| ສື່ມວນຊົນ ເຢຍລະມັນ: ຫວຽດນາມແມ່ນເຄື່ອງວັດແທກທຸກສິ່ງທຸກຢ່າງໃນບັ້ນຕໍ່ສູ້ກັບໂລກລະບາດ Covid – 19 | |
| ສະພາບການໂລກລະບາດ Covid – 19 ຢູ່ຫວຽດນາມ ແລະ ໃນໂລກ |
 |
| ທ່ານຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຫວຽດນາມ ແລະ ຄະນະຜູ້ແທນຫວຽດນາມ. (ພາບ: Baoquocte.vn) |
ວັນທີ 9 ກໍລະກົດ, ທ່ານ ຟ້າມບິ່ງມິງ ຮອງນາຍົກບັດຖະມົນຕີ, ລັດຖະມົນຕີກະຊວງການຕ່າງປະເທດຫວຽດນາມ ພ້ອມກັບລັດຖະມົນຕີກະຊວງການຕ່າງປະເທດຍີ່ປຸ່ນ ຄັ້ງທີ 13 ຕາມຮູບແບບການອອນລາຍ. ໂດຍມີການເຂົ້າຮ່ວມຂອງລັດຖະມົນຕີບັນດາປະເທດກຳປູເຈຍ, ລາວ, ມຽນມາ, ໄທ ແລະ ຜູ້ຕາງໜ້າກະຊວງ, ຂະແໜງການທີ່ກ່ຽວຂ້ອງຂອງຫວຽດນາມ.
ກອງປະຊຸມໄດ້ປຶກສາຫາລື 2 ເນື້ອໃນຕົ້ນຕໍ່ນັ້ນແມ່ນການຮ່ວມມືແມ່ນ້ຳຂອງ ຍີ່ປຸ່ນໃນການຮັບມືກັບໂລກລະບາດ Covid – 19 ແລະ ບັນດາມາດຕະການເພີ່ມທະວີການຮ່ວມມືດ້ານການຄ້າ ແລະ ການລົງທຶນເພື່ອແນໃສ່ຟື້ນຟູເສດຖະກິດໄລຍະຫຼັງ ໂລກລະບາດ.
ກ່າວຄຳເຫັນທີ່ກອງປະຊຸມ, ທ່ານຮອງນາຍົກລັດຖະມົນຕີ ຟ້າມບິ່ງມິງ ໄດ້ເນັ້ນໜັກເຖິງຄວາມຈຳເປັນຕ້ອງມີວິທີການສຳຜັດຢ່າງສົມບູນແບບ, ທັງຮັບມືກັບໂລກລະບາດ ແລະ ທັງຟື້ນຟູພື້ນຖານເສດຖະກິດ. ແບ່ງປັນປະສົບການຂອງຫວຽດນາມໃນການປ້ອງກັນພະຍາດ, ທ່ານຮອງນາຍົກລັດຖະມົນຕີ, ລັດຖະມົນຕີ ໄດ້ຢືນຢັນລັກສະນະຄວາມຖືກຕ້ອງ, ທັນການແລະ ມີປະສິດທິຜົນຂອງນະໂຍບາຍຮອບດ້ານທີ່ລັດຖະບານຫວຽດນາມວາງອອກ. ທ່ານຮອງນາຍົກລັດຖະມົນຕີກໍ່ປະກາດວ່າ, ຫວຽດນາມ ພວມສືບຕໍ່ນຳໃຊ້ບັນດາມາດຕະການຄວບຄຸມ ແລະ ສະກັດກັ້ນການແຜ່ລາມຂອງໂລກລະບາດ, ພ້ອມທັງເປີດປະຕູເສດຖະກິດຄືນ ໃໝ່ເທື່ອລະກ້າວ.
ກ່ຽວກັບທິດທາງການຮ່ວມມື, ທ່ານຮອງນາຍົກລັດຖະມົນຕີຢືນຢັນວ່າການຮ່ວມມືແມ່ນໍ້າຂອງ - ຍີ່ປຸ່ນສາມາດໜູນຊ່ວຍ ຂະບວນການຟື້ນຟູເສດຖະກິດຂອງບັນດາປະເທດສະມາຊິກຢ່າງມີປະສິດທິຜົນໂດຍໃຫ້ບຸລິມະສິດແກ່ບັນດາຂົງເຂດທີ່ຊ່ວຍຟື້ນຟູລະບົບການສະໜອງ ໃນພາກພື້ນ , ກະຕຸ້ນການບໍລິໂພກ ແລະ ເພີ່ມຄວາມສາມາດໃນລະບົບສຸຂະພາບ. ທ່ານຮອງນາຍົກລັດຖະມົນຕີໄດ້ຍົກອອກ 3 ກຸ່ມວິທີແກ້ໄຂລະອຽດນັ້ນແມ່ນ: (i) ເພີ່ມທະວີລະສະນະໜູນຊ່ວຍກັນ ແລະ ເພີ່ມກຳລັງແຮງລວມຂອງບັນດາພື້ນຖານເສດຖະກິດ, ພິເສດແມ່ນການສົ່ງເສີມການລົງທຶນຂອງວິສາຫະກິດເຂົ້າໂຄງການພື້ນຖານໂຄງລ່າງ, ໜູນຊ່ວຍວິວັດຂະບວນການອຸດສາຫະກຳຢູ່ບັນດາປະເທດແມ່ນ້ຳຂອງ; ອຳນວຍຄວາມສະດວກດ້ານການຄ້າ ແລະການລົງທຶນ; ສ້າງເງື່ອນໄຂໃຫ້ສິນຄ້າຄຸນນະພາບສູງຂອງບັນດາປະເທດແມ່ນໍ້າຂອງເຂົ້າເຖິງຕະຫຼາດຍີ່ປຸ່ນ; (ii) ຟື້ນຟູເສດຖະກິດໄປຄຽງຄູ່ກັບການປົກປ້ອງສຸຂະພາບຂອງປະຊາຊົນ, ໂດຍຜ່ານການເສີມສ້າງຊັບພະຍາກອນມະນຸດ ສຳລັບສະຖານທີ່ສາທາລະນະສຸກ, ການປັບປຸງຄວາມສາມາດໃນການຕິດຕາມພະຍາດ, ການຜະລິດວັກຊີນ, ແລະການກໍ່ສ້າງຫ້ອງທົດລອງໃຫ້ແກ່ບັນດາປະເທດແມ່ນໍ້າຂອງ; (iii) ປະຕິບັດ "ຂໍ້ລິເລີ່ມການຮ່ວມມືແມ່ນ້ຳຂອງ - ຍີ່ປຸ່ນກ່ຽວກັບເປົ້າໝາຍ ການພັດທະນາແບບຍືນຍົງ (SDGs) ມຸ່ງໄປສູ່ 2030" ຢ່າງຮີບດ່ວນ.
 | ການຮ່ວມມືເສດຖະກິດ - ການຄ້າ - ການລົງທຶນແມ່ນກຳລັງໜູນຊຸກຍູ້ການພົວພັນລະຫວ່າງ ຫວຽດນາມ - ອາເມລິກາໃນໄລຍະ 25 ປີທີ່ຜ່ານມາ ຍສໝ - ທ່ານ ຮ່າກິມງອກ ເນັ້ນໜັກວ່າ ເພື່ອຊຸກຍູ້ການພົວພັນຮ່ວມມືໃນທຸກໆຂົງເຂດ ລະຫວ່າງ ຫວຽດນາມ - ອາເມລິກາ, ໃນໄລຍະທີ່ຜ່ານມາ, ໜຶ່ງໃນບັນດາບຸລິມະສິດແຖວໜ້າໃນສະພາບການປັດຈຸບັນແມ່ນຮັບປະກັນທ່າອ່ຽງພັດທະນາຢ່າງຕັ້ງໜ້າຂອງການຮ່ວມມດ້ານເສດຖະກິດ - ການຄ້າ - ການລົງທຶນ, ໜູນຊ່ວຍຕັ້ງໜ້າໃຫ້ແກ່ວິວັດການຟື້ນຟູເສດຖະກິດຂອງທັງສອງປະເທດພາຍຫຼັງ ໂລກລະບາດ Covid – 19. |
 | ເສດຖະກິດຫວຽດນາມແມ່ນຈຸດພົ້ນເດັ່ນໃນພາກພື້ນອາຊີ - ປາຊີຟິກ ຍສໝ - ຂໍ້ມູນຢ່າງເປັນທາງການໃຫ້ຮູ້ວ່າ GDP ໄຕມາດທີ 2 ຂອງຫວຽດນາມ ຄາດວ່າເພີ່ມຂຶ້ນປະມານ 0,4%, ເຖິງວ່າໂລກລະບາດໄດ້ສ້າງບັນດາຜົນກະທົບທາງລົບຕໍ່ການທ່ອງທ່ຽວ ແລະ ສົ່ງອອກຫວຽດນາມກໍ່ຕາມ. |
 | ບັນດາປະເທດຕ້ອງຍາດແຍ້ງທັງກາລະໂອກາດ ແລະ ສິ່ງທ້າທາຍເພື່ອຟື້ນຟູເສດຖະກິດ ແລະ ບັນດາກົນໄກການຄ້າ ຫຼາຍຝ່າຍ ຍສໝ - ໃນທຸກໆສິ່ງທ້າທາຍລ້ວນແຕ່ຄົງຕົວກາລະໂອກາດ ແລະ ສິ່ງສຳຄັນທີ່ສຸດແມ່ນບັນດາປະເທດ RCEP ຕ້ອງຍາດແຍ້ງກາລະໂອກາດດັ່ງກ່າວໃຫ້ດີທີ່ສຸດເພື່ອຍູ້ແຮງເປົ້າໝາຍຟື້ນຟູເສດຖະກິດ ກໍ່ຄືຍາດເອົາທີ່ຕັ້ງເປັນໃຈກາງສຳລັບພື້ນຖານເສດຖະກິດທົ່ວໂລກ ຄືນໃໝ່. |
ບຸນຄົງ
