ວິສາຫະກິດຍີ່ປຸ່ນຫຼາຍແຫ່ງ ມີທ່າອຽງທີ່ຈະຂະຫຍາຍເຮັດທຸລະກິດໄປສູ່ ພາກພື້ນອາຊີຕາເວັນອອກສ່ຽງໃຕ້

	ໂທລະສັບສາຍດ່ວນຈະໄດ້ຮັບການສ້າງຕັ້ງຂຶ້ນເພື່ອສະໜັບສະໜູນ ນັກເຝິກງານ ຫວຽດນາມ ຢູ່ ຍີ່ປຸ່ນ
	ຫວຽດນາມ ແລະ ຍີ່ປຸ່ນ ເປັນປະທານຮ່ວມກອງປະຊຸມອອນລາຍ AFCDM + 3

ສຳນັກຂ່າວ Kyodo - ຍີ່ປຸ່ນໄດ້ລາຍງານວ່າ ເມື່ອບໍ່ດົນມານີ້, ອົງການສົ່ງເສີມການຄ້າຍີ່ປຸ່ນ (JETRO) ໄດ້ປະກາດຜົນການສຳຫຼວດວ່າ ໃນປະຈຸບັນມີບໍລິສັດຍີ່ປຸ່ນນັບມື້ນັບຫຼາຍແຫ່ງ ທີ່ມີທ່າອຽງທີ່ຈະຂະຫຍາຍເຮັດທຸລະກິດໄປສູ່ ພາກພື້ນອາຊີຕາເວັນອອກສ່ຽງໃຕ້ ພ້ອມທັງການຫຼຸດຜ່ອນຂອບຂະໜາດການປະຕິບັດງານຢູ່ຈີນ ຍ້ອນຄວາມເຄັ່ງຕຶງທີ່ເພີ່ມຂື້ນລະຫວ່າງຈີນ ແລະ ສະຫະລັດອາເມລິກາ.

ໂດຍອ້າງເຖິງການສຳຫຼວດຂອງອົງການ JETRO ທີ່ດຳເນີນໃນທ້າຍປີທີ່ຜ່ານມາ, JETRO ໃຫ້ຮູ້ວ່າ ວິສາຫະກິດຍີ່ປຸ່ນຈຳນວນ 41% ກຳລັງພິຈາລະນາການຂະຫຍາຍດຳເນີນທຸລະກິດຢູ່ຫວຽດນາມ ໃນໄລຍະ 3 ປີຂ້າງໜ້າ, ເຊິ່ງເພີ່ມຂຶ້ນ 5,5 % ທຽບໃສ່ສຳຫຼັບປີກ່ອນ.

ໃນປະຈຸບັນມີບໍລິສັດຍີ່ປຸ່ນນັບມື້ນັບຫຼາຍແຫ່ງ ທີ່ມີທ່າອຽງທີ່ຈະຂະຫຍາຍເຮັດທຸລະກິດໄປສູ່ ພາກພື້ນອາຊີຕາເວັນອອກສ່ຽງໃຕ້. (ພາບ: baodautu)

ບໍລິສັດແຫ່ງໜຶ່ງທີ່ຜະລິດເຫຼັກກ້າ ແລະ ໂລຫະໃນເຂດ Shikoku ໃນພາກຕາເວັນຕົກຂອງຍີ່ປຸ່ນ ໄດ້ກ່າວວ່າ ກຳລັງວາງແຜນທີ່ຈະຍ້າຍສາຍສົ່ງອອກໄປປະເທດແມັກຊິໂກຈາກຫວຽດນາມ, ແທນທີ່ປະເທດຈີນ.

ໃນການປະຊຸມຂ່າວໃນກາງເດືອນກໍລະກົດ, ທ່ານ Takeo Nakajima - ຫົວໜ້າຜູ້ຕາງໜ້າ ຫ້ອງການ Jetro ຮ່າໂນ້ຍ ໃຫ້ຮູ້ວ່າ ໝາກຜົນຂອງການຄັດເລືອກຄັ້ງທຳອິດ ແມ່ນມີວິສາຫະກິດ 30 ແຫ່ງ ທີ່ລົງທະບຽນເພື່ອປາດຖະໜາຢາກຂະຫຍາຍເຮັດທຸລະກິດບັນດາປະເທດອາຊຽນ, ໃນນັ້ນມີວິສາຫະກິດ 15 ແຫ່ງ ໄດ້ລົງທະບຽນເຂົ້າມາລົງທຶນ ຢູ່ ຫວຽດນາມ, ເຊິ່ງສະແດງໃຫ້ເຫັນວ່າ ປະເທດຫວຽດນາມໄດ້ຮັບຄວາມເອົາໃຈໃສ່ຫຼາຍ. ໂຄງການນີ້ແມ່ນສ່ວນໜຶ່ງຂອງເປົ້າໝາຍຫັນປ່ຽນລະບົບຕ່ອງໂສ້ການສະໜອງ ແລະ ເພີ່ມທະວີການຮ່ວມມືລະຫວ່າງຍີ່ປຸ່ນ ແລະ ອາຊຽນ.

“ຫວຽດນາມແມ່ນປະເທດຄວບຄຸມພະຍາດຢ່າງໄວວາ, ສະນັ້ນບັນດາວິສາຫະກິດ ໄດ້ຄາດວ່າຈະສາມາດຜະລິດຢູ່ຫວຽດນາມໃນໄວໆນີ້. ໃນໄລຍະຍາວປະມານ 10 - 15 ປີນັບແຕ່ນີ້ເປັນຕົ້ນໄປ, ດ້ວຍການຂະຫຍາຍພື້ນຖານການຜະລິດຢູ່ນີ້, ຫວຽດນາມ ໄດ້ສາມາດກາຍເປັນທ້ອງຕະຫຼາດທີ່ມີທ່າແຮງ ທັງໃນການສົ່ງອອກ ແລະ ການຈຳໜ່າຍພາຍໃນປະເທດ" - ທ່ານ Takeo Nakajima ກ່າວວ່າ.

ຫວຽດນາມ - ຍີ່ປຸ່ນຊຸກຍູ້ການຮ່ວມມືດ້ານການຄ້າ, ອຸດສາຫະກຳ ແລະ ພະລັງງານ ຍ​ສ​ໝ - ທີ່ກອງປະຊຸມ ຄັ້ງທີ 4 ນີ້, ລັດຖະມົນຕີສອງທ່ານໄດ້ສະແດງຄວາມເພິ່ງພໍໃຈຕໍ່ໝາກຜົນການຮ່ວມມືລະຫວ່າງສອງຝ່າຍນັບແຕ່ກອງປະຊຸມຄັ້ງທີ 3​ ຂອງ ຄະນະກຳມະການປະສົມຫວຽດນາມຍີ່ປຸ່ນ, ພິເສດແມ່ນ ໝາກຜົນຂອງ ການຮ່ວມມືໃນຂອບ​ເຂດອາຊຽນ, ສັນຍາຄູ່ຮ່ວມເສດຖະກິດໃນພາກພື້ນ (RCEP), ສັນຍາຄູ່​ຮ່ວມ​ມືຮອບດ້ານແລະກ້າວ ໜ້າຂ້າມປາຊີຟິກ (CPTPP), ການຮ່ວມມືດ້ານພະລັງງານ, ການຮ່ວມມືໃນຂະ​ແໜງອຸດສາຫະກຳ ລົດໂອ​ໂຕ , ສານເຄມີ, ການຝຶກອົບຮົມຊັບພະຍາກອນມະນຸດດ້ານອຸດສາຫະ ກຳ.

ຫວຽດນາມ ແລະ ຍີ່ປຸ່ນ ເປັນປະທານຮ່ວມກອງປະຊຸມອອນລາຍ AFCDM + 3 ຍສໝ - ບັນດາທ່ານລັດຖະມົນຕີກະຊວງການເງິນ ແລະ ຮອງຜູ້ວ່າການທະນາຄານກາງຫວຽດນາມ ໄດ້ທົບທວນຄວາມຄືບໜ້າຂອງບັນດາຂໍ້ລິເລີ່ມພາຍໃຕ້ແນວທາງຍຸດທະສາດ ຂອງຂະບວນການຮ່ວມມືດ້ານການເງິນອາຊຽນ +3.

ຍີ່​ປຸ່ນ ແລະ ຫວຽດ​ນາມ ​ຈະ​ຮ່ວມ​ເປັນ​ປະ​ທານ​ກອງ​ປະ​ຊຸມ​ລັດ​ຖະ​ມົນ​ຕີ​ແມ່​ນ້ຳ​ຂອງ - ຍີ່​ປຸ່ນ​ຄັ້ງ​ທີ 13 ຍສໝ - ລັດຖະມົນຕີກະຊວງການຕ່າງປະເທດຍີ່ປຸ່ນ ແລະ ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດຫວຽດນາມ ຈະໄດ້ເປັນປະທານກອງປະຊຸມ.