ໃນການໂອ້ລົມທາງໂທລະສັບ, ທ່ານຟ້າມບິ່ງມິງ - ຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ໄດ້ຢືນຢັນວ່າ ຫວຽດນາມຖືສະຫະລັດອາເມລິກາແມ່ນໜຶ່ງໃນບັນດາຄູ່ຮ່ວມມືສຳຄັນທີ່ສຸດ; ແລະ ສະແດງຄວາມຍິນດີທີ່ເຫັນວ່າສາຍພົວພັນອາເມລິກາ - ຫວຽດນາມພວມຂະຫຍາຍຕົວຢ່າງເລິກເຊິ່ງ ແລະ ກວ້າງຂວາງໃນທຸກຂົງເຂດ, ນັບແຕ່ການເມືອງ - ການທູດ, ເສດຖະກິດ - ການຄ້າ, ຄວາມໝັ້ນຄົງ - ປ້ອງກັນປະເທດ, ວິທະຍາສາດ - ເຕັກໂນໂລຢີ, ສາຍພົວພັນລະຫວ່າງປະຊາຊົນ… ທ່ານຟ້າມບິ່ງມິງ ກໍ່ໄດ້ຕີລາຄາສູງບັນດາໂຄງການຮ່ວມມືດ້ານມະນຸດສະທຳ, ຜ່ານຜ່າຜົນສະທ້ອນຈາກການສົງຄາມ, ປະຕິບັດການລົບລ້າງສານພິດດີໂອຊິນ, ປະກອບສ່ວນສຳຄັນເຂົ້າໃນການສ້າງຄວາມໄວ້ເນື້ອເຊື່ອໃຈລະຫວ່າງສອງຝ່າຍຫວຽດນາມ - ອາເມລິກາ.
 |
| ທ່ານຟ້າມບິ່ງມິງ - ຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ. (ພາບ: VGP) |
ທ່ານ Michael Pompeo - ລັດຖະມົນຕີການຕ່າງປະເທດອາເມລິກາ ຕີລາຄາສູງຕໍ່ການເພີ່ມທະວີ ແລະ ຂະຫຍາຍການພົວພັນຄູ່ຮ່ວມມືຮອບດ້ານລະຫວ່າງສອງປະເທດ ໂດຍພື້ນຖານການເຄົາລົບຄວາມເປັນເອກະລາດ, ອະທິປະໄຕ, ຜືນແຜ່ນດິນອັນຄົບຖ້ວນ ແລະ ດ້ານການເມືອງ, ພ້ອມທັງແລກປ່ຽນວິໄສທັດຮ່ວມກັນກ່ຽວກັບຄວາມສັນຕິພາບ ແລະ ສະຖຽນລະພາບໃນພາກພື້ນມະຫາສະໝຸດດິນເດຍ - ປາຊີຟິກ; ທ່ານ Michael Pompeo ໄດ້ຢືນຢັນວ່າ ສະຫະລັດອາເມລິກາ ເອົາໃຈໃສ່ ແລະ ໃຫ້ຄຳໝັ້ນ ສັນຍາທີ່ຈະຮັກສາການພົວພັນທີ່ໝັ້ນຄົງກັບຫວຽດນາມ, ແລະ ປະຕິບັດສືບຕໍ່ເພີ່ມທະວີການຮ່ວມມືດ້ານມະນຸດສະທຳ ແລະ ຜ່ານຜ່າຜົນສະທ້ອນຈາກສົງຄາມສຳລັບຫວຽດນາມ.
ທ່ານລັດຖະມົນຕີການຕ່າງປະເທດອາເມລິກາ Pompeo ໄດ້ຕີລາຄາສູງບົດບາດຂອງຫວຽດນາມໃນວຽກງານທົ່ວໂລກ, ສະແດງຄວາມປາດຖະໜາຢາກສືບຕໍ່ເພີ່ມທະວີການຮ່ວມມືກັບຫວຽດນາມ ໃນການເພີ່ມທະວີຊຸກຍູ້ການພົວພັນຄູ່ຮ່ວມມືຍຸດທະສາດອາຊຽນ - ອາເມລິກາ.
ສອງຝ່າຍໄດ້ແລກປ່ຽນມາດຕະການຕ່າງໆ ເພື່ອຮັບມືກັບການລະບາດຂອງພະຍາດ Covid-19, ສະຫນັບສະຫນູນພົນລະເມືອງຂອງສອງປະເທດ ໄດ້ກັບຄືນບ້ານຂອງພວກເຂົາໂດຍໄວ ແລະ ປອດໄພ , ແລະ ປະສານງານຢ່າງໃກ້ຊິດໃນການຟື້ນຟູເສດຖະກິດ ແລະ ຮັກສາຕ່ອງໂສ້ການສະໜອງໃນພາກພື້ນ ແລະ ທົ່ວໂລກ.
ທ່ານຟ້າມບິ່ງມິງ - ຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຢືນຢັນວ່າ ຫວຽດນາມຖືເປັນສຳຄັນທີ່ຕັ້ງບົດບາດຂອງອາເມລິກາຢູ່ບັນດາເວທີປາໄສສາກົນ; ຢືນຢັນວ່າ ໃນການເປັນປະທານອາຊຽນປີ 2020 ແລະ ເປັນສະມາຊິກບໍ່ຖາວອນຂອງສະພາຄວາມໝັ້ນຄົງໄລຍະ 2020-2021, ຫວຽດນາມ ຈະສືບຕໍ່ຮ່ວມມືກັບອາເມລິກາ ແລະ ບັນດາຄູ່ຮ່ວມມືໃນການແກ້ໄຂບັນດາສິ່ງທ້າທາຍລວມ, ປະກອບສ່ວນຮັກສາສັນຕິພາບ, ສະຖຽນລະພາບ, ຄວາມໝັ້ນຄົງ ແລະ ການພັດທະນາໃນພາກພື້ນ ແລະ ທົ່ວໂລກ.
 | ອາເມລິກາ ສະໜັບສະໜູນອາຊຽນ ເສີມຂະຫຍາຍບົດບາດເປັນໃຈກາງໃນພາກພື້ນ ຍສໝ - ທ່ານ ຫງວຽນກວກຢຸ້ງ ຮອງລັດຖະມົນຕີກະຊວງການຕ່າງປະເທດຫວຽດນາມ ໄດ້ກ່າວຢໍ້າຄືນຫຼັກໝັ້ນຂອງອາຊຽນໃນການຮັບປະກັນສັນຕິພາບ, ຄວາມໝັ້ນຄົງ, ສະຖຽນລະພາບ, ຄວາມປອດໄພ ແລະ ສິດເສລີພາບໃນການເດີນເຮືອ ແລະການໄປມາຫາສູ່ກັນຢູ່ທະເລຕາເວັນອອກ. |
 | ສະຫະລັດອາເມລິກາ ແລະ ອິນໂດເນເຊຍ ໄດ້ຮຽກຮ້ອງຕ້ອງການຮັບປະກັນການປະຕິບັດຕາມກົດໝາຍສາກົນ ໃນທະເລຕາເວັນອອກ ຍສໝ - ສອງຝ່າຍໄດ້ປຶກສາຫາລືກ່ຽວກັບການພົວພັນດ້ານປ້ອງກັນຊາດ ລະຫວ່າງສອງປະເທດ, ກໍ່ຄືສະພາບການເຄັ່ງຕຶງໃນພາກພື້ນ ທີ່ກ່ຽວຂ້ອງກັບການຮຽກຮ້ອງອະທິປະໄຕທີ່ບໍ່ສົມເຫດສົມຜົນຂອງຈີນ ໃນທະເລຕາເວັນອອກ. |
 | ນຳສົ່ງພົນລະເມືອງຫວຽດນາມເກືອບ 300 ຄົນ ຈາກສະຫະລັດອາເມລິກາ ແລະ ຍີ່ປຸ່ນ ກັບຄືນປະເທດ ຍສໝ - ເພື່ອຮັບປະກັນສຸຂະພາບຂອງພົນລະເມືອງ, ປ້ອງກັນການແຜ່ລະບາດຂອງພະຍາດ, ສາຍການບິນໄດ້ປະຕິບັດບັນດາມາດຕະການຢ່າງເຂັ້ມງວດກ່ຽວກັບຄວາມປອດໄພ ແລະ ສຸຂະອະນາໄມໂລກລະບາດໃນເວລາບິນ. ທັນທີຫຼັງຈາກລົງຈອດຢູ່ສະໜາມບິນ ກາມແລງ, ຜູ້ເຂົ້າຮ່ວມໃນຖ້ຽວບິນແມ່ນຢູ່ພາຍໃຕ້ການຕິດຕາມກວດກາດ້ານການແພດ ແລະ ປະຕິບັດການແຍກຫ່າງຕາມທີ່ໄດ້ກຳນົດໄວ້. |
ຄຳຮຸ່ງ
