| ຫວຽດນາມ - ຈີນ ເຈລະຈາກ່ຽວກັບເຂດທະເລນອກອ່າວພາກເໜືອ ແລະຮ່ວມມືພ້ອມກັນພັດທະນາບົນທະເລ | |
| ທ່ານ ສະຖານກົງສຸນໃຫຍ່ຈີນ ປະຈຳ ນະຄອນໂຮ່ຈີມິນ: ຈະຊຸກຍູ້ການຮ່ວມມືດ້ານການສຶກສາ ແລະ ການແລກປ່ຽນວັດທະນະທຳ ຢູ່ ເກີ່ນເທີ |
 |
| ທ່ານ ເຕິ້ງຊີ່ຈູ່ ເອກອັກຄະລັດຖະທູດຈີນປະຈຳອາຊຽນ (ພາບ: TTXVN) |
ທ່ານ ເຕິ້ງຊີ່ຈູ່ ເອກອັກຄະລັດຖະທູດຈີນປະຈຳອາຊຽນໄດ້ຕີລາຄາວ່າ ຫວຽດນາມໄດ້ແບກຫາບພາລະໜ້າທີ່ປະທານອາຊຽນໃນໄລຍະປະສົບກັບຄວາມຫຍຸ້ງຍາກ ແລະ ຫົວຂໍ້ “ສະໜິດຕິດພັນ ແລະ ເປັນເຈົ້າການຮັບມື” ໂດຍຫວຽດນາມວາງອອກໃນປີນີ້ແມ່ນເໝາະສົມທີ່ສຸດ.
ນັກການທູດຈີນ ໄດ້ເນັ້ນໜັກວ່າ ປັກກິ່ງ ໃຫ້ຄຳໝັ້ນສັນຍາຮ່ວມມືກັບຫວຽດນາມ ໃນການປະຕິບັດຄວາມເຫັນດີເຫັນພ້ອມຂອງບັນດາການນຳກ່ຽວກັບຄວາມສາມັກຄີກັນຕ້ານຄືນໂລກລະບາດ Covid – 19 ເພື່ອຜົນປະໂຫຍດລວມຂອງປະຊາຊົນ, ພ້ອມທັງສະແດງໃຫ້ເຫັນຄວາມານະພະຍາຍາມລວມຂອງບັນດາປະເທດໃນພາກພື້ນ.
ໃນໄລຍະຈະມາເຖິງ, ສອງຝ່າຍຈະເພີ່ມທະວີການຮ່ວມມືໃນການປ້ອງກັນ, ສະກັດກັ້ນໂລກລະບາດ Covid – 19 ໃນພາກພື້ນ ແລະ ຊຸກຍູ້ການຟື້ນຟູເສດຖະກິດ ໃນພາກພື້ນ. ສອງຝ່າຍຈະຍົກສູງລັດທິຫຼາຍຝ່າຍ ແລະ ການຄ້າເສລີ, ພ້ອມທັງສະໜັບສະໜູນການຮ່ວມມືຢ່າງເປີດເຜີຍ, ກວມລວມ ແລະ ຕ່າງຝ່າຍຕ່າງມີຜົນປະໂຫຍດ. ຈີນຈະສະໜັບສະໜູນຢ່າງແຮງການສ້າງປະຊາຄົມອາຊຽນ, ບົດບາດເປັນໃຈກາງຂອງອາຊຽນໃນການຮ່ວມມືອາຊີຕາເວັນອອກ ແລະ ຄວາມສາມັກຄີຂອງອາຊຽນ, ພ້ອມທັງຈະຮ່ວມມືກັບອາຊຽນເພື່ອແນໃສ່ຮັບປະກັນສັນຕິພາບ ແລະ ການພັດທະນາຢູ່ພາກພື້ນ.
ບັນດາຄວາມມານະພະຍາຍາມຂອງອາຊຽນ ແລະ ຈີນຈະສຸມໃສ່ເຂົ້າ 4 ຂົງເຂດ. ທີ 1 ແມ່ນສອງຝ່າຍຈະຮ່ວມມືກັນເພື່ອແນໃສ່ເອົາໄຊຊະຍະໂລກລະບາດ. ທີ 2 ແມ່ນຈີນ ແລະ ອາຊຽນຈະມານະພະຍາຍາມຈົນສຸດຄວາມສາມາດຂອງຕົນເພື່ອຊຸກຍູ້ການຟື້ນຟູເສດຖະກິດໃນພາກພື້ນ. ທີ 3 ແມ່ນສອງຝ່າຍຈະສືບຕໍ່ຊຸກຍູ້ການຮ່ວມມືກ່ຽວກັບການພັດທະນາແບບຍືນຍົງ, ທີ 4 ແມ່ນ ສອງຝ່າຍຈະເພີ່ມທະວີການສ້າງແຜນການໄລຍະຍາວໃຫ້ແກ່ການຮ່ວມມືລະຫວ່າງ ຈີນ ແລະ ອາຊຽນ.
ປີ 2021 ຈະສ້າງຂີດໝາຍສະເຫຼີມສະຫຼອງ 30 ປີແຫ່ງການພົວພັນຄູ່ເຈລະຈາ ຈີນ - ອາຊຽນ. ບັນດາລັດຖະມົນຕີຖືເປັນສຳຄັນ ແລະ ໃຫ້ຄຳໝັ້ນສັນຍາບັນດາການເຄື່ອນໄຫວສະເຫຼີມສະຫຼອງຢ່າງແໜ້ນແຟ້ນ.
ສອງຝ່າຍຫວັງວ່າຈະສິ້ນສຸດການເຈລະຈາແຜນການກະທຳປະຕິບັດຖະແຫຼງການຮ່ວມກ່ຽວກັບການພົວພັນຄູ່ຮ່ວມມືຍຸດທະສາດ ອາຊຽນ - ຈີນ ເພື່ອສັນຕິພາບ ແລະ ວັດທະນາຖາວອນ (ໄລຍະ 2021 - 2025) ໂດຍໄວ, ໃນນັ້ນນັ້ນໄດ້ຍົກອອກມາບັນດາທິດທາງຮ່ວມມືໃຫ້ແກ່ 5 ປີຈະມາເຖິງ.
 | ຫວຽດນາມ - ຈີນ ເຈລະຈາກ່ຽວກັບເຂດທະເລນອກອ່າວພາກເໜືອ ແລະຮ່ວມມືພ້ອມກັນພັດທະນາບົນທະເລ ຍສໝ - ສອງຝ່າຍກໍ່ແລກປ່ຽນຢ່າງກົງໄປກົງມາກ່ຽວກັບສະພາບການທະເລຕາເວັນອອກໃນໄລຍະຜ່ານມາ, ເຫັນດີເປັນເອກະພາບເຄົາລົບຄວາມຮັບຮູ້ລວມຂອງການນຳຂັ້ນສູງສອງປະເທດຢ່າງເຂັ້ມງວດ. |
 | ທ່ານ ສະຖານກົງສຸນໃຫຍ່ຈີນ ປະຈຳ ນະຄອນໂຮ່ຈີມິນ: ຈະຊຸກຍູ້ການຮ່ວມມືດ້ານການສຶກສາ ແລະ ການແລກປ່ຽນວັດທະນະທຳ ຢູ່ ເກີ່ນເທີ ຍສໝ - ປະທານສະຫະພັນ ເກີ່ນເທີ ປາດຖະໜາຢາກສືບຕໍ່ໄດ້ຮັບການສະໜັບສະໜູນ ຈາກ ທ່ານກົງສຸນໃຫຍ່ ສຳລັບ ເກີ່ນເທີ ໃນອະນາຄົດອັນໃກ້ນີ້; ຫວັງວ່າມິດຕະພາບຫວຽດນາມ - ຈີນ ເວົ້າລວມ ແລະ ຈີນ - ເກີ່ນເທີ ເວົ້າສະເພາະ ແມ່ນນັບມື້ນັບຮັດແໜ້ນ ແລະ ເໝັ້ນແກ່ນ. |
 | ກອງປະຊຸມລັດຖະມົນຕີກະຊວງການຕ່າງປະເທດ ອາຊຽນ - ຈີນ ເນັ້ນໜັກເຖິງຄວາມສຳຄັນຂອງການຮັກສາສັນຕິພາບ, ຄວາມໝັ້ນຄົງຢູ່ທະເລຕາເວັນອອກ ທ່ານຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຫວຽດນາມ ຟ້າມບີ່ງມິງ ກໍ່ສະເໜີໃຫ້ບັນດາຝ່າຍ ຜັນຂະຫຍາຍຖະແຫຼງການວ່າດ້ວຍການປະພຶດຂອງບັນດາຝ່າຍຢູ່ທະເລຕາເວັນອອກ (DOC) ຢ່າງຄົບຖ້ວນ ແລະ ມີປະສິດທິຜົນ, ເຊື່ອມຕໍ່ຄືນໃໝ່ບັນດາການເຈລະຈາກ່ຽວກັບກົດແຫ່ງການປະພຶດຢູ່ທະເລຕາເວັນອອກ (COC) ໂດຍໄວ ພາຍຫລັງຖືກຕັດຕອນມາໄດ້ໄລຍະໜຶ່ງ ຍ້ອນໂລກລະບາດໂຄວິດ-19. |
ບຸນຄົງ
