ເວທີປຶກສາຫາລືກ່ຽວກັບນະໂຍບາຍລະຫວ່າງຫວຽດນາມ ແລະ ລາຊະອານາຈັກອັງກິດ

	ໜັງສືພິມ Guardian (ອັງກິດ): ຄວາມທັນເວລາແມ່ນຄວາມຕ້ອງການທີ່ຊ່ວຍໃຫ້ ຫວຽດນາມ ຊະນະ COVID-19
	ອີຢູ - ອັງກິດ ຍາກທີ່ຈະບັນລຸໄດ້ຂໍ້ຕົກລົງ Brexit ໃນອາທິດນີ້

ເວທີປຶກສາຫາລື ໂດຍຮູບການຖ່າຍທອດສົດ ກ່ຽວກັບນະໂຍບາຍ ແລະ ການສົນທະນາວ່າດ້ວຍທ້ອງຕະຫຼາດ ທີ່ຈັດໂດຍກະຊວງອຸດສາຫະກຳ ແລະ ການຄ້າຫວຽດນາມ, ສະພາທຸລະກິດລາຊະອານາຈັກອັງກິດ - ອາຊຽນ ແລະ ສະຖານທູດຫວຽດນາມ ປະຈຳ ອັງກິດ ໃນວັນທີ 7 ຕຸລາ ໄດ້ຊ່ວຍເຫລືອບັນດາວິສາຫະກິດຫວຽດນາມ ແລະ ອັງກິດ ມີຄວາມຮັບຮູ້ຈ່າງແຈ້ງ ແລະ ຄົບຖ້ວນກ່ຽວກັບບັນດາກາລະໂອກາດ ແລະ ສິ່ງທ້າທາຍໃນການພົວພັນການຄ້າ - ການລົງທຶນລະຫວ່າງຫວຽດນາມ ແລະ ອັງກິດ ສຳລັບໄລຍະພາຍຫຼັງ Brexit ເມື່ອອັງກິດທີ່ອອກຈາກສະຫະພາບເອີຣົບ (EU).

ເວທີປຶກສາຫາລືກ່ຽວກັບນະໂຍບາຍລະຫວ່າງຫວຽດນາມ ແລະ ລາຊະອານາຈັກອັງກິດ. (ພາບ: vietnamplus)

ທ່ານ ເຈີນຫງອກອ່ານ - ເອກອັກຄະລັດຖະທູດຫວຽດນາມ ປະຈຳ ປະເທດອັງກິດ ໃຫ້ຮູ້ວ່າ ດ້ວຍຄວາມດຶງດູດຂອງທ້ອງຕະຫຼາດຫວຽດນາມ ແລະ ການພັດທະນາທີ່ຂະຫຍັນຂັນເຄື່ອນຂອງພື້ນຖານເສດຖະກິດຫວຽດນາມ, ແລະ ໃນສະພາບການຂອງສັນຍາການຄ້າເສລີ EVFTA ລະຫວ່າງອັງກິດ ແລະ ຫວຽດນາມ ຈະເຮັດໃຫ້ການລົງທຶນຂອງນັກທຸລະກິດອັງກິດຢູ່ຫວຽດນາມກໍ່ເພີ່ມຂື້ນ.

ໃນ 3 ປີທີ່ຜ່ານມາ, ຫວຽດນາມ ໄດ້ສົ່ງອອກສິນຄ້າທີ່ມີມູນຄ່າປະມານ 6 ຕື້ໂດລາສະຫະລັດ ໄປອັງກິດໃນແຕ່ລະປີ, ແລະ ໃນຂະນະທີ່ໄດ້ການນຳເຂົ້າສິນຄ້າມູນຄ່າ 1 ຕື້ໂດລາຈາກອັງກິດ. ຕະຫຼາດອັງກິດມີທີ່ຕັ້ງສຳຄັນສຳລັບຜະລິດຕະພັນສົ່ງອອກຢ່າງຫຼັກແຫຼ່ງຂອງຫວຽດນາມ, ເຊັ່ນ: ເສື້ອຜ້າ, ເກີບກິລາ, ເຟີນິເຈີ, ຄອມພິວເຕີ, ໂທລະສັບມືຖື, ຊາ, ກາເຟ, ພິກໄທ...

ບັນດາວິສາຫະກິດຫວຽດນາມ ແລະ ອັງກິດລ້ວນແຕ່ຫວັງວ່າ ສອງປະເທດຈະບັນລຸ FTA ສອງຝ່າຍໂດຍໄວ ເພື່ອດັດປັບການພົວພັນການຄ້າສອງຝ່າຍພາຍຫຼັງໄລຍະເຊື່ອມຕໍ່ Brexit.

ທ່ານລັດຖະມົນຕີການຕ່າງປະເທດອັງກິດ ໄດ້ສະໜັບສະໜູນຫວຽດນາມ ແກ້ໄຂບັນຫາຢູ່ທະເລຕາເວັນອອກໂດຍສັນຕິວິທີ ຍສໝ - ອັງກິດ ໄດ້ສະແດງຄວາມປາດຖະໜາຢາກເພີ່ມທະວີການພົວພັນຮ່ວມມືສອງຝ່າຍກັບຫວຽດນາມ, ຮ່ວມມືຢ່າງແໜ້ນແຟ້ນກັບຫວຽດນາມ ໃນການຊຸກຍູ້ການຮ່ວມມືລະຫວ່າງອັງກິດ ແລະ ພາກພື້ນ, ກໍ່ຄືໃນການແກ້ໄຂບັນດາບັນຫາຮີບດ່ວນທົ່ວໂລກ.

ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຫວຽດນາມ ເຈລະຈາກັບ ລັດຖະມົນຕີກະຊວງການຕ່າງປະເທດ ແລະ ພັດທະນາອັງກິດ ຍ​ສ​ໝ - ສອງ​ຝ່າຍ​ໄດ້​ໃຫ້​ຄຳ​ໝັ້​ນ​ສັນ​ຍາ​ຈະ​ຊຸກ​ຍູ້​ການ​ໂອ້​ລົມ​ສົນ​ທະ​ນາ​ຂັ​້ນ​ສູງ​ລະ​ຫວ່າງ ການ​ນຳ​ສອງ​ປະ​ເທດ, ເຮັດ​ໃຫ້​ການ​ພົ​ວ​ພັນ​ທາງ​ການ​ຄ​້າ ແລະ ການ​ລົງ​ທຶນ​ລະ​ຫວ່າງ​ສອງ​ຝ່າຍ​ເລິກ​ເຊິ່ງ​ກ່​ວາ​ອີກ ແລະ ເດີນ​ຕາມ​ການ​ຄ​້າ ແລະ ການ​ລົງ​ທຶນ​ເປີດ​ກ້​ວາງ​ກ່​ວາ​ຜ່ານ​ການ​ເຊື່ອມ​ໂຍງເສດ​ຖະ​ກິດ​ໃນ​ທົ່ວ​ໂລກ ແລະ ພາກ​ພື້ນ.

ປະເທດອາເມລິກາ ໄດ້ຊົມເຊີຍອັງກິດ, ຝລັ່ງ ແລະ ເຢຍລະມັນ ໃນການອອກສຽງກ່ຽວກັບທະເລຕາເວັນອອກ ຍສໝ - ເລ່ື່ອງສາມປະເທດມະຫາອຳນາດ ອັງກິດ, ເຢຍລະມັນ ແລະ ຝຣັ່ງ ສົ່ງບົດບັນທຶກຮ່ວມ ເຖິງສະຫະປະຊາຊາດ ທີ່ປະຕິເສດຄຳຮຽກຮ້ອງຂອງຈີນໃນທະເລຕາເວັນອອກ ໄດ້ຮັບຄວາມສົນໃຈຈາກລັດຖະມົນຕີວ່າການກະຊວງການຕ່າງປະເທດສະຫະລັດອາເມລິກາ.

ຄຳຮຸ່ງ