ທະນາຄານພັດທະນາອາຊີ ສ້າ​ງ​ແຜນຍຸດ​ທະ​ສາດ​ພັດ​ທະ​ນາ​ເສດ​ຖະ​ກິດ - ສັງ​ຄົມ ໄລ​ຍະ 2021 – 2025 ກັບ​ຫວຽດ​ນາມ

	ADB: ພື້ນຖານເສດຖະກິດຫວຽດນາມ ໄດ້ຄາດວ່າຈະເຕີບໂຕ 1,8% ໃນປີ 2020 ແລະ ເພີ່ມຂື້ນ 6,3% ໃນປີ 2021
	ຫວຽດນາມ ແລະ ADB ເພີ່ມທະວີການຮ່ວມມື

ທ່ານນາຍົກລັດຖະມົນຕີ ຫງວຽນຊວັນຟຸກ ໄດ້ຕ້ອນຮັບທ່ານ Andriu Jep-fri ຜູ້ອຳນວຍການແຫ່ງຊາດທະນາຄານພັດທະນາອາຊີ (ADB) ປະຈຳຫວຽດນາມ (ພາບ​: TTXVN)

ຕອນບ່າຍວັນທີ 17 ກັນຍາ, ຢູ່ສຳນັກງານລັດຖະບານ, ທ່ານນາຍົກລັດຖະມົນຕີ ຫງວຽນຊວັນຟຸກ ໄດ້ຕ້ອນຮັບທ່ານ Andriu Jep-fri ຜູ້ອຳນວຍການແຫ່ງຊາດທະນາຄານພັດທະນາອາຊີ (ADB) ປະຈຳຫວຽດນາມ.

ທ່ານນາຍົກລັດຖະມົນຕີ ຫງວຽນຊວັນຟຸກ ຊີ້ແຈ້ງວ່າ: ຫວຽດນາມ ໄດ້ປະຕິບັດເປົ້າໝາຍຄວບຄູ່, ປ້ອງກັນສະກັດກັ້ນໂລກລະບາດພ້ອມທັງຍູ້ແຮງການຜະລິດ, ດຳເນີນທຸລະກິດ. ຫວຽດນາມສະໜັບສະໜູນທັດສະນະຂອງ ADB ເມື່ອທີ່ຕີລາຄາການຄາດຄະເນລະດັບການເຕີບໂຕ ຂອງຫວຽດນາມ ໃນປີນີ້. ໃນໄລຍະຈະມາເຖິງ, ທ່ານນາຍົກລັດຖະມົນຕີ ສະເໜີໃຫ້ ADB ໜູນຊ່ວຍສ້າງແຜນຍຸດທະສາດ ແລະ ແຜນພັດທະນາເສດຖະກິດສັງຄົມໄລຍະ 2021 – 2025 ແລະ ສົມທົບກັນຢ່າງແໜ້ນແຟ້ນໃນວິວັດການສ້າງແລະ ຜັນຂະຫຍາຍຍຸດທະສາດຄູ່ຮ່ວມມືແຫ່ງຊາດໃຫ້ແກ່ໄລຍະໃໝ່ (2021 - 2025). ສົມ​ທົບ​ກັນ​ຍູ້​ໄວ​ຄວາມ​ຄື້ບ​ໜ້າ​ການ​ປ່ອຍ​ເງິນ​ລົງ​ທຶນ​ບັນ​ດາ​ໂຄງ​ການ​ທີ່​ໄດ້​ຮັບ​ການ​ເຈ​ລະ​ຈາ.

ທ່ານ​ນາ​ຍົກ​ລັດ​ຖະ​ມົນ​ຕີ ສະ​ເໜີ​ໃຫ້ ADB ສືບ​ຕໍ່​ສົມ​ທົບ​ຢ່າງ​ແໜ້ນ​ແຟ້ນ​ກັບ​ບັນ​ດາ​ກະ​ຊວງ, ຂະ​ແໜງ​ການ, ທ້ອງ​ຖິ່ນ ເພື່ອ​ກະ​ກຽມ​ໃຫ້ດີ​ທີ່​ສຸດ​ບັນ​ດາ​ໂຄງ​ການ​ທີ່​ມີ​ຄຸນ​ນະ​ພາບ​ມີ​ປະ​ສິດ​ທິ​ຜົນ, ຈຳ​ເປັນ​ຕ້ອງ​ເພື່ອ​ແນ​ໃສ່​ຕອບ​ສະ​ໜອງ​ຄວາມ​ຕ້ອງ​ການ​ແຫຼ່ງ​ຊັບ​ພະ​ຍາ​ກອນ​ລົງ​ທຶນ​ພັດ​ທະ​ນາ​ຂອງ​ຫວຽດ​ນາມ.

ສ່ວນທ່ານ Andriu Jep-fri. ຜູ້ອຳນວຍການ ADB ປະຈຳຫວຽດນາມ ກໍ່ຕີລາຄາສູງຕໍ່ເລື່ອງລັດຖະບານຫວຽດນາມໄດ້ຮ່ວມມືກັບ ADB ຢ່າງມີປະສິດທິຜົນໃນຕະຫຼອດໄລຍະຜ່ານມາ. ບົນພື້ນຖານທີ່ລັດຖະບານຫວຽດນາມພວມສ້າງແຜນຍຸດທະສາດພັດທະນາເສດຖະກິດ ສັງຄົມ 2021 – 2025 ແລະ ໃນ 10 ປີຈະມາເຖິງ, ADB ກໍ່ພວມສ້າງແຜນຍຸດທະສາດຄູ່ຮ່ວມມືແຫ່ງຊາດໃນໄລຍະ 5 – 10 ປີຈະມາເຖິງ. ທ່ານຫວັງວ່າ ສອງແຜນຍຸດທະສາດສາມາດຮ່ວມມືກັນເພື່ອຊຸກຍູ້ຫວຽດນາມພັດທະນາກ່ວາອີກ. ADB ພວມເອົາໃຈໃສ່ໜູນຊ່ວຍທັງກຸ່ມວິສາຫະກິດ ເອກະຊົນ, ສ້າງສະພາບແວດລ້ອມທີ່ສະດວກໃຫ້ແກ່ການດຶງດູດການລົງທຶນພາກເອກະຊົນໄດ້ຫຼາຍກ່ວາໃນວິວັດການພັດທະນາ.

ADB: ພື້ນຖານເສດຖະກິດຫວຽດນາມ ໄດ້ຄາດວ່າຈະເຕີບໂຕ 1,8% ໃນປີ 2020 ແລະ ເພີ່ມຂື້ນ 6,3% ໃນປີ 2021 ຍສໝ - ຫວຽດນາມ ມີຄວາມສາມາດທີ່ຈະໄດ້ຮັບຜົນປະໂຫຍດຈາກທ່າອຽງການຄ້າ, ການລົງທືນ ແລະ ການຜະລິດທົ່ວໂລກໃນປະຈຸບັນ.

ຫວຽດນາມ ແລະ ADB ເພີ່ມທະວີການຮ່ວມມື ຍສໝ - ເມື່ອບໍ່ດົນມານີ້, ຢູ່ສຳນັກງານລັດຖະບານຫວຽດນາມ, ທ່ານຫງວຽນຊວນຟຸກ - ນາຍົກລັດຖະມົນຕີຫວຽດນາມ ໄດ້ໃຫ້ການຕ້ອນຮັບ ທ່ານ Eric Sidgwick - ຜູ້ອຳນວຍການທະນາຄານພັດທະນາອາຊີ (ADB) ປະຈຳຫວຽດນາມ.

ADB ຄາດ​ຄະ​ເນ​ເສດ​ຖະ​ກິດ​ຫວຽດ​ນາມ​ຈະ​ເຕີບ​ໂຕ​ສ​ູງ​ກ່​ວາ 4% ໃນ​ປີນີ້ ຍ​ສ​ໝ - ທ່ານ Eric Sidgwick ໄດ້​ຢັ້ງ​ຢືນ​ວ່າ ຫວຽດ​ນາມ​ໄດ້​ນຳ​ໃຊ້​ແຫຼ່ງ​ກຳ​ລັງ​ແຈກ​ຢາຍ​ຂອງ ADB ຢ່າງ​ມີ​ປະ​ສິດ​ທິ​ຜົນ, ທ່ານ​ກໍ່​ຕີ​ລາ​ຄາ​ສູງ ຫວຽດ​ນາມ​ເມື່ອ​ປະ​ສົບ​ຜົນ​ສຳ​ເລັດໃນ​ການ​ຄວບ​ຄຸມ​ໂລກ​ລະ​ບາດ Covid – 19 ແລະ ຟື້ນ​ຟູ​ເສດ​ຖະ​ກິດ.

​ບຸນ​ຄົງ