| ການເຄື່ອນໄຫວຕ່າງໃນຂອບເຂດກອງປະຊຸມລັດຖະມົນຕີການຕ່າງປະເທດ ອາຊຽນຄັ້ງທີ 53 | |
| ຮອງນາຍົກລັດຖະມົນຕີຫວຽດນາມໃຫ້ການຕ້ອນຮັບຜູ້ອຳນວຍການ UNAIDS ປະຈຳ ຫວຽດນາມ |
 |
| ທ່ານTsangia Balkhyarvaa ປະທານ ແຂວງ Zavkhanໃຫ້ການຕ້ອນຮັບທ່ານນາງດ່ວານທິເຮືອງ ເອກອັກຄະລັດຖະທູດຫວຽດນາມ ປະຈຳ ມົງໂກລີ (ພາບ: baoquocte.vn) |
ຫວ່າງແລ້ວນີ້, ທ່ານນາງ ດ່ວານທິເຮືອງ ເອກອັກຄະລັດຖະທູດຫວຽດນາມ ພ້ອມກັບຄະນະປະຕິບັດງານຂອງສະຖານທູດຫວຽດນາມ ປະຈຳ ມົງໂກລີໄດ້ມາຢ້ຽມຢາມ, ເຮັດວຽກຢູ່ແຂວງ Zavkhan ເພື່ອແນໃສ່ຊອກຫາຄວາມສາມາດບົ່ມຊ້ອນ ແລະ ທ່າແຮງຂອງ Zavkhan . ຈາກນັ້ນ, ສ້າງການພົວພັນຮ່ວມມືໃນບັນດາຂົງເຂດເຊິ່ງຕ່າງຝ່າຍຕ່າງມີຄວາມສົນໃຈ.
ທີ່ການເຮັດວຽກ, ທ່ານນາງ ດ່າວທິເຮືອງ ໄດ້ແຈ້ງໃຫ້ຊາບໂດຍຫຍໍ້ກ່ຽວກັບສະພາບການເສດຖະກິດ - ສັງຄົມຂອງຫວຽດນາມ, ບັນດາທ່າແຮງຂອງຫວຽດນາມ ບົນບັນດາຂົງເຂດເສດຖະກິດ, ການທ່ອງທ່ຽວ, ກະສິກຳ, ສາທາລະນະສຸກ, ເຕັກໂນໂລຢີຂໍ້ມູນຂ່າວສານ… ເຊິ່ງສອງຝ່າຍອາດຈະລົງທຶນຮ່ວມມື.
ທ່ານກໍ່ເນັ້ນໜັກວ່າ ສັນຍາການຄ້າເສລີລະຫວ່າງ ຫວຽດນາມ ແລະ ສະຫະພາບເອີລົບ (EVFTA) ໄດ້ມີຜົນສັກສິດນັບແຕ່ວັນທີ 1 ສິງຫາເປັນຕົ້ນໄປ, ເຊິ່ງແມ່ນກາລະໂອກາດເພື່ອໃຫ້ຫວຽດນາມ ແລະ ມົງໂກລີເພີ່ມທະວີການຮ່ວມມື, ຊຸກຍູ້ການເຄື່ອນໄຫວລົງທຶນ ແລະ ມຸ່ງໄປເຖິງການສົ່ງອອກບັນດາຜະລິດຕະພັນຫຼັກແຫຼ່ງໄປຍັງເອີລົບ. ຫວຽດນາມ ຈະສ້າງເງື່ອນໄຂສະດວກທີ່ສຸດໃຫ້ແກ່ວິສາຫະກິດມົງໂກລີມາລົງທຶນ ແລະ ດຳເນີນທຸລະກິດຢູ່ຫວຽດນາມດ້ວຍຈິດໃຈຕ່າງຝ່າຍຕ່າງມີຜົນປະໂຫຍດ. ທ່ານນາງ ດ່ວານທິເຮືອງ ຢັ້ງຢືນວ່າ ເມື່ອກ້າວເຂົ້າສູ່ຕະຫຼາດ ຫວຽດນາມ, ບັນດາວິສາຫະກິດ ມົງໂກລີ ຈະມີກາລະໂອກາດສຳຜັດກັບຕະຫຼາດອາຊຽນຢ່າງກ້ວາງຂວາງ, ເຊິ່ງແມ່ນຕະຫຼາດຂອງການຄ້າເສລີ ແລະ ເປີດກ້ວາງ.
ໂດຍສະແດງຄວາມປິຕິຊົມຊື່ນເມື່ອໄດ້ຕ້ອນຮັບຄະນະປະຕິບັດງານ ຂອງສະຖານທູດ, ທ່ານປະທານ Tsangia Balkhyarvaa ໄດ້ແນະນຳສັງລວມກ່ຽວກັບລັກສະນະເສດຖະກິດ, ວັດທະນະທຳ, ເງື່ອນໄຂທຳມະຊາດ ຂອງແຂວງ Zavkhan . ຕາມທ່ານ Tsangia Balkhyarvaaແລ້ວ, Zavkhan ມີທັດສະນີຍະພາບທີ່ສວຍງາມ, ມີຫຼາຍ ປູຊະນີຍະສະຖານທີ່ມີລັກສະນະພິເສດຂອງ ມົງໂກລີ, ການປູກຝັງ, ລ້ຽງສັດທີ່ການພັດທະນາ, ລະບົບຄົມມະນາຄົມທີ່ດີ, ເຊື່ອມຕໍ່ກັບນະຄອນຫຼວງ ແລະ ບັນດາແຂວງທາງພາກຕາເວັນຕົກຂອງມົງໂກລີ.
 | ຮອງນາຍົກລັດຖະມົນຕີຫວຽດນາມໃຫ້ການຕ້ອນຮັບຜູ້ອຳນວຍການ UNAIDS ປະຈຳ ຫວຽດນາມ ຍສໝ - ຕາມທ່ານ ຫວູດຶກດາມ ແລ້ວ, ໃນອາຍຸການປະຕິງານຢູ່ຫວຽດນາມ, ທ່ານນາງ Marie-Odile Emond ໄດ້ຮັບຫຼຽນກາລະນຶກ “ເພື່ອສຸຂະພາບປະຊາຊົນ” ຈາກ ກະຊວງສາທາລະນະສຸກ ຫວຽດນາມ, ໄດ້ຮັບໃບຍ້ອງຍໍຈາກກົມປ້ອງກັນ, ຕ້ານ HIV/AIDS ສິ່ງດັ່ງກ່າວໄດ້ສະແດງໃຫ້ເຫັນການຮູ້ບຸນຄຸນ, ຂອບໃຈຕໍ່ການອຸທິດສ່ວນຂອງທ່ານນາງ ທີ່ມີຕໍ່ພາລະກິດເບິ່ງແຍງ ດູແລ ແລະ ຮັກສາສຸຂະພາບຂອງປະຊາຊົນຫວຽດນາມ. |
 | ທ່ານເອກອັກຄະລັດຖະທູດ ຟ້າມຊາວມາຍ ພົບປະກັບທ່ານ ເວີຍເຟິງເຄືອ ລັດຖະມົນຕີກະຊວງປ້ອງກັນປະເທດ ຈີນ ຍສໝ - ທ່ານ ເວີຍເຟິງເຄືອ ມີຄວາມຫວັງວ່າ ສອງຝ່າຍຈະພ້ອມກັນແກ້ໄຂບັນດາຂໍບໍ່ລົງລອຍກັນບົນພື້ນຖານຮັບຮູ້ລວມຂອງການນຳຂັ້ນສູງ, ເລີ່ມມາຈາກການພົວພັນຂອງສອງພັກ, ສອງລັດ ເພື່ອສັນຕິພາບ, ສະຖຽນລະພາບຂອງພາກພື້ນ. |
 | ປະຊາຄົມຊາວຫວຽດນາມອາໄສຢູ່ກຳປຸເຈຍຖະຫວາຍທູບທຽນເນື່ອງໃນໂອກາດວັນຊາດຫວຽດນາມ ຍສໝ - ທ່ານ ເຈົາວັນຈຕີ, ປະທານສະມາຄົມ ຂະແມ - ຫວຽດນາມ, ຢັ້ງຢືນວ່າ:"ວັນຊາດ ແມ່ນວັນບຸນມີຄວາມໝາຍທີ່ສຸດສຳລັບພໍ່ແມ່ປະຊາຊົນເຊື້ອສາຍຫວຽດນາມ ຢູ່ກຳປູເຈຍ. ຍາມໃດພໍ່ແມ່ປະຊາຊົນກໍ່ອ່າຍໜ້າໄປເຖິງບ້ານເກີດ, ປະເທດຊາດຂອງຕົນ. |
ບຸນຄົງ
