ສະພາແຫ່ງຊາດ ກຳປູເຈຍ ສະແດງຄວາມຂອບໃຈຫວຽດນາມ ທີ່ມອບຂອງຂວັນການແພດ ເພື່ອສະກັດກັ້ນ COVID-19

	ປະ​ຊາ​ຄົມ​ຊາວ​ຫວຽດ​ນາມ ອາ​ໄສ​ຢູ່​ຕ່າງ​ປະ​ເທດ​ຕັ້ງ​ໜ້າ​ສະ​ໜັບ​ສະ​ໜູນ​ການ​ປ້ອງ​ກັນໂລກ​ລະ​ບາດ Covid – 19 ພາຍ​ໃນ​ປະ​ເທດ
	ຫວຽດນາມ: 31 ມື້ຢ່າງລຽນຕິດບໍ່ມີຜູ້ຕິດເຊື້ອພະຍາດ Covid – 19 ໃນຊຸມຊົນ

ເຂົ້າຮ່ວມພິທີຮັບເອົາມີ ທ່ານ Leng Peng Long - ເລຂາທິການໃຫຍ່ສະພາແຫ່ງຊາດ ກຳປູເຈຍ; ທ່ານນາງ Lok Kheng - ຫົວໜ້າຄະນະກຳມະການສະບັບທີ 8, ສະພາແຫ່ງຊາດແຫ່ງລາຊະອານາຈັກ ກຳປູເຈຍ; ທ່ານ ຫວູກ່ວາງມິງ - ເອກອັກຄະລັດຖະທູດຫວຽດນາມ ປະຈຳລາຊະອານາຈັກ ກຳປູເຈຍ ແລະ ບັນດາເຈົ້າໜ້າທີ່ສຳນັກງານນິຕິບັນຍັດກຳປູເຈຍ.

ກ່າວຄຳເຫັນທີ່ພິທີ, ທ່ານ Leng Peng Long - ເລຂາທິການໃຫຍ່ສະພາແຫ່ງຊາດ ກຳປູເຈຍ ໄດ້ຢືນຢັນວ່າ ບັນດາຂອງຂວັນດັ່ງກ່າວຈະຊ່ວຍຕອບສະໜອງ ຄວາມຕ້ອງການເຄື່ອງອຸປະກອນການແພດ ຂອງສະພາແຫ່ງຊາດກຳປູເຈຍ ເພື່ອປະຕິບັດການປ້ອງກັນ ແລະ ສະກັດກັ້ນພະຍາດ COVID-19, ພ້ອມກັນນັ້ນ ໄດ້ປະກອບສ່ວນເຂົ້າໃນການຕ້ານໂລກລະບາດໃນກຳປູເຈຍ.

ສະພາແຫ່ງຊາດ ກຳປູເຈຍ ສະແດງຄວາມຂອບໃຈຫວຽດນາມ ທີ່ມອບຂອງຂວັນການແພດ ເພື່ອສະກັດກັ້ນ COVID-19. (ພາບ: hanoimoi.com.vn)

ທ່ານ Leng Peng Long ໄດ້ເນັ້ນໜັກວ່າ: “ເຖິງແມ່ນວ່າ ຈຳນວນຂອງຂວັນຊ່ວຍເຫຼືອທາງການແພດຂອງຫວຽດນາມດັ່ງກ່າວ ບໍ່ຫຼາຍປານໃດ, ແຕ່ມັນກໍ່ສະແດງໃຫ້ເຫັນຄວາມສາມັກຄີ, ມິດຕະພາບລະຫວ່າງປະຊາຊົນສອງປະເທດ ຫວຽດນາມ ແລະ ກຳປູເຈຍ. ການຊ່ວຍເຫຼືອແທດກັບຕົວຈິງນີ້ແມ່ນ ຫຼັກຖານພະຍານ ສະແດງໃຫ້ເຫັນບັນດາການກະທຳອັນສູງສົ່ງ ແລະ ຈົບງາມຂອງປະຊາຊົນສອງຊາດຫວຽດນາມ ແລະ ກຳປູເຈຍ, ແມ່ນການກໍ່ສ້າງ ແລະ ເສີມຂະຫຍາຍມູນເຊື້ອຄວາມສາມັກຄີຢ່າງບໍ່ຢຸດຢັ້ງ, ແມ່ນຊັບສົມບັດອັນລ້ຳຄ່າຂອງສອງຊາດ.”

ທ່ານຫວູກ່ວາງມິງ - ເອກອັກຄະລັດຖະທູດຫວຽດນາມ ປະຈຳລາຊະອານາຈັກ ກຳປູເຈຍ ໄດ້ຕາງໜ້າ ໃຫ້ ທ່ານນາງ ຫງວຽນທິກິມເງິນ - ປະທານສະພາແຫ່ງຊາດຫວຽດນາມ ໄດ້ມອບຂອງຂວັນຊ່ວຍເຫຼືອທາງການແພດ ໃຫ້ຜູ້ຕາງໜ້າສະພາແຫ່ງຊາດ ແລະ ສະພາສູງ ປະເທດກຳປູເຈຍ.

ທ່ານເອກອັກຄະລັດຖະທູດ ໄດ້ຢືນຢັນວ່າ ການຮ່ວມມືຢ່າງແໜ້ນແຟ້ນ ລະຫວ່າງອົງການນິຕິບັນຍັດ ຂອງສອງປະເທດ ກ່ຽວກັບບັນດາຊ່ອງຕິດຕໍ່ການຮ່ວມມືສອງຝ່າຍ ແລະ ຫຼາຍຝ່າຍໃນບັນດາເວທີປາໄສພາກພື້ນແລະ ສາກົນ, ເຊັ່ນ IPU, APPF, AIPA…ໄດ້ປະກອບສ່ວນຢ່າງໃຫຍ່ຫຼວງ ສຳຫຼັບຄວາມສັນຕິພາບ, ໝັ້ນຄົງ, ການຮ່ວມມື ແລະ ການພັດທະນາຂອງປະຊາຊົນບັນດາປະເທດ ໃນພາກພື້ນ ແລະ ທົ່ວໂລກ.

ໃນສະພາບການທີ່ການລະບາດຂອງພະຍາດ COVID-19 ຍັງສືບຕໍ່ສົ່ງຜົນກະທົບທີ່ຮຸນແຮງຕໍ່ການພັດທະນາ ແລະ ຊີວິດຂອງມະນຸດໃນທົ່ວໂລກ, ທຸກປະເທດຕ້ອງໄດ້ຮ່ວມແຮງຮ່ວມໃຈຊຶ່ງກັນ ແລະ ກັນ ເພື່ອຕໍ່ສູ້ກັບພະຍາດ. ທ່ານຫວູກ່ວາງມິງ - ເອກອັກຄະລັດຖະທູດຫວຽດນາມ ປະຈຳລາຊະອານາຈັກ ກຳປູເຈຍ ໃຫ້ຮູ້ວ່າ ຂອງຂວັນທີ່ຖ່ອມຈຽມນີ້ ແມ່ນສະແດງໃຫ້ເຫັນຄວາມຈິງໃຈຂອງສະພາແຫ່ງຊາດ ແລະ ປະຊາຊົນຫວຽດນາມ ໃນການແບ່ງປັນຄວາມຫຍຸ້ງຍາກກັບປະຊາຊົນກຳປູເຈຍ ເພື່ອຮັບມືກັບບັນດາສິ່ງທ້າທາຍອັນໃຫຍ່ຫຼວງທີ່ເກີດຈາກຍ້ອນພະຍາດ.

ສື່ມວນຊົນລາວ: ຕ້ອງໄດ້ປົກປ້ອງ ແລະ ຖະນຸຖະໜອມສາຍພົວພັນພິເສດ ລາວ - ຫວຽດນາມ ຍສໝ - ໃນຊຸມມື້ຜ່ານມາ, ສື່ມວນຊົນລາວ ໄດ້ລົງພິມບົດຂຽນຫຼາຍບົດກ່ຽວກັບຊີວິດ ແລະ ອາຊີບຂອງ ປະທານ ໂຮ່ຈີມິນ ຢ່າງຕໍ່ເນື່ອງ; ກ່ຽວກັບສາຍພົວພັນສະໜິດສະໜົມ ຂອງ ເພິ່ນກັບການປະຕິວັດລາວ…

ຫວຽດນາມ ກະກຽມຢ່າງຕັ້ງໜ້າ ເພື່ອເປັນເຈົ້າພາບ ໃນການຈັດກອງປະຊຸມສຸດຍອດອາຊຽນຄັ້ງທີ 36 ຍສໝ - ວັນທີ 18 ພຶດສະພາ, ກອງປະຊຸມເຈົ້າໜ້າທີ່ອາວຸໂສອາຊຽນ (SOM) ລະດັບຮອງລັດຖະມົນຕີການຕ່າງປະເທດ ໄດ້ດຳເນີນໃນຮູບແບບການປະຊຸມອອນລາຍ.

ຫວຽດນາມ - ກູບາ ເພີ່ມທະວີການຮ່ວມມື, ໜູນຊ່ວຍເຊິ່ງກັນ ແລະ ກັນ ໃນການປ້ອງກັນການລະບາດພະຍາດ Covid-19 ຍສໝ - ໃນຕອນບ່າຍຂອງວັນທີ 17 ເມສາ, ຢູ່ສຳນັກງານລັດຖະບານ, ທ່ານ ຫງວຽນຊວນຟຸກ, ນາຍົກລັດຖະມົນຕີຫວຽດນາມ ໄດ້ຕ້ອນຮັບ ທ່ານນາງ Lianys Torres Rivera, ເອກອັກຄະລັດຖະທູດກູບາປະຈຳ ຫວຽດນາມ.