ເພີ່ມທະວີການພົວພັນສອງຝ່າຍຢ່າງຮອບດ້ານ ລະຫວ່າງຮົງກາລີ - ລາວ

	ຫວຽດນາມ ໄດ້ສະໜອງສະບຽງອາຫານ ແລະ ເຄື່ອງໃຊ້ທີ່ຈຳເປັນໃຫ້ປະຊາຊົນຢູ່ເຂດຊາຍແດນປະເທດລາວ
	12 ວ​ັນ​ຢ່າງ​ລຽນ​ຕິດ ຫວຽດ​ນາມ ຢັ້ງ​ຢືນ​ບໍ່​ພົບ​ຜູ​້​ຕິດ​ເຊື້ອ​ໂຄວິດ - 19 ໃນ​ຊຸມ​ຊົນ

ໃນການພົບປະຄັ້ງນີ້, ສອງຝ່າຍ ໄດ້ຕີລາຄາສູງຕໍ່ການພົວພັນຮ່ວມມືໃນຂອບສອງຝ່າຍ ແລະ ຫລາຍຝ່າຍໃນໄລຍະຜ່ານມາ ເຊິ່ງໄດ້ຮັບການເສີມຂະຫຍາຍເປັນກ້າວໆ ມາຈົນສາມາດຍົກລະດັບຂຶ້ນເປັນຄູ່ຮ່ວມມືຍຸດທະສາດນຳກັນໃນປີ 2019.

ພ້ອມກັນນັ້ນ, ທັງສອງຝ່າຍໄດ້ຕີລາຄາສູງຕໍ່ການຮ່ວມມືທີ່ມີໝາກຜົນຕົວຈິງ ໂດຍຜ່ານໂຄງການກູ້ຢືມມີເງື່ອນໄຂບໍ່ມີດອກເບ້ຍ ຈາກລັດຖະບານຮົງກາຣີ ເພື່ອນຳໃຊ້ເຂົ້າໃນການພັດທະນາເສດຖະກິດ ແລະ ສັງຄົມຂອງ ສປປ.ລາວ ໃນຂະແໜງກະສິກຳ, ການບໍລິຫານຄຸ້ມຄອງຊັບພະຍາກອນນໍ້າ, ວຽກງານຍົກ ລະດັບການຄຸ້ມຄອງພົນລະເມືອງ, ລວມທັງການອອກບັດປະຈໍາຕົວທີ່ທັນສະໄໝ ແລະ ອື່ນໆ.

ນອກຈາກນັ້ນ, ສອງຝ່າຍຍັງໄດ້ປຶກສາຫາລືກ່ຽວກັບທິດທາງເສີມຂະຫຍາຍການຮ່ວມມື ລະຫວ່າງສອງກະຊວງການຕ່າງປະເທດ ກໍຄື ໃນດ້ານການສຶກສາ, ການເງິນ ແລະ ສາທາລະນະສຸກ, ພ້ອມທັງໄດ້ແລກປ່ຽນຄໍາຄິດຄໍາເຫັນກ່ຽວກັບບັນຫາພາກພື້ນ ແລະ ສາກົນທີ່ຕ່າງຝ່າຍມີຄວາມສົນໃຈ.

ໃນໂອກາດດຽວກັນນີ້, ທ່ານສະເຫຼີມໄຊ ກົມມະສິດ - ລັດຖະມົນຕີກະຊວງການຕ່າງປະເທດແຫ່ງ ສປປ.ລາວ ໄດ້ສະແດງຄວາມຮູ້ບຸນຄຸນຂອງລັດຖະບານ ແລະ ປະຊາຊົນລາວ ຕໍ່ການຊ່ວຍເຫຼືອອັນລໍ້າຄ່າຂອງຮົງກາຣີ ໃນການຈັດຕັ້ງປະຕິບັດແຜນພັດທະນາເສດຖະກິດ - ສັງຄົມຂອງປະເທດ, ໂດຍສະເພາະແມ່ນໂຄງການເງິນກູ້ປອດດອກເບ້ຍ, ການແກ້ໄຂຜົນກະທົບຂອງອຸທົກກະໄພອັນຮ້າຍແຮງຢູ່ ສປປ.ລາວ ໃນປີທີ່ຜ່ານມາ ກໍຄື ການຕໍ່ຕ້ານ COVID-19.

ພາຍຫຼັງສິ້ນສຸດການປຶກສາຫາລື, ຕາງໜ້າຄະນະຜູ້ແທນທັງສອງຝ່າຍ ກໍໄດ້ຮ່ວມລົງນາມໃນເອກະສານການຮ່ວມມືລະຫວ່າງ ລາວ-ຮົງກາຣີ 2 ສະບັບ, ຄື: ການຮ່ວມມືດ້ານການສຶກສາ ແລະ ສະຖິຕິ. ໃນໄລຍະເຄື່ອນໄຫວຢ້ຽມຢາມ ສປປ.ລາວ, ທ່ານ ປີເຕີ ຊີ ຢາໂຕ ຍັງໄດ້ເຂົ້າຢ້ຽມຂໍ່ານັບພະນະທ່ານ ທອງລຸນ ສີສຸລິດ - ນາຍົກລັດຖະມົນຕີແຫ່ງ ສປປ.ລາວ; ພົບປະ ທ່ານນາງ ເຂັມມະນີ ພົນເສນາ - ລັດຖະມົນຕີກະຊວງອຸດສາຫະກຳ ແລະ ການຄ້າ; ທ່ານ ປອ ກິແກ້ວ ຈັນທະບູຣີ - ຮອງລັດຖະມົນຕີກະຊວງແຜນການ ແລະ ການລົງທຶນ ແລະ ເຮັດວຽກກັບພາກສ່ວນຕ່າງໆ ຂອງລາວ ເພື່ອປຶກສາຫາລືທິດທາງການເສີມຂະຫຍາຍການຮ່ວມມືດ້ານຕ່າງໆ ທີ່ທັງສອງຝ່າຍມີຄວາມສົນໃຈ.

ນອກຈາກນັ້ນ, ທ່ານລັດຖະມົນຕີ ກໍຍັງໄດ້ຢ້ຽມຢາມໂຄງການ, ເຂົ້າຮ່ວມພີທີເປີດສູນວິໄຈ ແລະ ຜະລິດວັກແຊັງສຳລັບສັດຢູ່ໜອງແຕ່ງ ເຊິ່ງເປັນໂຄງການໜຶ່ງທີ່ໄດ້ນຳໃຊ້ເງິນກູ້ຢືມມີເງື່ອນໄຂບໍ່ມີດອກ ເບ້ຍ ໃນໄລຍະ 2 ຈາກລັດຖະບານ ຮົງກາຣີ. ພ້ອມກັນນັ້ນ, ຄະນະຜູ້ແທນທັງສອງຝ່າຍ ກໍໄດ້ເຂົ້າຮ່ວມພິທີມອບ-ຮັບອຸປະກອນເຄື່ອງຊ່ວຍຫາຍໃຈທີ່ລັດຖະບານຮົງກາຣີ ໄດ້ນຳມາມອບເປັນຂອງຂວັນໃຫ້ແກ່ລັດຖະບານລາວ ເພື່ອເປັນການປະກອບສ່ວນໃນວຽກງານປ້ອງກັນ, ສະກັດກັ້ນ ແລະ ຄວບຄຸມ COVID-19.

ນອກຈາກນັ້ນ, ທ່ານລັດຖະມົນຕີ ກໍຍັງໄດ້ເຂົ້າຮ່ວມພິທີເປີດຫ້ອງການຕາງໜ້າສະຖານທູດ ຮົງກາຣີ ທີ່ ບາງກອກ ປະຈຳນະຄອນຫຼວງວຽງຈັນ, ເຊິ່ງເປັນສັນຍາລັກແຫ່ງການເຕີບໃຫຍ່ຂະຫຍາຍຕົວ ຂອງການພົວພັນສອງຝ່າຍກ້າວຂຶ້ນສູ່ລະດັບໃໝ່, ອັນເປັນການຊຸກຍູ້ສົ່ງເສີມສາຍພົວພັນມິດຕະພາບ ແລະ ການຮ່ວມມືທີ່ມີມູນເຊື້ອອັນຍາວນານ ລະຫວ່າງ ສປປ.ລາວ ແລະ ຮົງກາຣີ ໃຫ້ເຂັ້ມແຂງ ແລະ ຈະເລີນງອກງາມຍິ່ງໆຂຶ້ນໃນອະນາຄົດ.

ສປປ ລາວ ກວດພົບຜູ້ຕິດເຊື້ອໂຄວິດ-19 ເພີ່ມອີກ 1 ລາຍ ໃນວັນທີ 11 ກັນຍາ 2020 ທີ່ກະຊວງສາທາລະນະສຸກ ໄດ້ຖະແຫລງຂ່າວການລະບາດຂອງພະຍາດ ໂຄວິດ-19 ໃນ ສປປ ລາວ ໄດ້ກວດພົບຜູ້ຕິດເຊື້ອ ໂຄວິດ-19 ເພີ່ມອີກ 1 ລາຍ ໃນວັນທີ 10 ກັນຍາ 2020, ໄດ້ເກັບຕົວຢ່າງ ມາກວດວິເຄາະທັງໝົດ 418 ຄົນ, ໃນນັ້ນມີ ແຮງງານລາວມາແຕ່ໄທ 394 ຕົວຢ່າງ, ແຮງງານລາວມາແຕ່ຫວຽດນາມ 06 ຕົວຢ່າງ, ແຮງງານລາວມາແຕ່ຈີນ 03 ຕົວຢ່າງ, ບຸກຄົນທົ່ວໄປທີ່ມີອາການ 07 ຕົວຢ່າ ແລະ ບຸກຄົນທົ່ວໄປທີ່ບໍ່ມີອາການ 08 ຕົວຢ່າງ; ຜົນກວດວິ ເຄາະທັງໝົດແມ່ນພົບຜູ້ຕິດເຊື້ອ ຈຳນວນ 01 ຕົວຢ່າງ ລາຍລະອຽດດັ່ງນີ້, ເປັນເພດຊາຍ ອາຍຸ 29 ປີ, ສັນຊາດ: ລາວ, ອາຊີບ ນັກກິລາກອງທັບ, ບັນຊາລົດຖັງ ກ່ອນໜ້າເດີນທາງໄປ ສ.ຣັດເຊຍ ພັກຢູ່ຫໍພັກທະຫານ ຢູ່ບ້ານ ດົງສະຫວາດ, ເມືອງໄຊທານີ, ກັກໂຕຢູ່ສູນຫລັກ 27.

ປະ​ທານ​ສະ​ພາ​ແຫ່ງ​ຊາດ ລາວ ຕີລາຄາສູງຕໍ່ຄວາມສາມາດໃນການຈັດຕັ້ງ AIPA 41 ຂອງ ສະພາແຫ່ງຊາດຫວຽດນາມ ຍສໝ - ຫວຽດນາມ ໄດ້ມານະພະຍາຍາມປະຕິບັດບົດບາດປະທານເປັນຢ່າງດີ, ມີກົນໄກປຶກສາຫາລືກັບບັນດາປະເທດສະມາຊິກ AIPA ດີທີ່ສຸດ, ເຊິ່ງເປັນສິ່ງທີ່ຊ່ວຍໃຫ້ກອງປະຊຸມຮັບຮອງເອົາບັນດາມະຕິຕົກລົງແຕກຕ່າງກັນໂດຍໄວ ແລະ ດ້ວຍຄວາມເຫັນດີເປັນເອກະພາບສູງ.

ຕັດສິນໃຈ ແລະມານະພະຍາຍາມສູງທີ່ສຸດໃນການກໍ່ສ້າງຫໍສະພາແຫ່ງຊາດລາວຫຼັງໃໝ່ ໃນການຢ້ຽມຢາມ ສປປ ລາວ ຢ່າງເປັນທາງການ ໃນເດືອນພະຈິກ 2016, ທ່ານ ຫງວຽນຝູຈ້ອງ ເລຂາທິການໃຫຍ່, ປະທານປະເທດຫວຽດນາມ ໄດ້ຕາງໜ້າພັກ, ລັດ ແລະປະຊາຊົນຫວຽດນາມ ມອບກິດຈະກໍາກໍ່ສ້າງຫໍສະພາແຫ່ງຊາດລາວຫຼັງໃໝ່ໃຫ້ພັກ, ລັດ ແລະປະຊາຊົນລາວ. ກະຊວງປ້ອງກັນປະເທດຫວຽດນາມ ໄດ້ມອບໃຫ້ພົນລະພາກຫຼວງ 11 ລົງມືກໍ່ສ້າງໂຄງການດັ່ງກ່າວ.