ອອນອານົງ ຫອມສົມບັດ Miss Universe Laos 2018 ສາມາດຄວ້າລາງວັນຊຸດປະຈໍາຊາດດີເດັ່ນມາຄອງ

ໃນເວທີການປະກວດນາງງາມຈັກກະວານ ຫຼື Miss Universe ປະຈໍາປີ 2018, ອອນອານົງ ຫອມສົມບັດ Miss Universe Laos 2018 ຕົວແທນຈາກປະເທດລາວ ສາມາດຄວ້າລາງວັນຊຸດປະຈໍາຊາດດີເດັ່ນມາຄອງໃນຕອນເຊົ້າຂອງມື້ນີ້ ວັນທີ 17 ທັນວາ 2018, ທີ່ປະເທດໄທ ຖືເປັນລາງວັນອັນຊົງກຽດ ແລະ ຂອງຂວັນສົ່ງທ້າຍປີທີ່ຍິ່ງໃຫຍ່ຂອງປະເທດລາວ.

ຊຸດປະຈຳຊາດດີເດັ່ນ ໃນເວທີປະກວດ Miss Universe ປະຈໍາປີ 2018.

ຊຸດດັ່ງກ່າວ, ມີຊື່ວ່າ: Stream of Generosity ຫຼື ຄວາມເອື້ອອາທອນ ໂດຍໄດ້ຮັບແຮງບັນດານໃຈມາຈາກ ນາງກິນນາຣີ ເປັນສັດເຄິ່ງຄົນເຄິ່ງນົກ ໃນວັນນະຄະດີລາວ. ເປັນຊຸດປະຈໍາຊາດທີ່ມີເອກະລັກສະເພາະທີ່ບົ່ງບອກເຖິງຄວາມສວຍງາມຂອງທຳມະຊາດ, ຂະໜົບທຳນຽມ, ສິລະປະວັນນະຄະດີ.

（ຫັດ​ທະ​ບູນ）