 |
| ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ເປັນປະທານກອງປະຊຸມຂອງຄະນະປະຈຳລັດຖະບານ.(ພາບ: VGP) |
ຕອນບ່າຍວັນທີ 21 ສິງຫາ, ທີ່ສຳນັກງານລັດຖະບານ, ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ໄດ້ເປັນປະທານກອງປະຊຸມຂອງຄະນະປະຈຳລັດຖະບານ ເພື່ອປຶກສາຫາລືກ່ຽວກັບມາດຕະການປ້ອງກັນ, ສະກັດກັ້ນໂລກລະບາດ Covid-19 ກັບຄະນະຊີ້ນຳແຫ່ງຊາດກ່ຽວກັບການປ້ອງກັນ, ສະກັດກັ້ນໂລກລະບາດ Covid - 19 ແລະ ບັນດາທ້ອງຖິ່ນ.
ກ່າວຄຳເຫັນໄຂກອງປະຊຸມ, ທ່ານນາຍົກລັດຖະມົນຕີຖືວ່າ ມາຮອດປັດຈຸບັນ, ພວກເຮົາສາມາດຄວບຄຸມສະຖານະການໂດຍພື້ນຖານແລ້ວ. ແຕ່ວ່າ, ການຜັນແປຂອງໂລກລະບາດຍັງສັບສົນ ແລະ ຕ້ອງສືບຕໍ່ຍົກສູງສະຕິລະວັງຕົວ. ທ່ານນາຍົກລັດຖະມົນຕີ ຫງວຽນຊວັນຟຸກ ກ່າວເຕືອນວ່າ:
“ທຸກຂັ້ນ, ທຸກຂະແໜງການ ໂດຍສະເພາະແມ່ນຂະແໜງສາທາລະນະສຸກ ບໍ່ຄວນປະໝາດ, ບໍ່ຄວນຖືເບົາຕໍ່ວຽກງານຊີ້ນຳ. ສຸມໃສ່ຈົນສຸດຄວາມສາມາດຂອງຕົນ ເພື່ອບໍ່ໃຫ້ມີການຕິດແປດໃນຊຸມຊົນຕື່ມອີກ.
ທ່ານນາຍົກລັດຖະມົນຕີ ຫງວຽນຊວັນຟຸກ ເນັ້ນໜັກວ່າ ເຖິງວ່າຕ້ານໂລກລະບາດ ແຕ່ກໍ່ຕ້ອງຮັກສາການປະຕິບັດເປົ້າໝາຍຄວບຄູ່, ນຳພາບັນດາທ້ອງຖິ່ນ ຊີ້ນຳ 2 ໜ້າທີ່ນີ້ ໄປພ້ອມໆກັນ ເພື່ອບັນລຸໄດ້ໝາກຜົນດີທີ່ສຸດ, ທັງບໍ່ປະໃຫ້ໂລກລະບາດແຜ່ລາມ, ທັງບໍ່ກໍ່ຄວາມກັງວົນ, ບໍ່ອຸ່ນອ່ຽນໃຈໃນສັງຄົມ
ທີ່ກອງປະຊຸມໄດ້ປຶກສາຫາລືກ່ຽວກັບແຜນນະໂຍບາຍແລະນະໂຍບາຍໃໝ່ ໃນສະພາບການໃໝ່ ແລະ ຄະນະປະຈຳລັດຖະບານ ໄດ້ຮັບຟັງການລາຍງານກ່ຽວກັບສະພາບການໂລກລະບາດ Covid – 19 ຈາກ ຄະນະຊີ້ນຳແຫ່ງຊາດກ່ຽວກັບການປ້ອງກັນພະຍາດ Covid -19, ບັນດາທ້ອງຖິ່ນ.
ອີງຕາມການລາຍງານຂອງກະຊວງສາທາລະນະສຸກ, ໃນໂລກ, ການລະບາດຂອງ COVID-19 ຍັງແຜ່ລະບາດຢ່າງໄວວາແລະບໍ່ມີສັນຍານຫຼຸດລົງ; ນັບແຕ່ຕົ້ນເດືອນກໍລະກົດປີ 2020 ເຖິງປັດຈຸບັນ, ມີຜູ້ຕິດເຊື້ອໃໝ່ຕື່ມອີກປະມານ 200,000 ຄົນ ແລ ມີຜູ້ເສຍຊີວິດຫລາຍກວ່າ 5,000 ຄົນໃນແຕ່ລະມື້. ບາງປະເທດຕ້ອງໄດ້ວາງມາດຕະການໃໝ່ເພື່ອປ້ອງກັນພະຍາດ. ມີການຄາດຄະເນວ່າໃນໄລຍະຈະມາເຖິງ, ໂລກລະບາດ Covid – 19 ໃນໂລກຈະສືບຕໍ່ເພີ່ມຂື້ນ, ເປັນຕົ້ນແມ່ນຢູ່ຫລາຍປະເທດທີ່ມີການພົວພັນ, ເສດຖະກິດ, ການຄ້າແລະການແລກປ່ຽນກັບຫວຽດນາມ.
 | ທົ່ວໂລກມີຈຳນວນຜູ້ຕິດເຊື້ອພະຍາດ Covid – 19 ທັງໝົດ 21.817.682 ຄົນ, ໃນນັ້ນມີ ຜູ້ເສຍຊີວິດ 772.751 ຄົນ ໄລ່ຮອດຈຸດເວລານີ້, ທົ່ວໂລກມີຈຳນວນຜູ້ຕິດເຊື້ອພະຍາດ Covid – 19 ທັງໝົດ 21.817.682 ຄົນ, ໃນນັ້ນມີ ຜູ້ເສຍຊີວິດ 772.751 ຄົນ. |
 | ມອບອຸປະກອນການແພດໜູນຊ່ວຍບັນດາປະເທດບັງກລາເທດ ແລະ ສີລັງກາ ໃນການປ້ອງກັນຕ້ານໂລກລະບາດ Covid – 19 ຍສໝ - ກ່າວຄຳເຫັນທີ່ກອງປະຊຸມ, ທ່ານຮອງລັດຖະມົນຕີ ຫງວຽນກວັກຢຸງ ໄດ້ເນັ້ນໜັກວ່າການລະບາດຂອງ COVID-19 ຍັງເກີດຂື້ນຢ່າງສັບສົນໃນທົ່ວໂລກ, ໃນນັ້ນມີຫວຽດນາມ, ແຕ່ຫວຽດນາມປາດຖະໜາຢາກແບ່ງປັນ ແລະ ໜູນຊ່ວຍ ເພື່ອນມິດໃນພາກພື້ນ ແລະສາກົນຕາມມູນເຊື້ອແຫ່ງຄວາມຮັກແພງກັນ, ຜ້ອນກັນຜ່ານຜ່າຄວາມຫຍຸ້ງຍາກ. ສອງປະເທດ ບັງກລາເທດ ແລະ ສີລັງກາ |
 | ຈັດກອງປະຊຸມຊີ້ນຳແຫ່ງຊາດກ່ຽວກັບການປ້ອງກັນ, ຕ້ານໂລກລະບາດ Covid – 19 ຍສໝ - ທີ່ກອງປະຊຸມ, ທ່ານ ຮອງນາຍົກລັດຖະມົນຕີ ຫວູດຶກດາມ ຫົວໜ້າຄະນະຊີ້ນຳແຫ່ງຊາດ ໄດ້ເນັ້ນໜັກເຖິງຄວາມສ່ຽງໂລກລະບາດຍັງຄົງຕົວຢູ່ທຸກໆແຂວງ, ນະຄອນ, ພິເສດແມ່ນບັນດານະຄອນໃຫຍ່, ຄະນະຊີ້ນຳແຫ່ງຊາດໄດ້ຮຽກຮ້ອງໃຫ້ບັນດາທ້ອງຖິ່ນຂຶ້ນແຜນການຂົນຂວາບປະຊາຊົນໃສ່ຜ້າອັດປາກ - ອັດດັງ ແລະ ປະຕິບັດບັນດາມາດຕະການປ້ອງກັນສະກັດກັ້ນທີ່ໄດ້ວາງອອກ. |
ບຸນຄົງ
