ສະ​ພາບ​ການ​ໂລກ​ລະ​ບາດ Covid – 19 ຢູ່​ຫວຽດ​ນາມ ແລະ ໃນ​ໂລກ

	ຊຸກ​ຍູ້​ພັດ​ທະ​ນາ​ການ​ທ່ອງ​ທ່ຽວ​ເໝາະ​​ສົມ​ກັບ​ການ​ຜັນ​ປ່ຽນ​ຂອງ​ໂລກ​ລະ​ບາດ Covid – 19
	ຕັດ​ສິນ​ໃຈ​ບໍ່​ປະ​ໃຫ້​ໂລກ​ລະ​ບາດ Covid – 19 ເກີດ​ຂຶ້ນ​ຄືນ​ໃໝ່​ຢູ່​ຫວຽດ​ນາມ

ພາບ​ປະ​ກອບ: TTXVN

ໄລ່​ຮອດ​ຕອນ​ເຊົ້າ​ວັນ​ທີ 8 ກໍ​ລະ​ກົດ, ຫວຽດ​ນາມ​ໄດ້​ຢັ້ງ​ຢືນ​ບໍ່​ມີ​ຜູ້​ໃດ​ຕິດ​ເຊື້​ອ​ພະ​ຍາດ Covid – 19 ໃນ​ຊຸມ​ຊົນ ໃນ ວັ​ນ​ທີ 83 ຢ່າງ​ລຽນ​ຕິດ. ມາ​ຮອດ​ປັດ​ຈຸ​ບັນ, ມີຄົ​ນເຈັບ​ຕິດ​ເຊື້ອ Covid – 19 ແມ່ນ 345 ຄົນ​ໃນ​ຈຳ​ນວນ 369 ຄົນ​ໄດ້​ຮັບ​ການ​ປິ່ນ​ປົວ​ຫາຍ​ດີ​ເປັນ​ປົກ​ກະ​ຕິ. ປັດ​ຈຸ​ບັນ​ຍັ​ງ​ເຫຼືອ​ພຽງ​ແຕ່ 24 ຄົນ ພວມ​ໄດ້​ຮັບ​ການ​ປິ່ນ​ປົວ​ຢູ່​ໂຮງ​ໝໍ​ແຫ່ງ​ຕ່າງໆ.

ໃນ​ໂລກ, ຕາມ​ເວັບ​ໄຊສະ​ຖິ​ຕິ Worldometers.info, ໄລ່​ຮອດ​ຕອນ​ຄ່ຳວັນ​ທີ 7 ກໍ​ລະ​ກົດ, ໄດ້​ມີ​ຜູ້​ຕິດ​ເຊື້ອ​ພະ​ຍາດ Covid – 19 ແມ່ນ​ 11,78 ລ້ານ​ຄົນ, ໃນ​ນັ້ນ​ມີ 541,7 ລ້ານ​ຄົນ​ເສຍ​ຊີ​ວິດ. ອາ​ເມ​ລິ​ກາ​ຍັງ​ແມ່ນ​ປະ​ເທດ​ຖືກ​ຮັບ​ຜົນ​ປະ​ທົບ​ຢ່າງ​ໜັກ​ໜ່ວງ​ທີ່​ສຸດ. ຖັດ​ຈາກ​ນັ້ນ​ແມ່ນ ບ​ຣາ​ຊິນ. ພິ​ເສດ​ໃນ​ວັນ​ທີ 7 ກໍ​ລະ​ກົດ, ທ່ານ Jair Bolsonaro ປະ​ທານ​າ​ທິບ​ໍ​ດີ ບ​ຣາ​ຊິນ​ໄດ້​ປະ​ກາດ​ຂໍ້​ມູນ​ວ່າ ທ່ານ​ໄດ້​ຕິດ​ເຊື້ອ​ພະ​ຍາດ Covid – 19

ຢູ່​ເອີ​ລົບ, ລັດ​ເຊຍ​ຍັງ​ແມ່ນ​ໃຈ​ກາງ​ພະ​ຍາດຂອງ​ພາກ​ພື້ນນີ້ ເມື່ອ​ມີ ຜູ້​ຕິດ​ເຊື້ອ​ພະ​ຍາດ​ແມ່ນ 6,3 ພັນ​ຄົນ ແລະ ມີ​ຜູ້​ເສຍ​ຊີ​ວິດ​ເກື​ອບ 200 ຄົນ​ໃນ​ວ​ັນ​ທີ 7 ກໍ​ລະ​ກົດ. ຢູ່​ພາກ​ພື້ນ ຕາ​ເວັນ​ອອກ​ກາງ - ອາຟ​ຼິກ​ກາ​ເໜືອ, ໃນ​ວັນ​ທີ 7 ກ​ໍ​ລະ​ກົດ, ອີ​ຣາຍ​ໄດ້​ຢັ້ງ​ຢືນ​ຈຳ​ນວນ​ຜູ້​ເສຍ​ຊີ​ວິດ​ສູງ​ທີ່​ສຸດ​ນັບ​ແຕ່​ກ່ອນ​ມາ​ຮອດ​ປັດ​ຈຸ​ບັນ​ ຂຶ້ນ​ເຖິງ 200 ຄົນ​. ໃນ​ຂະ​ນະ​ນັ້ນ, ຢູ່​ອາ​ຊີ, ອິນ​ເດຍ​ຢືນ​ຢູ່​ອັນ​ດັບ​ທີ 3 ຂອງ​ໂລກ​ກ່ຽວ​ກັບ​ຈຳ​ນວນ​ຜູ້​ຕິດ​ເຊື້ອ ພະ​ຍາດ Covid – 19.

ຊຸກ​ຍູ້​ພັດ​ທະ​ນາ​ການ​ທ່ອງ​ທ່ຽວ​ເໝາະ​​ສົມ​ກັບ​ການ​ຜັນ​ປ່ຽນ​ຂອງ​ໂລກ​ລະ​ບາດ Covid – 19 ຍ​ສໝ - ທ່ານ​ນາ​ຍົກ​ລັດ​ຖະ​ມົນ​ຕີ ຫງວຽນ​ຊວັນ​ຟຸກ ຫາ​ກໍ່​ມອບ​ໝາຍ​ໃຫ້​ກະ​ຊວງວັດ​ຖະ​ນະ​ທຳ, ກິ​ລາ ແລະ ການ​ທ່ອງ​ທ່ຽວ ເປັນ​ເຈົ້າ​ການ​ສົ​ມ​ທົບ​ກັບ ຄະ​ນະ​ກຳ​ມະ​ການ​ປະ​ຊາ​ຊົນ​ບັນ​ດາ​ແຂ​ວງ, ນະ​ຄອນ​ຂຶ້ນ​ກັບ​ສູນ​ກາງ ເພື່ອຄົ້ນ​ຄ້​ວາ, ຕີ​ລາ​ຄາ​ບັນ​ດາ​ກໍ​ລະ​ນີ​ເພື່ອ​ຟື້ນ​ຟູ​ເຕີບ​ໂຕ​ການ​ທ່ອງ​ທ່ຽວ​ໄລ​ຍະຫຼັງ Covid – 19, ເປັນ​ເຈົ້າ​ການ​ປະ​ຕິ​ບັດ​ບັນ​ດາ​ມາດ​ຕະ​ການ​ທີ່​ເໝາະ​ສົມ​ເພື່ອ​ຊຸກ​ຍູ້​​ພັດ​ທະ​ນາ​ການ​ທ່ອງ​ທ່ຽວ​ກັບ​ການ​ຜັນ​ແປ​ຂອງ​ໂລກ​ລະ​ບາດ Covid – 19.

ຫວຽດ​ນາມ ບໍ່​ກວດ​ພົບ​ຜູ້​ຕິດ​ເຊື້ອ​ພະ​ຍາດ Covid – 19 ໃນ​ຊຸມ​ຊົນ​ ພາຍ​ໃນ​ຮອບ​ເວ​ລາ 81 ມື້​ຢ່າງ​ລຽນ​ຕິດ ຍ​ສໝ - ຄົນ​ເຈັບ​ທີ່​ຍັ​ງ​ເຫຼືອ 15 ຄົນ​ ພວມ​ໄດ້​ຮັບ​ການ​ປິ່ນ​ປົວ​ຢູ່​ໂຮງ​ໝໍ​ແຫ່ງ​ຕ່າງໆ​ໃນ​ອາ​ການ​ສຸ​ຂະ​ພາບ​ທີ່​ເປັນ​ປົກ​ກ​ະ​ຕິ, ໃນ​ນັ້ນ​ມີ​ຄົນ​ເຈັບ​ທີ່ມີ​ອາ​ການໜັກ​ທີ່​ສຸດ​ແມ່ນ​ນັກ​​ບິນ​ຊາວ​ອັງ​ກິດ​ທີ່​ພວມ​ໄດ້​ຮັບ​ການ​ປິນ​ປົ່ວ​ຢູ່​ໂຮງ​ໝ​ໍ​ເຈິ​ໄຣ (ນະ​ຄອນ​ໂຮ່​ຈີ​ມິນ) ມີ​ອາ​ການ​ສຸ​ຂະ​ພາບ​ນັບ​ມື້​ນັບ​ດີ​ຂຶ້ນ.

ຕັດ​ສິນ​ໃຈ​ບໍ່​ປະ​ໃຫ້​ໂລກ​ລະ​ບາດ Covid – 19 ເກີດ​ຂຶ້ນ​ຄືນ​ໃໝ່​ຢູ່​ຫວຽດ​ນາມ ຍ​ສ​ໝ - ຫ້ອງ​ວ່າການ​ລັດ​ຖະ​ບານ​ຫວຽດ​ນາມ ຫາ​ກໍ່​ປະ​ກາດ​ບົດ​ສະຫຼຸບ​ ຂອງ​ທ່ານ ນາ​ຍົກ​ລັດ​ຖະ​ມົນ​ຕີ ຫວຽດ​ນາມ ຫງວຽນ​ຊວັນ​ຟຸກ ທີ່ກອງ​ປະ​ຊຸມ​ ຂອງ​ຄະ​ນະ​ປະ​ຈຳ​ລັດ​ຖະ​ບານ​ກ່ຽວ​ກັບ​ການ​ປ້ອງ​ກັນ, ສະ​ກັດ​ກັ້ນ​ໂລກ​ລະ​ບາດ Covid – 19.