ທົ່ວໂລກຢັ້ງຢືນມີຜູ້ຕິດເຊື້ອພະຍາດ Covid – 19 ຫຼາຍກ່ວາ 31.2 ລ້ານຄົນ
	ນະຄອນດ່ານັ້ງ ສືບຕໍ່ຜ່ອນຜັນບັນດາມາດຕະການປ້ອງກັນ COVID – 19

ພາບປະກອບ

ປັດຈຸບັນ, ໂລກຢັ້ງຢືນມີຜູ້ຕິດເຊື້ອພະຍາດ Covid – 19 ເກືອບ 31,5 ລ້ານຄົນ, ໃນນັ້ນມີຜູ້ເສຍຊີວິດ 968.865 ຄົນ.ອາເມລິກາ ຍັງຄົງແມ່ນປະເທດທີ່ຖືກຜົນສະທ້ອນຢ່າງຮ້າຍແຮງທີ່ສຸດຈາກໂລກລະບາດ Covid – 19 ດ້ວຍຈຳນວນຜູ້ຕິດເຊື້ອພະຍາດຫຼາຍກ່ວາ 7 ລ້ານຄົນ ແລະ ຜູ້ເສຍຊີວິດ 204.467 ຄົນ. ໃນວັນທີ 22 ກັນຍາ 2020, ຢູ່ກະຊວງສາທາລະນະສຸກ ທ່ານ ດຣ ນາງ ພອນປະເສີດ ໄຊຍະມຸງຄຸນ ຮອງຫົວໜ້າກົມຄວບຄຸມ ພະຍາດຕິດຕໍ່ ກະຊວງສາທາລະນະສຸກ ໄດ້ຖະແຫລງກ່ຽວກັບ ສະ ພາບການລະບາດ ແລະ ມາດຕະການປ້ອງກັນ ແລະ ຄວບຄຸມພະຍາດ ອັກເສບປອດຈາກ ເຊື້ອຈຸລະໂລກໂຄໂລນາສາຍພັນໃໝ່ COVID-19 ຢູ່ ສປປ ລາວ ວ່າ: ມາຮອດເວລາ 17:00 ໂມງຂອງວັນທີ 21 ກັນຍາ 2020, ມີຜູ້ເດີນທາງຜ່ານ ດ່ານຕ່າງໆເຂົ້າມາ ສປປ ລາວ ທັງໝົດ 2.047 ຄົນ. ໃນນີ້, ຜ່ານດ່ານລາວ-ໄທ 964 ຄົນ, ດ່ານລາວ-ຈີນ 24 ຄົນ, ດ່ານລາວ-ຫວຽດນາມ 714 ຄົນ, ດ່ານລາວ-ກໍາປູເຈຍ, ດ່ານລາວ-ມຽນມາ 3 ຄົນ ແລະ ຜ່ານສະໜາມບິນສາກົນວັດໄຕ 342 ຄົນ, ໂດຍທັງໝົດໄດ້ຮັບການກວດອຸນຫະພູມ ແລະ ບໍ່ພົບອາການໄຂ້, ພ້ອມທັງໄດ້ເກັບຕົວຢ່າງ ທຸກຄົນມາກວດວິເຄາະ ແລະ ຈັດສົ່ງໄປຈໍາກັດບໍລິເວນ ຕາມສູນທີ່ທາງການກໍານົດ ໄວ້ເປັນເວລາ 14 ມື້. ຂະນະດຽວກັນ, ຍັງມີຜູ້ທີ່ຈໍາກັດບໍລິເວນຢູ່ສູນ 47 ແຫ່ງໃນທົ່ວປະເທດ ປະມານ 3.456 ຄົນ, ແຕ່ບໍ່ພົບເຊື້ອ,​ ໝາຍວ່າຢູ່ ສປປ ລາວ ຍັງບໍ່ມີຜູ້ຕິດເຊື້ອເພີ່ມ ແລະ ຍັງຢູ່ທີ່ຕົວເລກຜູ້ຕິດເຊື້ອ ລວມທັງໝົດ 23 ຄົນ, ປິ່ນປົວຫາຍດີ 22 ຄົນ ແລະ ຍັງປິ່ນປົວຢູ່ໂຮງໝໍມິດຕະພາບ 1 ຄົນ.

ມື້ທີ 20 ຢ່າງລຽນຕິດແລ້ວທີ່ ຫວຽດນາມ ບໍ່ກວດພົບຜູ້ຕິດເຊື້ອພະຍາດ Covid – 19 ໃໝ່ຕື່ມອີກໃນຊຸມຊົນ. ຫວຽດນາມ ຢັ້ງຢືນຍັງຄົງມີຜູ້ຕິດເຊື້ອພະຍາດ Covid - 19 1.068 ຄົນ. ປັດຈຸບັນ, ຫວຽດນາມ ໄດ້ປິ່ນປົວ ໃຫ້ແກ່ ຜູ້ຕິດເຊື້ອຫາຍດີ 947 ຄົນ ແລະ ມີ ຜູ້ເສຍຊີວິດ 35 ຄົນ. ວາລະສານ Conter Punch ຂອງອາເມລິກາ ຫາກໍ່ລົງບົດຂຽນໄຈ້ແຍກກ່ຽວກັບຜົນສຳເລັດຂອງຫວຽດນາມ ໃນການຕໍ່ສູ້, ສະກັດກັ້ນໂລກລະບາດໂຄວິດ-19, ໃນນັ້ນຍົກໃຫ້ເຫັນຈິດໃຈຄວາມສາມັກຄີຂອງປະຊາຊົນ. ຕາມບົດຂຽນແລ້ວ, ຫວຽດນາມ ໄດ້ສະກັດກັ້ນໄວຣັດ SARS-CoV-2 ກໍ່ໃຫ້ເກີດໂລກລະບາດໂຄວິດ-19 ຢ່າງໄວ, ດ້ວຍເລື່ອງປິດປະຕູຊາຍແດນ ແລະ ບັນດາຖ້ຽວບິນຈາກຫວຽດນາມ ໄປເຖິງບັນດາປະເທດ; ຕາມຫາແຫຼ່ງພະຍາດ, ກັກກັນພະຍາດ ແລະ ແຍກຫ່າງໃນສັງຄົມໃນໄລຍະຊັ້ນ.

ທົ່ວໂລກຢັ້ງຢືນມີຜູ້ຕິດເຊື້ອພະຍາດ Covid – 19 ຫຼາຍກ່ວາ 31.2 ລ້ານຄົນ ອາເມລິກາມີຜູ້ຕິດເຊື້ອພະຍາດເກືອບ 7 ລ້ານຄົນ ແລະ ຜູ້ເສຍຊີວິດເກືອບ 204.000 ຄົນ.

ນະຄອນດ່ານັ້ງ ສືບຕໍ່ຜ່ອນຜັນບັນດາມາດຕະການປ້ອງກັນ COVID – 19 ນັບແຕ່ວັນທີ 18 ກັນຍາ, ທຸກໆການເຄື່ອນໄຫວຢູ່ດ່ານັ້ງຈະກັບຄືນສູ່ສະພາບການປົກກະຕິນອກຈາກຮ້ານເທັກ, ກາຣາໂອເກ, ຮ້ານໜວດ. ຄຽງຄູ່ກັນນ້ັນ, ນະຄອນດ່ານັ້ງຈະຮັກສາບັນດາມາດຕະການ ໃສ່ຜ້າອັດປາກ - ຂ້າເຊື້ອ - ຮັກສາໄລຍະຫ່າງ - ບໍ່ເຕົ້າໂຮມຫຼາຍຄົນ - ແຈ້ງອາການສຸຂະພາບ ຕາມຂໍ້ກຳນົດຂອງກະຊວງສາທາລະນະສຸກ ຢູ່ລະດັບສູງ.

15 ມື້ຢ່າງລຽນຕິດແລ້ວທີ່ ຫວຽດນາມບໍ່ກວດພົບຜູ້ຕິດເຊື້ອພະຍາດ Covid – 19 ໃນຊຸມຊົນ ຫວຽດນາມມີຜູ້ຕິດເຊື້ອພະຍາດ Covid – 19 ສະສົມທັງໝົດແມ່ນ 1062 ຄົນໃນນັ້ນມີ 931 ຄົນໄດ້ຮັບການປິ່ນປົວຫາຍດີເປັນປົກກະຕິ.