 |
| ການສົນທະນາທາງໂທລະສັບ ລະຫວ່າງ ນາຍົກລັດຖະມົນຕີ ແຫ່ງ ສປປ ລາວ ແລະ ສ.ອິນເດຍ. |
ໃນການສົນທະນາດັ່ງກ່າວ, ທ່ານນາຍົກລັດຖະມົນຕີ ທອງລຸນ ສີສຸລິດ ໄດ້ສະແດງຄວາມຍິນດີ ທີ່ໄດ້ມີໂອກາດສົນທະນາ ຜ່ານທາງໂທລະສັບ ກັບ ທ່ານນາຍົກລັດຖະມົນຕີ ນາເຣັນດຣາ ໂມດີ ພາຍຫລັງທີ່ ໄດ້ພົບກັບທ່ານ ໃນປີ 2018 ເວລາເຂົ້າຮ່ວມກອງ ປະຊຸມສຸດຍອດ ອາຊຽນ-ອິນເດຍ ທີ່ນິວແດນລີ. ໂອກາດນີ້, ທ່ານນາຍົກລັດຖະມົນຕີ ທອງລຸນ ສີສຸລິດ ຍັງໄດ້ຕີລາຄາສູງຕໍ່ສາຍພົວພັນ ມິດຕະພາບອັນເປັນມູນເຊື້ອ ແລະ ການຮ່ວມມືອັນດີງາມ ທີ່ໄດ້ຮັບການເສີມຂະຫຍາຍ ເປັນຢ່າງດີຕະຫລອດໄລຍະເວລາ 64 ປີ (2 ກຸມພາ 1956 – 2 ກຸມພາ 2020) ແຫ່ງການສ້າງຕັ້ງ ສາຍພົວພັນການທູດ ລະຫວ່າງສອງປະເທດຜ່ານມາ, ເຫັນໄດ້ຈາກການນຳຂັ້ນສູງ ຂອງສອງ ປະເທດ ໄດ້ມີການແລກປ່ຽນ ການຢ້ຽມຢາມຢ່າງເປັນປົກກະຕິ ໃນໄລຍະຜ່ານມາ, ເຊິ່ງເປັນການປະກອບສ່ວນ ຮັດແໜ້ນສາຍພົວພັນທີ່ດີ ໃຫ້ແໜ້ນແຟ້ນຍິ່ງໆຂຶ້ນ ແລະ ໃນປີ 2021 ນີ້ ຈະເປັນປີ ຄົບຮອບ 65 ປີ ແຫ່ງການສ້າງຕັ້ງສາຍພົວພັນ ການທູດ ລະຫວ່າງ ລາວ-ອິນເດຍ, ສອງປະເທດຈະໄດ້ຮ່ວມກັນ ຈັດກິດຈະກຳ ເພື່ອສະເຫລີມສະຫລອງປີສຳຄັນດັ່ງກ່າວ ໃຫ້ມີຄວາມໝາຍສຳຄັນ ແລະ ສ່ອງແສງໃຫ້ເຫັນ ເຖິງມູນເຊື້ອ ແຫ່ງການພົວພັນຮ່ວມມືອັນດີງາມ ລະຫວ່າງສອງປະເທດ.
ໃນໂອກາດດຽວກັນນີ້, ສອງຝ່າຍຍັງໄດ້ປຶກສາຫາລືກ່ຽວກັບ ການຄວບຄຸມ ແລະ ປ້ອງກັນການແຜ່ລະບາດຂອງພະຍາດ ໂຄວິດ-19 ໂດຍສະເພາະ ໄດ້ສະແດງຄວາມຊົມເຊີຍ ຕໍ່ຜົນສຳເລັດ ໃນການປ້ອງກັນການແຜ່ລະບາດ ຂອງພະຍາດດັ່ງກ່າວ ແລະ ການກຳນົດ ມາດຕະການອັນເໝາະສົມ, ທັນການ ແລະ ມີປະສິດທິພາບ ຊຶ່ງສາມາດຄວບຄຸມການລະບາດ ຂອງພະຍາດໂຄວິດ-19 ໄດ້ຢ່າງມີຜົນ ສໍາເລັດສູງ ແລະ ເຮັດໃຫ້ຊີວິດການເປັນຢູ່ ຂອງປະຊາຊົນກັບເຂົ້າສູ່ ສະພາບປົກກະຕິໂດຍໄວ.
ເຖິງຢ່າງໃດກໍຕາມ, ການແຜ່ລະບາດພະຍາດໂຄວິດ-19 ຍັງສືບຕໍ່ເປັນໄພຄຸກຄາມ ໃນທຸກໆປະເທດໃນໂລກ ລວມທັງ ສປປ ລາວ, ເຊິ່ງລັດຖະບານລາວ ໄດ້ສືບຕໍ່ຢ່າງໃກ້ສິດ ເອົາໃຈໃສ່ຕິດຕາມ ແລະ ມີມາດຕະການຮັບມືເປັນຢ່າງດີ.
ພ້ອມນີ້, ສອງຝ່າຍຍັງໄດ້ຊຸກຍູ້ ການຮ່ວມມືໃນຂອບ ອາຊຽນ-ອິນເດຍ ແລະ ຕີລາຄາສູງ ຕໍ່ຜົນການຈັດຕັ້ງປະຕິບັດ ການພົວພັນຮ່ວມມື ອາຊຽນ-ອິນເດຍ ເຊິ່ງໄດ້ນຳຜົນປະໂຫຍດ ທີ່ເປັນຮູບປະທຳມາສູ່ ປະຊາຊົນສອງຊາດ ແລະ ປະກອບສ່ວນອັນໃຫຍ່ຫລວງ ເຂົ້າໃນການສົ່ງເສີມ ສັນຕິພາບ, ສະຖຽນລະພາບ ແລະ ຄວາມສົມບູນພູນສຸກ ໃນພາກພື້ນ ແລະ ສາກົນ.ພ້ອມກັນນັ້ນ, ສປປ ລາວ ຍັງໄດ້ຕີລາຄາ ສູງຕໍ່ບົດບາດ ອັນສໍາຄັນຂອງອິນເດຍ ທີ່ໄດ້ເຮັດໃຫ້ການເຈລະຈາ ສັນຍາຄູ່ຮ່ວມມືເສດຖະກິດແບບຮອບ ດ້ານຂອງພາກພື້ນ (RCEP) ຕະຫລອດໄລຍະ 7 ປີຜ່ານມາ ໄດ້ຮັບຜົນສໍາເລັດເປັນກ້າວໆມາ ແລະ ພິເສດແມ່ນໄດ້ຊ່ວຍ ໃນການປົກປ້ອງສິດຜົນປະໂຫຍດ ຂອງປະເທດ ກຳລັງພັດທະນາ ແລະ ດ້ອຍພັດທະນາ ລວມທັງ ສປປ ລາວ.
ໃນຕອນທ້າຍ, ທ່ານນາຍົກລັດຖະມົນຕີ ທອງລຸນ ສີສຸລິດ ໄດ້ອວຍພອນໃຫ້ ທ່ານນາຍົກລັດຖະມົນຕີ ນາເຣັນດຣາ ໂມດີ ຈົ່ງມີສຸຂະພາບເຂັ້ມແຂງ, ປະສົບຜົນສຳເລັດເປັນຢ່າງດີ ໃນຄວາມພະຍາຍາມສະກັດກັ້ນ ແລະ ຄວບຄຸມການແຜ່ລະບາດ ຂອງພະຍາດ ໂຄວິດ-19 ຢູ່ອິນເດຍ ແລະ ເຊື່ອໝັ້ນວ່າ ຈະໄດ້ຮ່ວມເຮັດວຽກຢ່າງໃກ້ຊິດກັບທ່ານ ເພື່ອເສີມຂະຫຍາຍ ແລະ ຮັດແໜ້ນການພົວພັນ ລະຫວ່າງ ສອງປະເທດ ໃຫ້ແໜ້ນແຟ້ນຍິ່ງໆຂຶ້ນໃນອະນາຄົດ.
 | ສະມາຄົມມິດຕະພາບຫວຽດນາມ - ອິນເດຍ ໄດ້ມອບຜ້າອັດປາກ 100.000 ອັນ ໃຫ້ແກ່ປະຊາຊົນໃນປະເທດອິນເດຍ ຍສໝ - ໃນຕອນບ່າຍຂອງວັນທີ 21 ເມສາ, ຢູ່ຮ່າໂນ້ຍ, ທ່ານ ຫງວຽນແມ້ງຮູ່ງ ລັດຖະມົນຕີກະຊວງຖະແຫຼງຂ່າວ ແລະ ສື່ສານ, ປະທານສະມາຄົມມິດຕະພາບຫວຽດນາມ - ອິນເດຍ ໄດ້ມອບຜ້າອັດປາກ 100.000 ອັນ ໃຫ້ແກ່ສະຖານທູດອິນເດຍປະຈຳຫວຽດນາມ ເພື່ອສະໜັບສະໜູນປະຊາຊົນ ອິນເດຍ ປ້ອງກັນ ແລະ ຄວບຄຸມ ໂລກພະຍາດ COVID-19. ... |
 | ການນຳຂັ້ນສູງ ສ.ເຊັກໂກ ສົ່ງຄຳຂອບໃຈເຖິງລັດຖະບານຫວຽດນາມ ແລະ ຊາວຫວຽດນາມ ຢູ່ ສ.ເຊັກໂກ ຍສໝ - ເມື່ອບໍ່ດົນມານີ້, ສະມາຄົມຊາວຫວຽດນາມອາໄສ ຢູ່ ສ.ເຊັກໂກ ໄດ້ສົມທົບກັບສະຖານທູດຫວຽດນາມປະຈຳ ສ.ເຊັກໂກ ໄດ້ຈັດຕັ້ງພິທີມອບຮັບຜ້າອັດປາກການແພດໃຫ້ແກ່ເຮືອນພັກຜູ້ສູງອາຍຸ 2 ແຫ່ງ ຢູ່ ນະຄອນຫຼວງPraha, ສ.ເຊັກໂກ. |
 | ບົດອວຍພອນປີໃໝ່ລາວ ປີຊວດ ພສ 2563 ຂອງທ່ານ ບຸນຍັງ ວໍລະຈິດ ປະທານປະເທດ ແຫ່ງ ສປປ ລາວ ເນື່ອງໃນໂອກາດ ສົ່ງທ້າຍປີເກົ່າຕ້ອນຮັບປີໃໝ່ລາວ, ທ່ານ ບຸນຍັງ ວໍລະຈິດ ໄດ້ກ່າວອວຍພອນໃຫ້ ພີ່ນ້ອງ ຮ່ວມຊາດ ແລະ ເຊື້ອຊາດລາວ ຈົ່ງມີແຕ່ໂຊກໄຊ, ຜົນສຳເລັດໃຫຍ່ ແລະ ຢູ່ເປັນເປັນສຸກມາສູ່ປວງຊົນລາວທັງຊາດ. |
kpl.gov.la
