ມຂຶ້ນ 59% ທຽບໃສ່ປີ 2020. ດ້ວຍຈຳນວນດັ່ງກ່າວ, ຊາວຫວຽດນາມໄດ້ລື່ນກາຍຊຸມຊົນຊາວເກົາຫຼີ, ກາຍເປັນກຸ່ມຊາວຕ່າງປະເທດທີ່ມີຈຳນວນຫຼາຍເປັນອັນດັບສອງຢູ່ຍີ່ປຸ່ນ, ຖັດຈາກຈີນ. |
ແທັງຮັ່ງ
