| ນາຍົກລັດຖະມົນຕີ ຫວຽດນາມ: ປີ 2021ຕ້ອງມີຈິດໃຈເພິ່ງຕົນເອງ, ສ້າງຄວາມເຂັ້ມແຂງດ້ວຍຕົນເອງເພື່ອພັດທະນາ | |
| ຫວຽດນາມ - ນິວຊີແລນ ແນໃສ່ຊຸກຍູ້ວົງເງິນການຄ້າໄດ້ບັນລຸ 1,7 ຕື້ USD |
ລັດຖະບານຫວຽດນາມ ຫາກໍ່ອອກມະຕິເລກທີ 136 / NQ-CP ກ່ຽວກັບການພັດທະນາແບບຍືນຍົງ ເຊິ່ງໄດ້ກຳນົດ 17 ເປົ້າໝາຍ ການພັດທະນາແບບຍືນຍົງຂອງຫວຽດນາມ ຮອດປີ 2030, ປະກອບມີ:
ເປົ້າໝາຍທີ 1: ຢຸດຕິຄວາມທຸກຍາກທຸກຮູບແບບຢູ່ທຸກບ່ອນ
ເປົ້າໝາຍທີ 2: ລົບລ້າງຄວາມອຶດຫິວ, ຮັບປະກັນຄວາມໝັ້ນຄົງດ້ານສະບຽງອາຫານ, ປັບປຸງທາດໂພຊະນາການ ແລະ ສົ່ງເສີມການພັດທະນາກະສິກຳແບບຍືນຍົງ.
ເປົ້າໝາຍທີ 3: ຮັບປະກັນຊີວິດສຸຂະພາບແຂງແຮງ ແລະ ເສີມຂະຫຍາຍສະຫວັດດີພາບຂອງປະຊາຊົນ ໃນທຸກໄວອາຍຸ
ເປົ້າໝາຍທີ 4: ຮັບປະກັນຄຸນນະພາບ ແລະ ຄວາມສະເໝີພາບຂອງການສຶກສາ ແລະ ສົ່ງເສີມໂອກາດການຮຽນຮູ້ຕະຫຼອດຊີວິດ ສຳລັບທຸກຄົນ.
ເປົ້າໝາຍທີ 5: ບັນລຸຄວາມສະເໝີພາບລະຫວ່າງຍິງ - ຊາຍ, ສ້າງຄວາມສິດທິອຳນາດ ແລະ ສ້າງກາລະໂອກາດ ໃຫ້ແມ່ຍິງ ແລະ ເດັກຍິງ.
ເປົ້າໝາຍທີ 6: ຄຸ້ມຄອງຊັບພະຍາກອນນໍ້າ ແລະ ລະບົບສຸຂະອານາໄມຢ່າງພຽງພໍ ແລະ ຍືນຍົງ ສຳລັບທຸກຄົນ.
ເປົ້າໝາຍທີ 7: ຮັບປະກັນການເຂົ້າເຖິງພະລັງງານທີ່ຍືນຍົງ, ໜ້າເຊື່ອຖື ແລະ ລາຄາບໍ່ແພງ ສຳລັບທຸກຄົນ.
ເປົ້າໝາຍທີ 8: ຮັບປະກັນການເຕີບໂຕເສດຖະກິດແບບຍືນຍົງ, ຮອບດ້ານ ແລະ ຕໍ່ເນື່ອງ; ສ້າງວຽກເຮັດງານທຳທີ່ເໝາະສົມສຳລັບທຸກຄົນ.
ເປົ້າໝາຍທີ 9: ສ້າງພື້ນຖານໂຄງລ່າງທີ່ມີຄວາມສາມາດທົນທານສູງ, ສົ່ງເສີມການຫັນເປັນອຸດສາຫະກຳແບບລວມ ແລະ ຍືນຍົງ, ແລະ ເສີມຂະຫຍາຍການຫົວຄິດປະດິດສ້າງ.
 |
| (ພາບປະກອບ: thoidai.com.vn) |
ເປົ້າໝາຍທີ 10: ຫຼຸດຜ່ອນຄວາມບໍ່ສະເໝີພາບໃນສັງຄົມ.
ເປົ້າໝາຍທີ 11: ພັດທະນາຕົວເມືອງ ແລະ ຊົນນະບົດແບບຍືນຍົງ, ແລະ ມີຄວາມສາມາດທົນທານສູງ; ຮັບປະກັນສະພາບແວດລ້ອມໃນການເຮັດວຽກ ແລະ ການດຳລົງຊີວິດທີ່ປອດໄພ, ແບ່ງປັນປະລິມານປະຊາກອນ ແລະ ຜູ້ແຮງງານຢ່າງສົມເຫດສົມຜົນຕາມພາກພື້ນ.
ເປົ້າໝາຍທີ 12: ຮັບປະກັນການຜະລິດ ແລະ ການໃຊ້ຈ່າຍບໍລິໂພກທີ່ຍືນຍົງ.
ເປົ້າໝາຍທີ 13: ຮັບມືຢ່າງວ່ອງໄວ ແລະ ມີປະສິດຕິຜົນຕໍ່ການປ່ຽນແປງດິນຟ້າອາກາດ ແລະ ໄພພິບັດທາງທຳມະຊາດ.
ເປົ້າໝາຍທີ 14: ອະນຸລັກ ແລະ ນຳໃຊ້ມະຫາສະໝຸດ, ທະເລ ແລະ ຊັບພະຍາກອນທະເລ ເພື່ອການພັດທະນາແບບຍືນຍົງ.
ເປົ້າໝາຍທີ 15: ປົກປັກຮັກສາ ແລະ ພັດທະນາປ່າໄມ້ໃຫ້ມີຄວາມຍືນຍົງ, ອະນຸລັກຊີວະວິທະຍາຫຼາຍຮູບແບບ, ພັດທະນາການບໍລິການລະບົບນິເວດ, ສະກັດກັ້ນການຖົດຖອຍ ແລະ ຟື້ນຟູຊັບພະຍາກອນທີ່ດິນ.
ເປົ້າໝາຍທີ 16: ສົ່ງເສີມສັງຄົມທີ່ມີສັນຕິພາບ, ປະຊາທິປະໄຕ, ຍຸດຕິທຳ, ສະເໝີພາບ ແລະ ຄວາມສີວິໄລ ເພື່ອການພັດທະນາແບບຍືນຍົງ, ສ້າງການເຂົ້າເຖິງຄວາມຍຸຕິທຳ ໃຫ້ກັບທຸກຄົນ; ກໍ່ສ້າງສະຖາບັນທີ່ມີປະສິດຕິພາບ, ມີຄວາມຮັບຜິດຊອບ.
ເປົ້າໝາຍທີ 17: ເພີ່ມທະວີການປະຕິບັດ ແລະ ຊຸກຍູ້ການຮ່ວມມືທົ່ວໂລກເພື່ອການພັດທະນາແບບຍືນຍົງ.
ເພື່ອເຮັດສຳເລັດບັນດາເປົ້າໝາຍທີ່ກ່າວມາຂ້າງເທິງນັ້ນ, ມະຕິເລກທີ 136/NQ-CP ໄດ້ກຳນົດວ່າ ໃນໄລຍະປີ 2020-2030, ນອກຈາກວຽກງານປົກກະຕິທີ່ກ່ຽວຂ້ອງກັບຂົງເຂດການຄຸ້ມຄອງ, ບັນດາກະຊວງ ແລະ ສາຂາຄວນສຸມໃສ່ວຽກງານ ແລະ ວິທີແກ້ໄຂທີ່ສຳຄັນ ເພື່ອສົ່ງເສີມການປະຕິບັດເປົ້າໝາຍ ການພັດທະນາແບບຍືນຍົງ.
ທ່ານນາຍົກລັດຖະມົນຕີ ຫງວຽນຊວນຟຸກ ກ່າວວ່າ ກ່ຽວກັບເປົ້າໝາຍລົບລ້າງຄວາມອຶດຫິວ, ຮັບປະກັນຄວາມໝັ້ນຄົງດ້ານສະບຽງອາຫານ, ປັບປຸງໂພຊະນາການ ແລະ ຊຸກຍູ້ການພັດທະນາແບບຍືນຍົງ, ແຜນທີ່ເສັ້ນທາງຮອດປີ 2020 ໂດຍພື້ນຖານແລ້ວຈະແກ້ໄຂບັນຫາຄວາມອຶດຫິວ, ຮອດປີ 2025 ໄດ້ລົບລ້າງຄວາມອຶດຫິວຢູ່.
 | ສິງກະໂປ ເປີດປະຕູໃຫ້ນັກທ່ອງທ່ຽວຫວຽດນາມ ເລີ່ມແຕ່ວັນທີ 8 ຕຸລານີ້ ຍສໝ - ສິງກະໂປ ໄດ້ປະເມີນຄວາມສ່ຽງຕໍ່ການຕິດເຊື້ອພະຍາດ ຈາກປະເທດຫວຽດນາມ ແລະ ປະເທດອົດສະຕາລີແມ່ນຍັງຕໍ່າ, ແລະ ສັງເກດວ່າໃນ 28 ວັນທີ່ຜ່ານມາ, ຫວຽດນາມ ບໍ່ມີກໍລະນີຕິດເຊື້ອພະຍາດ COVID-19 ຢູ່ໃນຊຸມຊົນ. |
 | ລາວ: ໃນປີ 2030 ປະຊາກອນ ຈະເພີ່ມຂຶ້ນເຖິງ 8.1 ລ້ານຄົນ ລັດຖະບານ ສປປ ລາວ ໄດ້ສຸມໃສ່ການຟື້ນຟູ ຜົນກະທົບຈາກການແຜ່ ລະບາດຂອງພະຍາດ ໂຄວິດ-19 ຄຽງຄູ່ກັນກັບການວາງແຜນ ພັດທະນາເສດຖະກິດ-ສັງຄົມ 5 ປີ ຄັ້ງທີ 9 ແລະ ໄດ້ເຮັດບົດລາຍງານການຄາດຄະເນ ປະຊາກອນລາວ ໃນປີ 2030 ເຊິ່ງເຫັນວ່າປະຊາກອນ ສປປ ລາວ ຈະເພີ່ມຂຶ້ນເຖິງ 8.1 ລ້ານຄົນ. |
 | ຫຼາຍປະເທດສະເໜີຕົວເປັນເຈົ້າພາບບານໂລກ 2030 ສຳລັບບານໂລກ ປີ 2030 ຕາມລະບຽບທີ່ເຫັນດີເປັນເອກະພາບຂອງຊາດສະມາຊິກ ຟີຟ້າ ແມ່ນມີ 48 ທີມໃນຮອບສຸດທ້າຍ ຄືກັບບານໂລກ 2026 ທີ່ການາດາ ເມັກຊີໂກ ແລະ ສະຫະລັດອາເມຣິກາ ຄວ້າສິດເປັນເຈົ້າພາບຮ່ວມກັນ ສ່ວນບານໂລກປີ 2022 ທີ່ກາຕາ ຕາມລະບຽບກ່ອນໜ້ານີ້ ກຳນົດເອົາ 32 ທີມ ແຕ່ອາດເພີ່ມເປັນ 48 ທີມ ... |
ຄຳຮຸ່ງ
