ຫວຽດນາມ ໄດ້ຖືເປັນສຳຄັນ ແລະ ຫວັງວ່າຈະມີການຮ່ວມມືຢ່າງແໜ້ນແຟ້ນກັບ ສະຫະປະຊາຊາດ

	ຫວຽດນາມ ພ້ອມແລ້ວທີ່ເພີ່ມທະວີການຮ່ວມມືລະຫວ່າງ ອາຊຽນ - ສະຫະປະຊາຊາດ ໃນການຮັກສາສັນຕິພາບ
	ບົດ​ບາດນ​ຳ​ພາ ຂອງຫວຽດນາມໃນອາຊຽນ ແລະ ສະຫະປະຊາຊາດ

ໂດຍໄດ້ຫັບຕາມຄຳເຊີນຂອງທ່ານ Kamal Maholtra - ຜູ້ປະສານງານສະຫະປະຊາຊາດ ປະຈຳຫວຽດນາມ, ໃນຕອນແລງວັນທີ 23 ຕຸລາ, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ຟ້າມບິ່ງມິງ ໄດ້ເຂົ້າຮ່ວມ ແລະ ກ່າວປາໄສທີ່ພິທີສະເຫຼີມສະຫຼອງ 75 ປີແຫ່ງການສ້າງຕັ້ງສະຫະປະຊາຊາດ.

ເຂົ້າຮ່ວມພິທີສະເຫຼີມສະຫຼອງດັ່ງກ່າວ ຍັງມີບັນດາການນຳກະຊວງ, ອົງການສູນກາງ, ອົງການສະຫະປະຊາຊາດ ແລະ ຜູ້ຕາງໜ້າການທູດຢູ່ຮ່າໂນ້ຍ.

ກ່າວຄຳເຫັນທີ່ພິທີ, ທ່ານຟ້າມບິ່ງມິງ - ຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ໄດ້ຕີລາຄາສູງຄວາມມານະພະຍາຍາມຂອງສະຫະປະຊາຊາດ ໃນການພັດທະນາຂອງໂລກໃນຕະຫຼອດ 75 ປີທີ່ຜ່ານມາ, ໃນທຸກຂົງເຂດເພື່ອຮັກສາສັນຕິພາບ. ຄວາມໝັ້ນຄົງສາກົນ, ການຮ່ວມມືດ້ານການພັດທະນາ, ການປົກປ້ອງສິດທິມະນຸດ.

ພິທີສະເຫຼີມສະຫຼອງ 75 ປີແຫ່ງການສ້າງຕັ້ງສະຫະປະຊາຊາດ. (ພາບ: baodansinh)

ທ່ານຮອງນາຍົກລັດຖະມົນຕີ ຟ້າມບິ່ງມິງ ໄດ້ກ່າວວ່າ: ສະຫະປະຊາຊາດ ກຳລັງປະເຊີນ​​ໜ້າກັບສິ່ງທ້າທາຍຫຼາຍທີ່ສຸດ ນັບຕັ້ງແຕ່ເມື່ອເກີດມາການລະບາດຂອງພະຍາດ COVID-19 ໄດ້ສ້າງຄວາມວິຕົກກັງວົນຕໍ່ການແພດ, ເສດຖະກິດ - ສັງຄົມ ແລະ ມະນຸດ; ການແກ່ງແຍ່ງລະຫວ່າງບັນດາປະເທດທີ່ຍິ່ງໃຫຍ່, ຄວາມເຄັ່ງຕຶງ ແລະ ຂໍ້ຂັດແຍ່ງ, ພ້ອມທັງການຂາດໝັ້ນໝາຍຕໍ່ລັດທິຫຼາຍຝ່າຍ ຍັງສືບຕໍ່ສົ່ງຜົນກະທົບຕໍ່ວຽກງານຂອງສປຊ.

ທ່ານຮອງນາຍົກລັດຖະມົນຕີ ໄດ້ເນັ້ນໜັກເຖິງຄວາມເອົາໃຈໃສ່ຂອງຫວຽດນາມ ໃນການຊຸກຍູ້ລັດທິຫຼາຍຝ່າຍກັບສະຫະປະຊາຊາດ ແມ່ນມີບົດບາດເປັນໃຈກາງ; ຢັ້ງຢືນຄືນໃໝ່ການປະກອບສ່ວນຂອງຫວຽດນາມ ໃນການຮັກສາສັນຕິພາບ ແລະ ຄວາມໝັ້ນຄົງຂອງໂລກຢູ່ສະພາຄວາມໝັ້ນຄົງສະຫະປະຊາຊາດ, ຄວາມບຸກບືນໃນການນຳໜ້າ ໃນວິວັດການປະຕິຮູບລະບົບການພັດທະນາຂອງສະຫະປະຊາຊາດ, ຕັດສິນໃຈຊຸກຍູ້ການມີສ່ວນຮ່ວມ ໃນຄະນະຜູ້ແທນຮັກສາສັນຕິພາບຂອງສະຫະປະຊາຊາດ. ໃນຂະນະດຽວກັນ, ທ່ານຮອງນາຍົກລັດຖະມົນຕີ ຟ້າມບິ່ງມິງ ໄດ້ກ່າວວ່າ ໃນຖານະທີ່ເປັນປະທານອາຊຽນໃນປີ 2020, ຫວຽດນາມ ກຳລັງພະຍາຍາມໃນການຊຸກຍູ້ການຮ່ວມມືອາຊຽນ - ສປຊ, ລວມທັງການຕອບໂຕ້ຕໍ່ຜົນກະທົບທີ່ເກີດຈາກການລະບາດຂອງພະຍາດ COVID-19.

ໃນໄລຍະການກໍ່ສ້າງຍຸດທະສາດການພັດທະນາເສດຖະກິດ - ສັງຄົມໄລຍະ 5 ແລະ 10 ປີຂ້າງໜ້າ, ທ່ານຮອງນາຍົກລັດຖະມົນຕີ ຫວັງວ່າ ສະຫະປະຊາຊາດຈະສືບຕໍ່ໃຫ້ຄຳແນະນຳດ້ານນະໂຍບາຍ, ແບ່ງປັນຄວາມຮູ້ ແລະ ປະສົບການ, ແລະ ຊ່ວຍໃນການກໍ່ສ້າງຍົກສູງກຳລັງຄວາມສາມາດໃຫ້ແກ່ຫວຽດນາມ, ຢັ້ງຢືນວ່າ ຫວຽດນາມ ຖືເປັນສຳຄັນການພົວພັນກັບສະຫະປະຊາຊາດ ແລະ ຫວັງວ່າການຮ່ວມມືລະຫວ່າງຫວຽດນາມ ແລະ ສະ​ຫະ​ປະ​ຊາ​ຊາດ ຈະສືບຕໍ່ພັດທະນາຢ່າງແຮງ ແລະ ມີປະສິດທິຜົນໃນໄລຍະຈະມາເຖິງ.

ຫວຽດນາມ ໄດ້ໃຫ້ການຊ່ວຍເຫຼືອມະນຸດສະທຳ ດ້ານອຸປະກອນການແພດ ໃຫ້ແກ່ລັດເຊຍ ຍສໝ - ຕາມຂໍ້ມູນຈາກສະຖານທູດລັດເຊຍ ປະຈຳຫວຽດນາມ, ໃນວັນທີ 23 ຕຸລາ ຈຳນວນອຸປະກອນການແພດ ຊ່ວຍເຫຼືອມະນຸດສະທຳ ໄດ້ສົ່ງໄປເຖິງ Vladivostok, ລັດເຊຍ.

ນາຍົກລັດຖະມົນຕີ ຍີ່ປຸ່ນ ຕີລາຄາຜົນສຳເລັດການໄປຢ້ຽມຢາມ ຫວຽດນາມ ທ່ານນາຍົກລັດຖະມົນຕີ ຍີ່ປຸ່ນ Suga Yoshihide ໂດຍໃຫ້ຮູ້ວ່າ ໃນການຢ້ຽມຢາມ ຫວຽດນາມ ແລະ ອິນໂດເນເຊຍ, ທ່ານໄດ້ເຫັນດີເປັນເອກະພາບກັບບັນດາການນຳ ຫວຽດນາມ ແລະ ອິນໂດເນເຊຍ ກ່ຽວກັບການຮ່ວມມື ເພື່ອສ້າງອະນາຄົດແຫ່ງສັນຕິພາບ ແລະ ວັດທະນາຖາວອນຢູ່ພາກພື້ນມະຫາສະໝຸດອິນເດຍ - ປາຊີຟິກ.

ສະຫະປະຊາຊາດ ແມ່ນໜຶ່ງໃນບັນດາບຸລິມະສິດໃນນະໂນບາຍການຕ່າງປະເທດຂອງຫວຽດນາມ ຍສໝ - ໃນຕອນບ່າຍຂອງວັນທີ 23 ຕຸລາ 2019, ຢູ່ສໍານັກງານລັດຖະບານ, ທ່ານ ເຈືອງຮວ່າບິ່ງ ຮອງນາຍົກລັດຖະມົນຕີຜູ້ປະຈໍາການລັດຖະບານຫວຽດນາມ ໄດ້ໃຫ້ການຕ້ອນຮັບທ່ານ Kamal Malhotra ຜູ້ປະສານງານປະຈໍາ ສປຊ ເນື່ອງໃນໂອກາດສະຫຼີມສະຫຼອງ ວັນສ້າງຕັ້ງ ສປຊ ຄື ວັນທີ 24 ຕຸລາ.