ແຂວງ ກວາງຫງາຍ ສສ.ຫວຽດນາມ ໜູນຊ່ວຍ ແຂວງ ຈຳປາສັກ ສປປ.ລາວ ໃນການປ້ອງກັນ, ສະກັດກັ້ນໂລກລະບາດໂຄວິດ-19
	ສສ ຫວຽດນາມ ມອບສານປະສົມຜະລິດນ້ຳຢາລ້າງມືຕ້ານພະຍາດໂຄວິດ-19 ໃຫ້ແກ່ ສປປ ລາວ

ສາມແຂວງກວາງຈິ - ສາລະວັນ - ສະຫວັນນະເຂດໄດ້ສົມທົບກັບກະຊວງຍຸຕິທຳ ຫວຽດນາມ ດຳເນີນການກວດກາ ແລະ ກະກຽມສຳເນົາການສະໝັກ ຂໍສັນຊາດຫວຽດນາມ ສຳລັບຜູ້ຍົກຍ້າຍຕັ້ງພູມລຳເນົາຕາມລຳພັງໃນຈຳນວນ 765/855 ຄົນ.(ພາບປະກອບ)

ການຍົກຍ້າຍຕັ້ງພູມລຳເນົາຕາມລຳພັງ ແລະ ການແຕ່ງດອງທີ່ຜິດກົດໝາຍແມ່ນສ່ວນໜຶ່ງ ຂອງປະຊາກອນຂອງ ໜຶ່ງແຂວງທີ່ອາໄສ ແລະ ດຳລົງຊີວິດຢູ່ໃນດິນແດນຂອງແຂວງອື່ນ, ແຕ່ບໍ່ມີຫຼັກຖານຢັ້ງຢືນການເປັນພົນລະເມືອງ ແລະ ຕົກເປັນຄົນທີ່ບໍ່ມີສັນຊາດ. ມີເຫດຜົນຫລາຍອັນທີ່ເກີດການຍົກຍ້າຍຕັ້ງພູມລຳເນົາຕາມລຳພັງ ແລະ ແຕ່ງງານຜິດກົດໝາຍ, ເຊິ່ງສາເຫດຕົ້ນຕໍແມ່ນປະຊາຊົນທັງສອງຝັ່ງຊາຍແດນມີຄວາມເປັນພີ່ນ້ອງກັນ, ການຫັນປ່ຽນການປູກຝັງ ແລະ ວັດຖຸບູຮານ; ຄວາມຮັບຮູ້ກ່ຽວກັບອະທິປະໄຕແຫ່ງຊາດ ແລະ ເຂດດິນແດນຍັງຈຳກັດຫຼາຍ; ພື້ນຖານໂຄງລ່າງ, ຊີວິດການເປັນຢູ່ແມ່ນຫຍຸ້ງຍາກຫຼາຍ. ສະຖານະການນີ້ກໍ່ໃຫ້ເກີດຄວາມຫຍຸ້ງຍາກຫຼາຍຢ່າງ ສຳລັບການຄຸ້ມຄອງສະຖານະພາບພົນລະເມືອງ ແລະ ການຂຶ້ນສຳມະໂນຄົວພ້ອມທັງຮັບປະກັນພັນທະ ແລະ ຜົນປະໂຫຍດຂອງພົນລະເມືອງ. ນອກຈາກນີ້, ສະພາບການຂ້າງເທິງນີ້ຍັງສົ່ງຜົນກະທົບຢ່າງຫຼວງຫຼາຍຕໍ່ຄວາມໝັ້ນຄົງ ແລະ ຄວາມເປັນລະບຽບຮຽບຮ້ອຍພ້ອມທັງການພັດທະນາເສດຖະກິດ - ສັງຄົມຂອງເຂດຊາຍແດນຂອງສອງປະເທດ.

ອີງຕາມການສຳຫຼວດ, ບັນດາຄອບຄົວສ່ວນໃຫຍ່ເປັນຜູ້ຍົກຍ້າຍຕັ້ງພູມລຳເນົາຕາມລຳພັງ ແລະ ການແຕ່ງດອງທີ່ຜິດກົດໝາຍປະຈຸບັນອາໄສຢູ່ໃນເຂດຊາຍແດນລາວ - ຫວຽດນາມມີຄວາມຫຍຸ້ງຍາກຫຼາຍໃນການດຳລົງຊີວິດຍ້ອນບໍ່ມີສຳມະໂນຄົວ, ຂາດທີ່ດິນຜະລິດຕະພັນປຸງຝັງ ແລະ ການສຶກສາຂອງລູກຫຼານປະສົບກັບຄວາມຫຍຸ້ງຍາກຫລາຍຢ່າງຍ້ອນຂາດເອກະສານທີ່ຈຳເປັນ... ຫລາຍຄອບຄົວໄດ້ສະແດງຄວາມປາດຖະໜາ ຢາກໄດ້ສັນຊາດໃນປະເທດທີ່ພວກເຂົາອາໄສຢູ່, ສ້າງເງື່ອນໄຂເພື່ອສະຖຽນລະພາບຊີວິດຂອງເຂົາເຈົ້າ ແລະ ຍົກລະດັບຊີວິດການເປັນຢູ່ຂອງເຂົາເຈົ້າໃຫ້ດີຂື້ນ...

ເພື່ອແກ້ໄຂບັນຫາທີ່ກ່ຽວຂ້ອງກັບການຍົກຍ້າຍຕັ້ງພູມລຳເນົາຕາມລຳພັງ ແລະ ການແຕ່ງດອງຜິດກົກໝາຍຢູ່ເຂດຊາຍແດນຂອງສອງປະເທດ, ໃນໄລຍະທີ່ຜ່ານມາ, ລັດຖະບານ ແລະ ທ້ອງຖິ່ນຂອງສອງປະເທດໄດ້ໃຫ້ການສະໜັບສະໜູນ ດ້ານອາຫານ ແລະ ເຄື່ອງດື່ມ, ຢາປິ່ນປົວພະຍາດຕ່າງໆ ແລະ ຍົກຫຍ້າຍຄົນທີ່ບໍ່ໄດ້ຕັ້ງຖິ່ນຖານຢູ່ປະເທດດັ່ງກ່າວກັບຄືນປະເທດຂອງພວກເຂົາເຈົ້າ. ພ້ອມດຽວກັນ, ໃຫ້ການສະໜັບສະໜູນ ແລະ ສ້າງເງື່ອນໄຂໃຫ້ຈຳນວນຄົນທີ່ໄດ້ມອບກັບຄືນຂອງທັງສອງຝ່າຍຢ່າງເປັນປົກກະຕິໂດຍໄວ, ເຊັ່ນທົບທວນຂັ້ນຕອນການອະນຸມັດທີ່ດິນທີ່ຢູ່ອາໄສ, ທີ່ດິນການຜະລິດພ້ອມທັງການຝຶກອົບຮົມວິຊາຊີບໃຫ້ແກ່ເຂົາເຈົ້າ. ຍ້ອນວ່າພວກເຂົາສ່ວນຫຼາຍແມ່ນຊົນເຜົ່າ. ພິເສດ, ໃນວັນທີ 8 ກໍລະກົດ 2013, ລັດຖະບານລາວ ແລະ ຫວຽດນາມໄດ້ລົງນາມໃນຂໍ້ຕົກລົງເພື່ອແກ້ໄຂບັນຫາການຍົກຍ້າຍຕັ້ງພູມລຳເນົາຕາມລຳພັງ ແລະ ແຕ່ງດອງໂດຍຜິດກົດໝາຍຢູ່ເຂດຊາຍແດນຂອງສອງປະເທດເພື່ອເລັ່ງຂະບວນການແກ້ໄຂບັນຫາຍົກຍ້າຍຕັ້ງພູມລຳເນົາຕາມລຳພັງ ແລະ ການແຕ່ງດອງທີ່ບໍ່ຜິດກົດໝາຍ, ເຊິ່ງນຳໃຊ້ວິທີໃຫ້ສັນຊາດສຳລັບພົນລະເມືອງລາວທີ່ຢູ່ອາໃສຢູ່ບັນດາຕາແສງໃນເຂດຊາຍແດນ.

ມາຮອດປັດຈຸບັນການແກ້ໄຂສະຖານະການ ແລະ ແຕ່ງດອງໂດຍຜິດກົດໝາຍ ແລະ ການແຕ່ງດອງທີ່ບໍ່ຜິດກົດໝາຍໃນບັນດາແຂວງຊາຍແດນ ລາວ - ຫວຽດນາມ ໄດ້ປະສົບຜົນສຳເລັດຢ່າງແນ່ນອນ, ຜູ້ຍົກຍ້າຍຕັ້ງພູມລຳເນົາຕາມລຳພັງ ແລະ ແຕ່ງດອງໂດຍຜິດກົດໝາຍ ໃນບັນດາແຂວງທີ່ມີຊາຍແດນຕິດຈອດໄດ້ຮັບສັນຊາດ, ຢູ່ແຂວງຫົວພັນ - ເຊີນລາ ປະເທດຫວຽດນາມໄດ້ອະນຸຍາດໃຫ້ພົນລະເມືອງລາວ ຈຳນວນ 294 ຄົນ ໄດ້ຮັບສັນຊາດຫວຽດນາມ ທີ່ ປະຈຸບັນກຳລັງອາໄສຢູ່ແຂວງເຊີນລາ; ໃນວັນທີ 28 ມິຖຸນາ 2019, ແຂວງບໍລິຄຳໄຊ - ເງ້ອານ ໄດ້ຕົກລົງຮັບຮູ້ 773 ຄົນ (ຍິງ 373 ຄົນ, ຊາຍ 400 ຄົນ) ໃນນັ້ນຜູ້ຍົກຍ້າຍຕັ້ງພູມລຳເນົາຕາມລຳພັງ ລວມມີ 114 ຄອບຄົວ / 713 ຄົນ ແລະ 60 ຄົນທີ່ແຕ່ງດອງໂດຍຜິດກົດໝາຍ; ວັນທີ 19 ທັນວາ 2019, ສາມແຂວງກວາງຈິ - ສາລະວັນ - ສະຫວັນນະເຂດ ໄດ້ສົມທົບກັບກະຊວງຍຸຕິທຳ ຫວຽດນາມ ດຳເນີນການກວດກາ ແລະ ກະກຽມສຳເນົາການສະໝັກຂໍສັນຊາດຫວຽດນາມສຳລັບຜູ້ຍົກຍ້າຍຕັ້ງພູມລຳເນົາຕາມລຳພັງໃນຈຳນວນ 765/855 ຄົນ.

ທະຫານຊາຍແດນຂອງລາວໄດ້ຮ່ວມມືຢ່າງແໜ້ນແຟ້ນກັບທະຫານຊາຍແດນຫວຽດນາມໃນການປະຕິບັດຂໍ້ຕົກລົງວ່າດ້ວຍລະບຽບການຄຸ້ມຄອງຊາຍແດນລະຫວ່າງສອງປະເທດ; ປະຕິບັດວຽກງານຂົນຂວາຍ ແລະ ຮັບເອົາຜູ້ຍົກຍ້າຍຕັ້ງພູມລຳເນົາຕາມລຳພັງຢູ່ດ່ານຊາຍແດນຕາມລະບຽບການ. ພ້ອມກັນນັ້ນ, ເພີ່ມທະວີການໂຄສະນາເຜີຍແຜ່ ແລະ ປຸກລະດົມປະຊາຊົນຢູ່ເຂດຊາຍແດນໃຫ້ປະຕິບັດແນວທາງ ຂອງພັກ, ນະໂຍບາຍ, ກົດໝາຍ ຂອງສອງປະເທດກ່ຽວກັບການແກ້ໄຂບັນຫາຜູ້ຍົກຍ້າຍຕັ້ງພູມລຳເນົາຕາມລຳພັງ; ກຳແໜ້ນສະຖານະການຢ່າງຕັ້ງໜ້າ, ຕໍ່ສູ້ຢ່າງມີປະສິດທິຜົນກັບພວກປໍລະປັກ, ກຸ່ມຄົນບໍ່ດີດຶງຖ່ວງ,ຍຸແຫຍ່ ປະຊາຊົນສ້າງຄວາມວຸ້ນວາຍ, ຄວາມບໍ່ເປັນລະບຽບຮຽບຮ້ອຍຢູ່ເຂດຊາຍແດນ.

ການແກ້ໄຂບັນຫານີ້ມີຄວາມໝາຍທາງດ້ານການເມືອງກົດໝາຍ ທີ່ ມີຄວາມໝາຍສຳຄັນ, ສະແດງໃຫ້ເຫັນເຖິງຄວາມເອົາໃຈໃສ່ຂອງພັກ ແລະ ລັດຖະບານ ຂອງສອງ ປະເທດ ລາວ - ຫວຽດນາມ ສຳລັບປະຊາຊົນທີ່ບໍ່ມີສັນຊາດທີ່ໄດ້ດຳລົງຊີວິດ ແລະ ເຮັດວຽກມາເປັນເວລາດົນນານໃນດິນແດນຫວຽດນາມ. ຈາກນັ້ນ, ປະກອບສ່ວນຮັດແໜ້ນຄວາມສາມັກຄີ, ມິດຕະພາບ ແລະ ການຮ່ວມມືຮອບດ້ານລະຫວ່າງລາວ - ຫວຽດນາມ ແລະ ບັນດາແຂວງຊາຍແດນຂອງລາວກັບບັນດາແຂວງຊາຍແດນຫວຽດນາມ, ຮັບປະກັນສິດ ແລະ ຜົນປະໂຫຍດດ້ານກົດໝາຍໃຫ້ແກ່ປະຊາຊົນ. ພ້ອມດຽວກັນນັ້ນ, ສ້າງເງື່ອນໄຂອຳນວຍຄວາມສະດວກໃຫ້ແກ່ການຄຸ້ມຄອງລັດກ່ຽວກັບປະຊາຊົນເຂດຊາຍແດນນັບມື້ນັບແໜ້ນແຟ້ນຍິ່ງຂຶ້ນ; ສ້າງພື້ນຖານເພື່ອຮັກສາສະຖຽນລະພາບດ້ານການເມືອງ, ຮັບປະກັນຄວາມໝັ້ນຄົງແລະວຽກງານປ້ອງກັນຊາດເຂດຊາຍແດນແຫ່ງມິດຕະພາບລະຫວ່າງສອງປະເທດ.

ແຂວງ ກອມຕູມ ສສ.ຫວຽດນາມ ໄດ້ຈັດຕັ້ງພິທີໄວ້ອາໄລ ແລະ ປົງອັດຖິນັກຮົບ ແລະ ຜູ້ຊ່ຽວຊານ ຫວຽດນາມທີ່ເສຍສະຫຼະຊີວິດ ຢູ່ ລາວ ແລະ ກຳປູເຈຍ ຈຳນວນ 21 ຊຸດ ຍສໝ - ໃນຕອນເຊົ້າວັນທີ 27 ເມສາ 2020, ຢູ່ເຂດສຸສານນັກຮົບເສຍສະຫຼະຊີວິດເພື່ອ ຊາດເມືອງ ງອກໂຮ່ຍ, ແຂວງ ກອມຕູມ ໄດ້ຈັດຕັ້ງພິທີໄວ້ອາໄລ ແລະ ປົງອັດຖິນັກຮົບ ແລະ ຜູ້ຊ່ຽວຊານ ຫວຽດນາມທີ່ເສຍສະຫຼະຊີວິດ ຢູ່ ລາວ ແລະ ກຳປູເຈຍ ຈຳນວນ21 ຊຸດ.

ແຂວງຮ່າຕີ້ງ ສສ.ຫວຽດນາມ ມອບອຸປະກອນການແພດ ໃຫ້ແກ່ແຂວງບໍລິຄໍາໄຊ ສປປ.ລາວ ເພື່ອປ້ອງກັນ, ຕ້ານພະຍາດໂຄວິດ -19 ຍສໝ - ຫວ່າງແລ້ວນີ້, ແຂວງຮ່າຕີ໋ງ ໄດ້ມອບອຸປະກອນການແພດ ລວມຍອດມູນຄ່າ 1,5 ຕື້ດົ່ງໃຫ້ແຂວງບໍລິຄໍາໄຊ ແລະ ແຂວງຄໍາມ່ວນ (ລາວ) ແນໃສ່ຮັບໃຊ້ວຽກງານປ້ອງກັນ, ຕ້ານພະຍາດໂຄວິດ-19.

ກອງບັນຊາການທະຫານນະຄອນດາໜັງ ສສ.ຫວຽດນາມ ມອບອຸປະກອນການແພດ ໃຫ້ກອງບັນຊາການທະຫານ ແຂວງສາລະວັນ ສປປ.ລາວ ຍສໝ - ເມື່ອບໍ່ດົນມານີ້, ກອງບັນຊາການທະຫານແຂວງ ສາລະວັນ ສປປ.ລາວ ໄດ້ຮັບເຄື່ອງອຸປະກອນການແພດ ຈາກກອງບັນຊາການທະຫານ ນະຄອນດາໜັງ ສສ.ຫວຽດນາມ ເພື່ອປ້ອງກັນ ແລະ ສະກັດກັ້ນການລະບາດຂອງ ພະຍາດ Covid -19.