ບັນດາທ້ອງຖິ່ນຂອງຈີນ ເພີ່ມການນຳເຂົ້າຜະລິດຕະພັນກະເສດຂອງຫວຽດນາມ
	ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຫວຽດນາມ ໂອ້ລົມທາງໂທລະສັບກັບ ອະດີດນາຍົກລັດຖະມົນຕີ ອັງກິດ

ທ່ານນາງປະທານສະພາແຫ່ງຊາດ ຫວຽດນາມ ຫງວຽນທິກິມເງິນ (ພາບ: TTXVN)

ພາຍຫລັງເກືອບ 40 ປີ ນັບແຕ່ເມື່ອປະຕິບັດສົນທິສັນຍາສະຫະປະຊາຊາດກ່ຽວກັບການລົບລ້າງບັນດາຮູບການຈຳແນກການປະພຶດຕ້ານແມ່ຍິງ, ເກືອບ 15 ປີນັບແຕ່ເມື່ອກົດໝາຍວ່າດ້ວຍຄວາມສະເໝີພາບລະຫວ່າງຍິງຊາຍມີຜົນສັກສິດ ແລະ 10 ປີແຫ່ງການປະຕິບັດຍຸດທະສາດແຫ່ງຊາດກ່ຽວກັບຄວາມສະເໝີພາບລະຫວ່າງຍິງ-ຊາຍ, ຫວຽດນາມ ບັນລຸໄດ້ຜົນງານສຳຄັນຫລາຍຢ່າງກ່ຽວກັບຄວາມສະເໝີພາບລະຫວ່າງຍິງ-ຊາຍ, ພິເສດແມ່ນບັນດາບາດກ້າວບຸກທະລຸກ່ຽວກັບຄວາມຮັບຮູ້ ແລະ ການກະທຳ. ຫວຽດນາມ ໄດ້ຮັບການຕີລາຄາວ່າ ແມ່ນໜຶ່ງໃນບັນດາປະເທດລົບລ້າງຄວາມແຕກໂຕ່ນກັນລະຫວ່າງຍິງ-ຊາຍຢ່າງວ່ອງໄວທີ່ສຸດໃນຮອບເວລາ 20 ປີຜ່ານມາ.

ປີ 2006, ຫວຽດນາມ ໄດ້ປະກາດໃຊ້ກົດໝາຍວ່າດ້ວຍຄວາມສະເໝີພາບລະຫວ່າງຍິງ-ຊາຍ, ໃນນັ້ນ ຮຽກຮ້ອງໃຫ້ບັນດາອົງການລັດຖະບານ ແລະ ຄະນະກຳມະການປະຊາຊົນທຸກຂັ້ນ ປະຕິບັດຄວາມຮັບຜິດຊອບຂອງຕົນ ໃນການຄຸ້ມຄອງລັດກ່ຽວກັບຄວາມສະເໝີພາບລະຫວ່າງຍິງ-ຊາຍ.

ທ່ານນາງປະທານສະພາແຫ່ງຊາດ ຫວຽດນາມ ຫງວຽນທິກິມເງິນ, ປະທານສະພາແຫ່ງຊາດຍິງຄົນທຳອິດໃນປະຫວັດສາດ ຫວຽດນາມ, ຢັ້ງຢືນການຊຸກຍູ້ຄວາມສະເໝີພາບລະຫວ່າງຍິງ-ຊາຍ ແລະ ສິດຂອງແມ່ຍິງແມ່ນແຜນນະໂຍບາຍສະເໝີຕົ້ນສະເໝີປາຍຂອງລັດ ຫວຽດນາມ, ເຊິ່ງໄດ້ລະບຸໃນລັດຖະທຳມະນູນ ແລະ ໄດ້ຮັບປະກັນຢ່າງແທ້ຈິງ. ທ່ານນາງ ຫງວຽນທິກິມເງິນ ໃຫ້ຮູ້ວ່າ: ຢູ່ ຫວຽດນາມ, ຊຸກຍູ້ຄວາມສະເໝີພາບລະຫວ່າງຍິງ-ຊາຍ ແລະ ມອບສິດໃຫ້ແມ່ຍິງ ຍາມໃດກໍ່ແມ່ນນະໂຍບາຍສະເໝີຕົ້ນສະເໝີປາຍ ແລະ ລຸລ່ວງຂອງລັດ. ບົນພື້ນຖານການກຳນົດຂອງລັດຖະທຳມະນູນແລ້ວ, ສະພາແຫ່ງຊາດ ຫວຽດນາມ ໄດ້ສ້າງລະບົບບັນດາເອກະສານນິຕິກຳ ແນໃສ່ປົກປັກຮັກສາ ແລະ ຊຸກຍູ້, ຍົກສູງ, ມອບສິດໃຫ້ແມ່ຍິງ, ພ້ອມທັງ ຍາມໃດກໍ່ມີຄວາມເອົາໃຈໃສ່, ຕິດຕາມການປະຕິບັດກົດໝາຍ, ຜັນຂະຫຍາຍບັນດານະໂຍບາຍຂອງລັດຖະບານ, ບັນດາກະຊວງ, ຂະແໜງການໃນຂົງເຂດສຳຄັນດັ່ງກ່າວ.

ພາບປະກອບ

ສິດສະເໝີພາບລະຫວ່າງຍິງ-ຊາຍ ໄດ້ຍົກອອກໃນແຖວຕົວໜັງສືທຳອິດຂອງກົດບັດສະຫະປະຊາຊາດ ເຊິ່ງໄດ້ຮັບການຮັບຮອງເອົາກ່ອນນີ້ 75 ປີ. ຫວຽດນາມ ໄດ້ຕັ້ງໜ້າຫັນບັນດາເປົ້າໝາຍຂອງສະຫະປະຊາຊາດກາຍເປັນຈິງຢ່າງມີຊີວິດຊີວາ, ເມື່ອສະຫງວນບັນດາບຸລິມະສິດໃດໜຶ່ງໃຫ້ແກ່ວຽກງານສະເໝີພາບລະຫວ່າງຍິງ-ຊາຍ.

ນອກຈາກນັ້ນ, ດ້ວຍຖານະບົດບາດເປັນກຳມະການບໍ່ປະຈຳການສະພາຄວາມໝັ້ນຄົງສະຫະປະຊາຊາດອາຍຸການ 2020 – 2021, ປະທານອາຊຽນ 2020, ປະທານສະມັດຊາໃຫຍ່ລັດຖະສະພາລະຫວ່າງບັນດາປເທດ ອາຊຽນ ຄັ້ງທີ 41, ຫວຽດນາມ ໃຫ້ຄຳໝັ້ນສັນຍາໃຫ້ບຸລິມະສິດແກ່ການຊຸກຍູ້ບັນດາຂໍ້ລິເລີ່ມທີ່ກ່ຽວຂ້ອງເຖິງແມ່ຍິງ ແລະ ເດັກຍິງໃນບັນດາກົນໄກສຳຄັນນີ້ ແລະ ພ້ອມແລ້ວທີ່ຈະຮ່ວມມືກັບບັນດາປະເທດ ເພື່ອມຸ່ງໄປເຖິງສັງຄົມມີຄວາມສະເໝີພາບຢ່າງແທ້ຈິງ ແລະ ໂລກແຫ່ງສັນຕິພາບແບບຍືນຍົງ.

ຫວຽດນາມ ໄດ້ປິ່ນປົວຫາຍດີຜູ້ຕິດເຊື້ອໂຄວິດ - 19 ຈຳນວນ 1.062 ຄົນ ໃນຈຳນວນຜູ້ຕິດເຊື້ອທັງໝົດ 1.173 ຄົນ 56 ມື້ແລ້ວ, ຫວຽດນາມ ຢັ້ງຢືນບໍ່ພົບກໍລະນີຕິດເຊື້ອໃໝ່ໃນຊຸມຊົນ.

ຍີ່ປຸ່ນຮັບ​ເອົາແຮງງານຫວຽດນາມຄ​ືນ​ໃໝ່ ​ຍ​ສ​ໝ - ຍີ່ປຸ່ນໄດ້ຮັບເອົາ​ແຮງງານຫວຽດນາມເຂົ້າເຮັດວຽກໃນ 14 ອາຊີບ ແລະລັດຖະບານຍີ່ປຸ່ນໄດ້ເພີ່ມ 7 ຕຳແໜ່ງຢ່າງເປັນທາງການໃນຂົງເຂດກໍ່ສ້າງທີ່ໄດ້ຮັບອະນຸຍາດໃຫ້ຮັບເອົາແຮງງານທີ່ມີລັກ​ສະ​ນະ​ພິເສດແມ່ນ ຄົນຕ່າງປະເທດ, ໃນນັ້ນມີຄົນງານຫວຽດນາມ.

ຫວຽດນາມສະໜັບສະໜູນ ຄວາມມານະພະຍາຍາມ ແລະ ຂໍ້ລິເລີ່ມເພື່ອບັນລຸມາດຕະການແກ້ໄຂຢ່າງຮອບດ້ານຕໍ່ບັນຫາປາແລດສະຕີນ ຍ​ສ​ໝ - ທ່ານຮອງລັດຖະມົນຕີ ດັ້ງ​ມິງ​ເຄີຍ ກໍ່ໄດ້ສະແດງຄວາມສາມັກຄີຂອງຫວຽດນາມຕໍ່ກັບການຕໍ່ສູ້ທີ່ຊອບທຳ ຂອງປະຊາຊົນປາແລັດສະຕິນໃນການສ້າງຕັ້ງປະເທດປາແລດສະຕີນທີ່ເປັນເອກະລາດ.