| ຫວຽດນາມຖືການພົວພັນກັບສະຫະປະຊາຊາດ ແມ່ນບຸລິມະສິດອັນດັບສຳຄັນທີ່ສຸດ | |
| ຫວຽດນາມ ແລະ ບັນດາການເຄື່ອນໄຫວຮັກສາສັນຕິພາບສະຫະປະຊາຊາດໃນສະພາບໃຊ້ພາສາ ຟຣັ່ງ |
 |
| ທ່ານ ດັ້ງດີ່ງກຸ໊ຍ, ຫົວໜ້າຄະນະຜູ້ຕາງໜ້າ ຫວຽດນາມ ປະຈຳສະຫະປະຊາຊາດ (ພາບ: TTXVN) |
ວັນທີ 04 ພະຈິກ, ສະພາຄວາມໝັ້ນຄົງສະຫະປະຊາຊາດໄດ້ຈັດຕັ້ງກອງປະຊຸມປຶກສາຫາລືປະຈຳປີກ່ຽວກັບກຳລັງຮັກສາສັນຕິພາບສະຫະປະຊາຊາດ - ຕຳຫລວດສະຫະປະຊາຊາດ. ທີ່ການປຶກສາຫາລື, ບັນດາປະເທດສະມາຊິກສະພາຄວາມໝັ້ນຄົງ ສປຊ ໄດ້ໃຫ້ຂໍ້ສັງເກດວ່າ: ຕຳຫຼວດ ສປຊ ສວມບົດບາດສຳຄັນໃນບັນດາການເຄື່ອນໄຫວຮັກສາສັນຕິພາບ, ພິເສດແມ່ນໃນການປົກປ້ອງສາມັນຊົນ, ໜູນຊ່ວຍການສ້າງກຳລັງຄວາມສາມາດຂອງກຳລັງຕຳຫຼວດປະເທດປະຈຳຖິ່ນ.
ບັນດາສະມາຊິກ ສະພາຄວາມໝັ້ນຄົງ ສປຊ ເນັ້ນໜັກເຖິງການເຂົ້າຮວມຂອງແມ່ຍິງໃນການຍົກສູງປະສິດທິຜົນຂອງບັນດາຄະນະປະຕິບັດງານ ແລະ ຕ້ອງຊຸກຍູ້ບົດບາດ, ການເຂົ້າຮ່ວມຂອງແມ່ຍິງໃນກຳລັງປົກປັກຮັກສາສັນຕິພາບໃຫ້ຫຼາຍກ່ວາອີກ. ບາງປະເທດກໍ່ຖືວ່າ ຕ້ອງເພີ່ມທະວີປະສິດທິຜົນໃນການເຄື່ອນໄຫວ ແລະ ຄວາມຮັບຜິດຊອບຂອງກຳລັງຮັກສາສັນຕິພາບເວົ້າລວມ ແລະ ຊຸກຍູ້ການປະຕິບັດຄຳໝັ້ນສັນຍາຕາມຂໍ້ລິເລີ່ມການກະທຳເພື່ອການຮັກສາສັນຕິພາບ (A4P).
ທ່ານ ດັ້ງດີ່ງກຸ໊ຍ, ຫົວໜ້າຄະນະຜູ້ຕາງໜ້າ ຫວຽດນາມ ປະຈຳສະຫະປະຊາຊາດ ໄດ້ຢັ້ງຢືນຄືນໃໝ່ການສະໜັບສະໜູນຂອງ ຫວຽດນາມ ທີ່ມີຕໍ່ບັນດາການເຄື່ອນໄຫວຮັກສາສັນຕິພາບ ແລະ ບັນດາຂໍ້ລິເລີ່ມທີ່ເໝາະສົມ ເພື່ອແນໃສ່ຍົກສູງປະສິດທິຜົນການຮັກສາສັນຕິພາບ. ເນື່ອງໃນໂອກາດສະເຫຼີມສະຫຼອງ 60 ປີແຫ່ງວັນສ້າງຕັ້ງກຳລັງຕຳຫລວດສະຫະປະຊາຊາດ, ທ່ານ ດັ້ງດີ່ງກຸ໊ຍ ໄດ້ຮັບຮູ້ການເສຍສະຫຼະ ແລະ ການອຸທິດສ່ວນຂອງກຳລັງຕຳຫລວດສະຫະປະຊາຊາດ, ບົດບາດຂອງກຳລັງດັ່ງກ່າວ ນັບມື້ນັບໄດ້ຍົກສູງຂຶ້ນ, ພ້ອມທັງຊົມເຊີຍຄວາມມານະພະຍາຍາມຂອງກຳລັງຮັກສາສັນຕິພາບເວົ້າລວມ, ໃນນັ້ນ ມີຕຳຫລວດສະຫະປະຊາຊາດບັນດາປະເທດໃນການຮັບປະກັນສັນຕິພາບ ແລະ ຮັບມືກັບໂລກລະບາດໂຄວິດ-19 ໃນປະຈຸບັນ. ທ່ານເອກອັກຄະລັດຖະທູດ ດັ້ງດີ່ງກຸ໊ຍ ໃຫ້ຮູ້ວ່າ: ຫວຽດນາມ ພວມຕັ້ງໜ້າກະກຽມ ແລະ ບຳລຸງສ້າງ ເພື່ອສາມາດເຂົ້າຮ່ວມກຳລັງຕຳຫລວດສະຫະປະຊາຊາດໃນໄລຍະຈະມາເຖິງ.
 | ຫວຽດນາມ ໄດ້ຮຽກຮ້ອງໃຫ້ບັນດາຝ່າຍຢູ່ເລບານອນ ປະຕິບັດຕາມຫຼັກການຂອງກົດໝາຍສາກົນ ຍສໝ - ຫວຽດນາມຮ້ຽກຮ້ອງບັນດາຝ່າຍກ່ຽວຂ້ອງຢູ່ເລບານອນ ແລະ ໃນພາກພື້ນ ຕ້ອງການປະຕິບັດບັນດາຫຼັກການພື້ນຖານຂອງກົດໝານສາກົນ, ບໍ່ໄດ້ແຊກແຊງເຂົ້າວຽກງານພາຍໃນຂອງບັນດາປະເທດອື່ນ ແລະ ຄວບຄຸນພຶດຕິກຳຢ່າງເຄັ່ງຕຶງ. |
 | ສະຫະປະຊາຊາດ ໄດ້ສົ່ງໂທລະເລກຢາມຖາມຂ່າວພໍ່ແມ່ປະຊາຊົນເຂດພາກກາງ ຫວຽດນາມ ຍສໝ - ທ່ານ Antonio Guterres - ເລຂາທິການໃຫຍ່ ສປຊ ໄດ້ຕີລາຄາສູງຕໍ່ບັນດາຄວາມານະພະຍາຍາມຂອງລັດຖະບານ ຫວຽດນາມ ເພື່ອໜູນຊ່ວຍບັນດາຄອບຄົວທີ່ຖືກຜົນສະທ້ອນ, ທ່ານຢັ້ງຢືນວ່າ ສປຊ ກຽມພ້ອມການໜູນຊ່ວຍມະນຸດສະທຳ ເພື່ອຊ່ວຍໃຫ້ແກ່ຫວຽດນາມຜ່ານຜ່າໄລຍະຫຍຸ້ງຍາກນີ້ໂດຍໄວ. |
 | ຫວຽດນາມ ໄດ້ຖືເປັນສຳຄັນ ແລະ ຫວັງວ່າຈະມີການຮ່ວມມືຢ່າງແໜ້ນແຟ້ນກັບ ສະຫະປະຊາຊາດ ຍສໝ - ຫວຽດນາມ ຖືເປັນສຳຄັນການພົວພັນກັບສະຫະປະຊາຊາດ ແລະ ຫວັງວ່າການຮ່ວມມືລະຫວ່າງຫວຽດນາມ ແລະ ສະຫະປະຊາຊາດ ຈະສືບຕໍ່ພັດທະນາຢ່າງແຮງ ແລະ ມີປະສິດທິຜົນໃນໄລຍະຈະມາເຖິງ. |
ບຸນຄົງ
