 |
ຫຼາຍປະເທດສະເໜີຕົວເປັນເຈົ້າພາບບານໂລກ 2030
ກ່ອນໜ້ານີ້ ມີ 3 ປະເທດ ໃນເຂດອາເມຣິກາໃຕ້ ສະເໜີຕົວຊີງສິດເປັນເຈົ້າພາບຮ່ວມ ຄື: ອາກຊັງຕິນ ອຸຣູໄກວ ແລະ ປາຣາໄກວ ແຕ່ຫຼ້າສຸດໃນກາງອາທິດຜ່ານມາ ມີປະເທດ ຊີລີ ທີ່ຢູ່ໃນເຂດດຽວກັນ ຂໍສະເໜີຕົວເປັນເຈົ້າພາບຮ່ວມກັບອີກ 3 ປະເທດ ເປັນ 4 ປະເທດ ຊຶ່ງເປັນຄັ້ງທຳອິດ ທີ່ມີ 4 ປະເທດສະເໜີເປັນເຈົ້າພາບບານໂລກ ສຳລັບ ຊີລີ ເຄີຍເປັນເຈົ້າພາບໂລກ ປີ 1962 ຂະນະທີ່ ອຸຣູໄກວ ກໍເຄີຍເປັນເຈົ້າພາບໃນປີ 1930 ຊຶ່ງເປັນຄັ້ງທຳອິດຂອງການແຂ່ງຂັນ ອາກຊັງຕິນ ເປັນເຈົ້າພາບ ປີ 1978 ສ່ວນ ປາຣາໄກວ ຍັງບໍ່ເຄີຍເປັນເຈົ້າພາບ ແຕ່ທັງ 4 ປະເທດ ຍັງມີຄູ່ແຂ່ງອີກຫຼາຍປະເທດ ເຊັ່ນ: ປອກຕຸຍການ ແອັສປາຍ ມາຣົກ ເກຣັກ ບຸນກາຣີ ແຊກບີ ຣູມານີ ອັງກິດ ເວວ ສະກັອດແລນ ໄອແລນເໜືອ ສາທາລະນະລັດໄອຣແລນ ແຄມເມີຣູນ ເອຢິບ ຍີ່ປຸ່ນ ສປ ຈີນ ແລະ ສ ເກົາຫຼີ ແລະ ສປປ ເກົາຫຼີ.
ສຳລັບບານໂລກ ປີ 2030 ຕາມລະບຽບທີ່ເຫັນດີເປັນເອກະພາບຂອງຊາດສະມາຊິກ ຟີຟ້າ ແມ່ນມີ 48 ທີມໃນຮອບສຸດທ້າຍ ຄືກັບບານໂລກ 2026 ທີ່ການາດາ ເມັກຊີໂກ ແລະ ສະຫະລັດອາເມຣິກາ ຄວ້າສິດເປັນເຈົ້າພາບຮ່ວມກັນ ສ່ວນບານໂລກປີ 2022 ທີ່ກາຕາ ຕາມລະບຽບກ່ອນໜ້ານີ້ ກຳນົດເອົາ 32 ທີມ ແຕ່ອາດເພີ່ມເປັນ 48 ທີມ ຊຶ່ງກຳລັງພິຈາລະນາ.
（ແຫຼ່ງຂໍ້ມູນ： vientianemai.net）
