ໃນການພົບປະ ແລະ ເຮັດວຽກ, ທ່ານດຣ Carlos Correa - ຜູ້ອຳນວຍການຮັບຜິດຊອບບໍລິຫານຂອງສູນພາກໃຕ້ ໄດ້ນຳສະເໜີບົດບາດ ແລະ ກິດຈະກຳຂອງສູນໃນ 25 ປີແຫ່ງການສ້າງຕັ້ງ ແລະ ພັດທະນາ, ພ້ອມທັງໃຫ້ຂໍ້ມູນກ່ຽວກັບບັນດາກິດຈະກຳ, ຂົງເຂດບຸລິມະສິດໃນການຮ່ວມມືຂອງອົງການຈັດຕັ້ງສາກົນນີ້ ໃນໄລຍະປີ 2020-2022.
 |
| ຄະນະຜູ້ແທນຫວຽດນາມ ປະຈຳ Geneva ໄດ້ຊຸກຍູ້ການຮ່ວມມືລະຫວ່າງຫວຽດນາມ ແລະ ອົງການຈັດຕັ້ງສູນພາກໃຕ້. (ພາບ: baoquocte) |
ທ່ານດຣ Carlos Correa ໄດ້ເນັ້ນໜັກວ່າ ອົງການຈັດຕັ້ງສູນພາກໃຕ້ ຈະສືບຕໍ່ບຸກບືນໃນຂອບເຂດແຫຼ່ງກຳລັງ ແລະ ໜ້າວຽກຂອງຕົນ, ຈັດຕັ້ງປະຕິບັດກິດຈະກຳຕ່າງໆໃຫ້ມີປະສິດຕິຜົນ ແລະ ຕອບສະໜອງກັບຄວາມຮຽກຮ້ອງຕ້ອງການຂອງບັນດາປະເທດສະມາຊິກ ໃນການສະໜອງການຄົ້ນຄວ້າ ແນວທາງນະໂຍບາຍ, ຊ່ວຍເຫຼືອປະເທດທີ່ກຳລັງພັດທະນາໃນການເຈລະຈາສາກົນ, ສ້າງສັນຄວາມສາມາດໃນລະດັບຊາດ ແລະ ພາກພື້ນ, ແລະ ການສະໜັບສະໜູນວິທີການພັດທະນາຢ່າງໝັ້ນຄົງ.
ກ່າວຄຳເຫັນທີ່ກອງປະຊຸມ, ທ່ານນາງເລຖິຕວຽດມາຍ - ເອກອັກຄະລັດຖະທູດຫວຽດນາມປະຈຳ Geneva ໄດ້ນຳພາຄະນະຜູ້ແທນຫວຽດນາມ ຕີລາຄາສູງບັນດາໝາກຜົນ ທີ່ສູນພາກໃຕ້ໄດ້ບັນລຸໃນການໜູນຊ່ວຍບັນດາປະເທດພວມພັດທະນາ ໃນການສະໜອງຂໍ້ມູນຂ່າວສານ, ຄົ້ນຄ້ວາ, ໃຫ້ຄຳແນະນຳກ່ຽວກັບນະໂຍບາຍ, ແລະຄວາມເຫັນໃນການໂອ້ລົມສົນທະນາສາກົນ ໃນຫຼາຍຂົງເຂດ, ເຊັ່ນ: ການຄ້າ, ການລົງທືນ, ດ້ານສັງຄົມໃນການພັດທະນາ ແລະ ສິດທິມະນຸດ, ການປ່ຽນແປງດິນຟ້າອາກາດ, ຊັບສິນທາງປັນຍາ, ການແພດ... ແລະ ຊຸກຍູ້ການຮ່ວມມືສາກົນ.
ທ່ານນາງເອກອັກຄະລັດຖະທູດ ເລຖິຕວຽດມາຍ ໄດ້ກ່າວວ່າ ບົດລາຍງານການຄົ້ນຄ້ວາ, ກອງປະຊຸມ ແລະ ການສຳມະນາຕ່າງໆຂອງສູນພາກໃຕ້ ໄດ້ຕອບສະໜອງຢ່າງທັນທີຕໍ່ບັນດາບຸລິມະສິດ ແລະ ຄວາມກັງວົນຂອງບັນດາປະເທດສະມາຊິກ ເມື່ອເຂົ້າຮ່ວມໃນຂອບຫຼາຍຝ່າຍທີ່ສຳຄັນ, ເຊັ່ນ: ອົງການສະຫະປະຊາຊາດ, WTO, WIPO, WHO… ພ້ອມທັງຮັບມືກັບວິກິດການພະຍາດ COVID-19 ໃນໄລຍະທີ່ຜ່ານມາ.
ສອງຝ່າຍຍັງໄດ້ແລກປ່ຽນບັນດາບັນຫາທີ່ມີຄວາມສົນໃຈຮ່ວມ ແລະ ແລກປ່ຽນຄຳຄິດຄຳເຫັນກ່ຽວກັບທິດທາງໃນການຮັດແໜ້ນການຮ່ວມມືໃນໄລຍະຈະມາເຖິງ, ໂດຍສະເພາະແມ່ນກ່ຽວກັບບັນຫາຮັບປະກັນຄວາມສະເໝີພາບໃຫ້ແກ່ບັນດາປະເທດກຳລັງພັດທະນາ ໃນການປະດິດສ້າງຜະລິດຕະພັນຢຸກຢາ, ຄື: ວັກຊີນ, ເຕັກໂນໂລຢີການແພດ, ໃນນັ້ນມີການສະກັດກັ້ນໂລກລະບາດ COVID-19, ແລະ ຂົງເຂດກໍ່ສ້າງຂີດຄວາມສາມາດໃຫ້ແກ່ຫວຽດນາມໃນໄລຍະຈະມາເຖິງ.
 | ຫວຽດນາມ ເຂົ້າຮ່ວມກອງປະຊຸມອອນລາຍບັນດາປະທານສະພາແຫ່ງຊາດເພດຍິງໃນໂລກ ຍສໝ - ຕອນຄໍ່າວັນທີີ 17 ສິງຫາ (ຕາມເວລາຫວຽດນາມ), ຢູ່ຮ່າໂນ້ຍ, ທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ ໄດ້ເຂົ້າຮ່ວມກອງປະຊຸມອອນລາຍບັນດາປະທານສະພາແຫ່ງຊາດເພດຍິງໃນໂລກ ຄັ້ງທີ 13. |
 | 6 ຂໍ້ສະເໜີແນະ ສຳລັບການຮ່ວມມືລັດຖະສະພາເພື່ອຍົກສູງຄວາມສາມາດໃນການຟື້ນຟູເສດຖະກິດ ຍສໝ - ນີ້ແມ່ນສານປະກາດຂອງຄະນະຜູ້ແທນສະພາແຫ່ງຊາດຫວຽດນາມ ໃນການວາລະເຮັດວຽກເປັນກຸ່ມໃນກອງປະຊຸມກຸ່ມທີ່ປຶກສາຂອງ AIPA (AIPA Caucus) ຄັ້ງທີ 11. |
 | ບັນດາຜູ້ນຳຫວຽດນາມ ໄດ້ສົ່ງສານອວຍພອນວັນຊາດ ຂອງ ສ.ເກົາຫຼີ ຍສໝ - ທ່ານຫງວຽນຟູຈ້ອງ - ເລຂາທິການໃຫຍ່, ປະທານປະເທດຫວຽດນາມ, ທ່ານຫງວຽນຊວນຟຸກ - ນາຍົກລັດຖະມົນຕີຫວຽດນາມ, ທ່ານນາງຫງວຽນທິກິມເງິນ - ປະທານສະພາແຫ່ງຊາດຫວຽດນາມ, ທ່ານຟ້າມບິ່ງມິງ - ຮອງນາຍົກລັດຖະມົນຕີຫວຽດນາມ ໄດ້ສົ່ງສານອວຍພອນເວັນຊາດ ຂອງ ສ.ເກົາຫຼີ. |
ຄຳຮຸ່ງ
