ຊຸກຍູ້ແຮງການຮ່ວມມືໃນຂົງເຂດປິ່ນປົວ ແລະ ຄົ້ນຄ້ວາວິທະຍາສາດລະຫວ່າງຫວຽດນາມ ແລະ ກູບາ
	ແຜນການຈັດຕັ້ງປະຕິບັດສັນຍາການຄ້າລະຫວ່າງ ຫວຽດນາມ ແລະ ກູບາ

ທີ່ການພົບປະ, ທ່ານປະທານຄະນະກຳມະການສູນກາງແນວໂຮມປະເທດຊາດຫວຽດນາມ ເຈີນແທັງເມີ້ນ ໄດ້ສະແດງຄວາມຍິນດີທີ່ໄດ້ຕ້ອນຮັບ ທ່ານນາງເອກອັກຄະລັດຖະທູດ Lianys Torres Rivera ແລະ ຢືນຢັນວ່າ, ໃນຊຸມປີທີ່ຜ່ານມາ, ສາຍພົວພັນມິດຕະພາບທີ່ເປັນມູນເຊື້ອ ແລະ ຄວາມສາມັກຄີແບບພິເສດລະຫວ່າງຫວຽດນາມ ແລະ ກູບາເວົ້າລວມ, ແລະ ລະຫວ່າງຄະນະກຳມະການສູນກາງແນວໂຮມປະເທດຊາດຫວຽດນາມ ແລະ ຄະນະກຳມະການປົກປ້ອງການປະຕິວັດກູບາເວົ້າສະເພາະ ໄດ້ຮັບການເສີມສ້າງ ແລະ ພັດທະນາຢ່າງບໍ່ຢຸດຢັ້ງ.

ທ່ານ ເຈີນແທັງເມີ້ນ ໄດ້ໃຫ້ການຕ້ອນຮັບທ່ານນາງ Lianys Torres Rivera - ເອກອັກຄະລັດຖະທູດກູບາ ປະຈຳຫວຽດນາມ. (ພາບ: thoidai.com.vn)

ທ່ານ ເຈີນແທັງເມີ້ນ ໄດ້ສະແດງຄວາມຂອບໃຈຢ່າງຈິງໃຈຕໍ່ພັກ, ລັດ ແລະ ປະຊາຊົນກູບາ, ເຖິງວ່າປະເທດກູບາ ຍັງປະສົບກັບຄວາມຫຍຸ້ງຍາກຫລາຍຢ່າງ, ແຕ່ກໍ່ໄດ້ໃຫ້ການໜູນຊ່ວຍເຄື່ອງອຸປະກອນການແພດ ໃຫ້ແກ່ຫວຽດນາມເພື່ອປ້ອງກັນການແຜ່ລະບາດຂອງພະຍາດ COVID-19.

ນອກຈາກນັ້ນ, ຫວຽດນາມ ກໍ່ໃຫ້ການສະໜັບສະໜູນດ້ານວັດຖຸເລັກນ້ອຍ ໃຫ້ແກ່ກູບາ, ຜ່ານນັ້ນ, ກໍ່ໄດ້ສະແດງໃຫ້ເຫັນເຖິງນ້ຳໃຈສະມັກຄີຂອງຫວຽດນາມ ທີ່ສະຫງວນໃຫ້ແກ່ປະເທດອ້າຍນ້ອງກູບາ.

ໃນໂອກາດນີ້, ທ່ານ ເຈີນແທັງເມີ້ນ ກໍ່ປາດຖະໜາວ່າ ທ່ານເອກອັກຄະລັດຖະທູດ Lianys Torres Rivera ຈະສືບຕໍ່ຊຸກຍູ້ການພົວພັນລະຫວ່າງສອງພັກ ແລະ ສອງລັດ; ຊຸກຍູ້ການພົວພັນຮ່ວມມືລະຫວ່າງແນວໂຮມປະເທດຊາດຫວຽດນາມ ແລະ ຄະນະກຳມະການປົກປ້ອງການປະຕິວັດກູບາໃນໄລຍະຈະມາເຖິງ.

ສ່ວນ ທ່ານນາງ Lianys Torres Rivera ໃຫ້ຮູ້ວ່າໃນປີ 2020, ປະເທດຫວຽດນາມ ແລະ ກູບາ ສະເຫຼີມສະຫຼອງ 60 ປີແຫ່ງວັນສ້າງຕັ້ງສາຍພົວພັນທາງການທູດ. ສະນັ້ນ, ໃນໄລຍະຈະມາເຖິງ, ສອງຝ່າຍ ຈະປະສານສົມທົບເພື່ອມີບັນດາການເຄື່ອນໄຫວແທດຈິງເພື່ອສະເຫຼີມສະຫຼອງເຫດການສຳຄັນນີ້.

ທ່ານນາງ Lianys Torres Rivera ກໍ່ຢືນຢັນວ່າຈະເຮັດຈົນສຸດຄວາມສາມາດຂອງຕົນເພື່ອປະກອບສ່ວນໃນການຮັດແໜ້ນສາຍພົວພັນມິດຕະພາບພິເສດລະຫວ່າງສອງພັກ, ສອງລັດ ແລະ ປະຊາຊົນຂອງສອງປະເທດ.

ເພີ່ມທະວີການຮ່ວມມືດ້ານປ້ອງກັນຊາດ ລະຫວ່າງຫວຽດນາມ ແລະ ສະຫະພາບເອີຣົບ ຍສໝ - ອີງຕາມສັນຍາ FPA, ສະຫະພາບເອີຣົບ ໄດ້ເລືອກເອົາຫວຽດນາມ ເປັນປະເທດທີ່ທົດລອງໃນແຜນຍຸດທະສາດຂອງ ສະຫະພາບເອີຣົບ ກ່ຽວກັບການເພີ່ມທະວີການຮ່ວມມືດ້ານປ້ອງກັນຊາດ ແລະ ຄວາມໝັ້ນຄົງຢູ່ອາຊີ.

ປະຊາຊົນຫວຽດນາມ ໄດ້ຮ່ວມແຮງຮ່ວມໃຈ ເພື່ອຊ່ວຍເຫຼືອ ກູບາ ໃນການຕໍ່ສູ້ກັບພະຍາດ COVID-19 ຍສໝ​ - ເມື່ອບໍ່ດົນມານີ້, ສະມາຄົມມິດຕະພາບຫວຽດນາມ - ກູບາ ແລະ ສະໂມສອນນັກຮຽນເກົ່າ ຫວຽດນາມ ຢູ່ກູບາໄດ້ບໍລິຈາກເງິນໜູນຊ່ວຍປະຊາຊົນກູບາ ແຕ່ວັນທີ 8 - 25 ເມສາ ເພື່ອຕໍ່ສູ້ກັບພະຍາດ COVID-19. ໄລ່ມາຮອດປະຈຸບັນ, ຈຳນວນເງິນດັ່ງກ່າວໄດ້ຮັບແມ່ນ 1 ຕື້ດົ່ງ, ເຂົ້າສານ 10 ໂຕນ ແລະ ...

ຍູ້ແຮງບັນດາການເຄື່ອນໄຫວໂຄສະນາເຜີຍແຜ່ກ່ຽວກັບສັນຍາການຄ້າເສລີ ລະຫວ່າງຫວຽດນາມ - ສະຫະພາບເອີຣົບ (EVFTA) ໃຫ້ແກ່ວິສາຫະກິດ ຍສໝ - ບັນດາວິສາຫະກິດຕ້ອງເປັນເຈົ້າການໃນການເຂົ້າຮ່ວມວິວັດການຫັນບັນດາຄໍາໝັ້ນສັນຍາໃນສັນຍາ EVFTA ໃຫ້ເປັນຂໍ້ກໍານົດກົດໝາຍ ພ້ອມກັບບັນດາອົງການເຈົ້າໜ້າທີ່, ເພື່ອບັນລຸໄດ້ບັນດາຂໍ້ກໍານົດທີ່ເປັນປະໂຫຍດທີ່ສຸດສໍາລັບວິສາຫະກິດ.