 |
| ກອງປະຊຸມລະຫວ່າງຄະນະກຳມະການບັນດາຜູ້ຕາງໜ້າປະຈຳອາຊຽນ ກັບ ສປຊ (ພາບ: TTXVN) |
ວັນທີ 15 ກັນຍາ, ກອງປະຊຸມລະຫວ່າງ ຄະນະກຳມະການຜູ້ຕາງໜ້າປະຈຳອາຊຽນ ແລະ ສປຊ ໂດຍທ່ານເອກອັກຄະລັດຖະທູດ ເຈິ່ນດຶກບິ່ງ - ຫົວໜ້າຄະນະຜູ້ຕາງໜ້າຫວຽດນາມ ປະຈຳ ອາຊຽນ ແລະ ທ່ານ Khaled Khiari ຜູ້ຊ່ວຍວຽກເລຂາທິການໃຫຍ່ ສປຊ ຮັບຜິດຊອບດ້ານການເມືອງ ແລະ ບັນດການເຄື່ອນໄຫວຮັກສາສັນຕິພາບ ໄດ້ຮ່ວມເປັນປະທານກອງປະຊຸມທີ່ໄດ້ຈັດຕັ້ງຕາມຮູບການທາງອອນລາຍ.
ກອງປະຊຸມກໍ່ມີການເຂົ້າຮ່ວມຂອງທ່ານ Ramesh Rajasingham ຜູ້ຊ່ວຍວຽກເລຂາທິການໃຫຍ່ ສປຊ ຮັບຜິດຊອບບັນຫາມະນຸດສະທຳ ບັນດາຜູ້ຕາງໜ້າຂັ້ນສູງ ຂອງບັນດາອົງການທີ່ຂຶ້ນກັບ ສປຊ ຄືຫ້ອງການປະສານງານບັນດາບັນຫາມະນຸດສະທຳ ສປຊ, ຄະນະກຳມະການເສດຖະກິດສັງຄົມ ອາຊີ - ປາຊີຟິກ ສປຊ ແລະ ໂຄງການພັດທະນາ ສປຊ.
ທີ່ກອງປະຊຸມບັນດາປະເທດ ອາຊຽນ ແລະ ສປຊ ໄດ້ຕີລາຄາຢ່າງຕັ້ງໜ້າກ່ຽວກັບບັນດາບາດກ້າວພັດທະນາສຳຄັນໃນການພົວພັນຄູ່ຮ່ວມມືຍຸດທະສາດລະຫວ່າງສອງຝ່າຍ, ໃນນັ້ນມີການຮັກສາການສຳຜັດຂັ້ນສູງ ຢູ່ບັນດາກອງປະຊຸມຂັ້ນສູງອາຊຽນ ກັບບັນດາຄູ່ຮ່ວມມື ຂັ້ນລັດຖະມົນຕີເນື່ອງໃນໂອກາດຈັດຕັ້ງບັນດາກອງປະຊຸມສະມັດຊາໃຫຍ່ ສປຊ.
ສອງຝ່າຍໄດ້ຕີລາຄາສູງບັນດາການຮ່ວມມືໃນຂົງເຂດການເມືອງ - ຄວາມໝັ້ນຄົງ ແລະ ເສດຖະກິດເກີອບທັງໝົດ ເຊິ່ງສຳເລັດກ່ອນເວລາກຳນົດ. ພິເສດແມ່ນໃນບັນດາຂົງເຂດທີ່ເປັນທ່າແຮງຂອງ ສປຊ. ກອງປະຊຸມໄດ້ສະຫງວນເວລາໃຫ້ແກ່ການປຶກສາຫາລື ກ່ຽວກັບສະພາບການຮັບມືກັບໂລກລບະດ Covid – 19 ໃນພາກພື້ນ ແລະ ໃນທົ່ວໂລກ. ສປຊ ກໍ່ສະແດງຄວາມສະໜັບສະໜູນໃຫ້ແກ່ຂໍ້ລິເລີ່ມຂອງອາຊຽນ ເວົ້າລວມ ແລະ ຫວຽດນາມ ເວົ້າສະເພາະ ເຊິ່ງເປັນປະເທດປະທານອາຊຽນ ແລະ ຫວັງວ່າ ຈະໜູນຊ່ວຍ ອາຊຽນໃຫ້ຫຼາຍກ່ວາອີກໃນການຜັນຂະຫຍາຍໂຄງການຟື້ນຟູໄລຍະຫຼັງ Covid – 19 ຂອງ ອາຊຽນ.
 | ລັດຖະມົນຕີກະຊວງການຕ່າງປະເທດ ຍີ່ປຸ່ນ ຕີລາຄາສູງບົດບາດ ການນຳພາຂອງຫວຽດນາມ ໃນຖານະເປັນປະທານອາຊຽນ 2020 ຍສໝ - ທ່ານ Chiba Akira ໃຫ້ຮູ້ວ່າ ເຂົ້າຮ່ວມກອງປະຊຸມ AMM 53, ຍີ່ປຸ່ນຢັ້ງຢືນຄືນໃໝ່ຄຳໝັ້ນສັນຍາສ້າງສູນອາຊຽນກ່ຽວກັບບັນດາກໍລະນີການແພດປະຊາຄົມຮີບດ່ວນ ແລະ ໂລກລະບາດ, ໜູນຊ່ວຍເງິນ 1 ລ້ານ USD ໃຫ້ແກ່ກອງທຶນອາຊຽນ ຮັບມືກັບໂລກລະບາດ Covid – 19, ກໍ່ຄືຈະຜັນຂະຫຍາຍບັນດາໂຄງການໃຫ້ກູ້ຢືມ ແລະ ລົງທຶນ ຢ່າງເໝາະສົມໃຫ້ແກ່ອາຊຽນ. |
 | ຕັດສິນໃຈຮັກສາພາກພື້ນອາຊີຕາເວັນອອກສ່ຽງໃຕ້ແຫ່ງສັນຕິພາບ, ຄວາມສະຫງົບ, ເປັນກາງ ແລະ ຄວາມໝັ້ນຄົງ ຍສໝ - ກອງປະຊຸມລັດຖະມົນຕີການຕ່າງປະເທດ ອາຊຽນ ຄັ້ງທີ 53 ແລະ ບັນດາກອງປະຊຸມທີ່ກ່ຽວຂ້ອງ ຖືກຈັດຂຶ້ນທາງອອນລາຍແຕ່ວັນທີ 9 – 12 ກັນຍາ ໄດ້ປະສົບຜົນສຳເລັດຢ່າງຈົບງາມ ເຊິ່ງລວມມີກອງປະຊຸມລັດຖະມົນຕີ 19 ຄັ້ງ, ບັນດາລັດຖະມົນຕີໄດ້ພິຈາລະນາ ແລະ ຮັບຮອງເອົາເອກະສານ 42 ສະບັບ. |
 | ກອງປະຊຸມລັດຖະມົນຕີກະຊວງການຕ່າງປະເທດ ອາຊຽນ ໄດ້ອອກແຈ້ງການຮ່ວມ AMM 53 ຍສໝ - ບັນດາປະເທດໄດ້ຢ້ຳຄືນຄວາມຈຳເປັນຂອງການເພີ່ມທະວີຄວາມໄວ້ເນື້ອເຊື່ອໃຈເຊິ່ງກັນ ແລະກັນ, ຈຳກັດບັນດາການກະທຳທີ່ເຮັດໃຫ້ສະພາບການສັບສົນຂຶ້ນຕື່ມ. ອາຊຽນກໍ່ຢັ້ງຢືນຄວາມຈໍາເປັນເມື່ອປະຕິບັດການແກ້ໄຂບັນດາຂໍ້ຂັດແຍ່ງໂດຍສັນຕິວິທີ, ຕາມກົດໝາຍສາກົນໃນນັ້ນມີ UNCLOS 1982. |
ບຸນຄົງ
