 |
| ພາບປະກອບ |
ໃນໄລຍະ 8 ເດືອນຂອງປີ 2020, ຍອດເງິນລົງທຶນຕ່າງປະເທດເຂົ້າຫວຽດນາມ ບັນລຸ 19,54 ຕື້ໂດລາສະຫະລັດ, ເທົ່າກັບ 86,3% ເມື່ອທຽບໃສ່ກັບໄລຍະດຽວກັນຂອງປີີ 2019. ກົມລົງທຶນຕ່າງປະເທດຕີລາຄາວ່າໝາກຜົນດຶງດູດການລົງທຶນໃນໄລຍະ 8 ເດືອນຂອງປີ 2020 ເຖິງວ່າຫຼຸດລົງເມື່ອທຽບໃສ່ກັບໄລຍະດຽວກັນຂອງປີກາຍກໍ່ຕາມ, ແຕ່ວ່າໃນສະພາບການລົງທຶນທົ່ວໂລກຖືກຫຼຸດລົງຢ່າງແຮງຍ້ອນຜົນສະທ້ອນຈາກພະຍາດໂຄວິດ-19, ຫວຽດນາມ ກໍ່ຍັງດີກວ່າເມື່ອທຽບໃສ່ກັບຫຼາຍປະເທດອື່ນ, ສະແດງໃຫ້ເຫັນຄວາມດູດດື່ມຂອງຫວຽດນາມ ໃນສາຍຕາວົງການນັກລົງທຶນສາກົນ.
ທ່ານ ສຈ.ປອ ຫງວຽນມ້າຍ, ປະທານສະຫະສະມາຄົມວິສາຫະກິດລົງທຶນຕ່າງປະເທດ ໄຈ້ແຍກວ່າ: ພ້ອມກັບອິນເດຍ ແລະອິນໂດເນເຊຍ, ຫວຽດນາມພວມພົ້ນເດັ່ນຂຶ້ນແມ່ນໜຶ່ງໃນສາມຈຸດນັດພົບທີ່ດູດກະແສການເຄື່ອນຍ້າຍເງິນລົງທຶນ. ກ່ອນໜ້ານີ້, ຫວຽດນາມ ມີທ່າແຮງແມ່ນຄວາມໝັ້ນຄົງດ້ານການເມືອງ, ເສດຖະກິດມະຫາພາກມີຄວາມໝັ້ນຄົງ, ໄພເງິນເຟີ້ຕ່ຳ ແລະໄດ້ຮັບການຕີລາຄາສູງກ່ຽວກັບແຫຼ່ງຊັບພະຍາກອນມະນຸດທີ່ມີຄຸນນະພາບປະຈຸບັນໄດ້ມີສອງທ່າແຮງໃໝ່ໄດ້ເຮັດໃຫ້ເພີ່ມລັກສະນະດູດດື່ມຂອງສະພາບແວດລ້ອມແຫ່ງການການລົງທຶນ.
ໃນເດືອນສິງຫາ ຜ່ານມາ, ເສດຖະກິດຫວຽດນາມ ສືບຕໍ່ໄດ້ຮັບການເຕີບໂຕ. ການສົ່ງອອກມີສະຖຽນລະພາບ ແລະ ເຕີບໂຕ 1,42% ໃນແຕ່ລະເດືອນ. ໃນໄລຍະ 8 ເດືອນຂອງປີ 2020, ຫວຽດນາມ ໄດ້ຮັບທຶນ FDI ແມ່ນ 19,5 ຕື້ USD, ຫຼຸດລົງ 14% ເມື່ອທຽບໃສ່ໄລຍະດຽວກັນຂອງປີ 2019. ໄພເງິນເຟີ້ສືບຕໍ່ຫຼຸດລົງໃນເດືອນສິງຫາ, ຢູ່ລະດັບ 3,2% ເມື່ອທຽບໃສ່ໄລຍະດຽວກັນຂອງປີ 2019. ສິ່ງທີ່ໜ້າສົນໃຈແມ່ນ, ໄລ່ຮອດທ້າຍເດືອນ ສິງຫາ 2020, ການສະສົມເງິນຕາຕ່າງປະເທດຂອງທະນາຄານແຫ່ງລັດຫວຽດນາມ ແມ່ນ 92 ຕື້ USD, ເພີ່ມຂຶ້ນເມື່ອທຽບໃສ່ລະດັບ 80 ຕື້ USD ໃນທ້າຍເດືອນ ທັນວາ 2019. ເຖິງຢ່າງໃດກໍ່ຕາມ, ລະດັບເຕີບໂຕດັ່ງກ່າວບໍ່ສູງຄືໄລຍະດຽວກັນຂອງປີ 2019, ແຕ່ມັນໄດ້ເປັນສິ່ງພິສູດໃຫ້ເຫັນຄວາມສາມາດໃນການດຟື້ນຟູຂອງພື້ນຖານເສດຖະກິດຫວຽດນາມ.
ມາຮອດປະຈຸບັນ, ຫວຽດນາມ ໄດ້ເຂົ້າຮ່ວມສັນຍາການຄ້າເສລີ (FTA) 13 ສະບັບ, ໃນນັ້ນ ມີບັນດາ FTA ສະບັບໃໝ່ ທີ່ມີຄຸນນະພາບສຳລັບບັນດາກຸ່ມເສດຖະກິດແຂງແຮງ (ສັນຍາ CPTPP, EVFTA), ສະນັ້ນ ຕະຫລາດຂອງພື້ນຖານເສດຖະກິດ ຫວຽດນາມ ຈຶ່ງໄດ້ເປີດກ້ວາງຢ່າງໃຫຍ່ຫລວງ. ທັງ ອາເມລິກາ ແລະ ສະຫະພາບ ເອີຣົບ (EU) ລ້ວນແຕ່ຖື ຫວຽດນາມ ເປັນຄູ່ຮ່ວມມືການຄ້າສຳຄັນຢູ່ ອາຊີ - ປາຊີຟິກ. ກໍ່ຍ້ອນກຳລັງແຮງຄວາມຕ້ານທານຂອງພື້ນຖານເສດຖະກິດທີ່ດີກ່ວາເກົ່າຫລາຍ ສະນັ້ນ ເມື່ອເບິ່ງລວມແລ້ວ ການເຂົ້າຮ່ວມໃນ FTA ສະບັບຕ່າງໆຂອງ ຫວຽດນາມ ລ້ວນແຕ່ບັນລຸໄດ້ປະສິດທິຜົນທີ່ດີ.
 | ລາວ: ບໍ່ພົບຜູ້ຕິດເຊື້ອໂຄວິດ-19 ເພີ່ມ ໃນວັນທີ 22 ກັນຍາ 2020, ຢູ່ກະຊວງສາທາລະນະສຸກ ທ່ານ ດຣ ນາງ ພອນປະເສີດ ໄຊຍະມຸງຄຸນ ຮອງຫົວໜ້າກົມຄວບຄຸມ ພະຍາດຕິດຕໍ່ ກະຊວງສາທາລະນະສຸກ ໄດ້ຖະແຫລງກ່ຽວກັບ ສະ ພາບການລະບາດ ແລະ ມາດຕະການປ້ອງກັນ ແລະ ຄວບຄຸມພະຍາດ ອັກເສບປອດຈາກ ເຊື້ອຈຸລະໂລກໂຄໂລນາສາຍພັນໃໝ່ COVID-19 ຢູ່ ສປປ ລາວ ວ່າ: ມາຮອດເວລາ 17:00 ໂມງຂອງວັນທີ 21 ກັນຍາ 2020, ມີຜູ້ເດີນທາງຜ່ານ ດ່ານຕ່າງໆເຂົ້າມາ ສປປ ລາວ ທັງໝົດ 2.047 ຄົນ. |
 | ອາເມລິກາແມ່ນຄູ່ຮ່ວມມືການຄ້າແຖວໜ້າຂອງຫວຽດນາມ ຍສໝ - ມູນຄ່າການ ນຳເຂົ້າ - ສົ່ງອອກ ດ້ານ ຜະລິດຕະພັນກະເສດ - ເຄື່ອງປ່າຂອງດົງ - ສິນໃນນໍ້າ ລະຫວ່າງສອງປະເທດບັນລຸ 7,53 ຕື້ໂດລາສະຫະລັດ, ເພີ່ມຂຶ້ນ 9% ເມື່ອທຽບໃສ່ໄລຍະດຽວກັນຂອງປີ 2019. |
 | ທົ່ວໂລກຢັ້ງຢືນມີຜູ້ຕິດເຊື້ອພະຍາດ Covid – 19 ຫຼາຍກ່ວາ 31.2 ລ້ານຄົນ ອາເມລິກາມີຜູ້ຕິດເຊື້ອພະຍາດເກືອບ 7 ລ້ານຄົນ ແລະ ຜູ້ເສຍຊີວິດເກືອບ 204.000 ຄົນ. |
ໄຊພອນ
