| ຈັດກອງປະຊຸມຊີ້ນຳແຫ່ງຊາດກ່ຽວກັບການປ້ອງກັນ, ຕ້ານໂລກລະບາດ Covid – 19 | |
| ໂລກລະບາດ Covid – 19 ບໍ່ສາມາດກີດຂວາງ ຫວຽດນາມ - ອິນເດຍ ສືບຕໍ່ຮ່ວມມື |
 |
| ພິທີມອບອຸປະກອນກາແພດໃຫ້ແກ່ປະເທດບັງກລາເທດ ແລະ ສີລັງກາ (ພາບ: Baoquocte) |
ໂດຍໄດ້ຮັບມອບໝາຍຈາກນາຍົກລັດຖະມົນຕີ, ໃນວັນທີ 14 ສິງຫາ, ທີ່ ສຳນັກງານກະຊວງ, ທ່ານຮອງລັດຖະມົນຕີກະຊວງການຕ່າງປະເທດຫວຽດນາມ ຫງວຽນກວັກຢຸງ ໄດ້ມອບເຄື່ອງອຸປະກອນການແພດທີ່ມີມູນຄ່າທັງໝົດ 60.000 USD, ເຊິ່ງເປັນຂອງຂວັນຈາກລັດຖະບານ ແລະປະຊາຊົນຫວຽດນາມ ມອບໃຫ້ລັດຖະບານ ແລະປະຊາຊົນບັງກະລາເທດ ແລະສີລັງກາ ເພື່ອໜູນຊ່ວຍ ການປ້ອງກັນ ແລະຄວບຄຸມການລະບາດຂອງ Covid-19.
ເຂົ້າຮ່ວມພິທີມີເອກອັກຄະລັດຖະທູດບັນດາປະເທດທີ່ກ່ຽວຂ້ອງ ແລະ ຜູ້ຕາງໜ້າຫ້ອງການລັດຖະບານບັນດາກະຊວງ: ອຸດສາຫະກຳ, ຄົມມະນາຄົມ ແລະ ການທູດ.
ກ່າວຄຳເຫັນທີ່ກອງປະຊຸມ, ທ່ານຮອງລັດຖະມົນຕີ ຫງວຽນກວັກຢຸງໄດ້ເນັ້ນໜັກວ່າໂລກລະບາດ Covid -19 ຍັງເກີດຂື້ນຢ່າງສັບສົນໃນທົ່ວໂລກ, ໃນນັ້ນມີຫວຽດນາມ, ແຕ່ຫວຽດນາມປາດຖະ ໜາຢາກແບ່ງປັນແລະ ໜູນຊ່ວຍ ເພື່ອນມິດໃນພາກພື້ນ ແລະສາກົນຕາມມູນເຊື້ອແຫ່ງຄວາມຮັກແພງກັນ, ຜ້ອນກັນຜ່ານຜ່າຄວາມຫຍຸ້ງຍາກ. ສອງປະເທດ ບັງກລາເທດ ແລະ ສີລັງກາ.
ລ້ວນແຕ່ແມ່ນເພື່ອນມິດທີ່ມີມາແຕ່ດົນນານ, ມີການພົວພັນທີ່ດີງາມກັບຫວຽດນາມໃນຫຼາຍທົດສະວັດທີ່ຜ່ານມາ. ເຖິງວ່າປະລິມານອຸປະກອນການແພດນີ້ບໍ່ຫຼາຍປານໃດເມື່ອທຽບໃສ່ຄວາມຕ້ອງການຂອງສອງປະເທດ, ແຕ່ມັນກໍ່ສະແດງໃຫ້ເຫັນຄວາມຮັກແພງ ແລະຄວາມໄວ້ເນື້ອເຊື່ອໃຈຂອງລັດຖະບານ ແລະປະຊາຊົນຫວຽດນາມ; ເຊື່ອວ່າ, ພາຍໃຕ້ການນຳພາຂອງລັດຖະບານພ້ອມດ້ວຍຄວາມພະຍາຍາມຂອງປະຊາຊົນ, ບັງກະລາເທດ ແລະສີລັງກາຈະຜ່ານຜ່າໄລຍະເວລາທີ່ຫຍຸ້ງຍາກນີ້ໂດຍໄວ.
ກ່າວຄຳເຫັນທີ່ພິທີ, ເອກອັກຄະລັດຖະທູດບັນດາປະເທດບັງກະລາເທດ ແລະສີລັງກາໄດ້ສະແດງຄວາມຂອບອົກຂອບໃຈ ແລະຕີລາຄາສູງຕໍ່ຜົນສຳເລັດກໍ່ຄືຈິດໃຈຮັບມືກັບໂລກລະບາດ Covid -19 ຂອງລັດຖະບານ ແລະປະຊາຊົນຫວຽດນາມ ໃນໄລຍະທີ່ຜ່ານມາ; ເນັ້ນ ໜັກວ່າຈຳນວນເຄື່ອງອຸປະກອນການແພດນີ້ບໍ່ພຽງແຕ່ແມ່ນການ ໜູນຊ່ວຍດ້ານວັດຖຸເທົ່ານັ້ນ, ຫາກຍັງແມ່ນແຫຼ່ງກຳລັງໃຈທີ່ດີເພື່ອຊ່ວຍເຫຼືອປະເທດຕ່າງໆຜ່ານຜ່າໄລຍະຫຍຸ້ງຍາກນີ້ອີກດ້ວຍ.
ບຸນຄົງ
