ສະມາຄົມມິດຕະພາບຫວຽດນາມ - ອິນເດຍ ໄດ້ມອບຜ້າອັດປາກ 100.000 ອັນ ໃຫ້ແກ່ປະຊາຊົນໃນປະເທດອິນເດຍ
	ສະພາແຫ່ງຊາດ ຫວຽດນາມ ຍາມໃດກໍ່ເອົາໃຈໃສ່ເຖິງການຊຸກຍູ້ການຮ່ວມມືກັບລັດຖະສະພາ ອິນເດຍ

ກອງປະຊຸມສຳມະນາການເຊື່ອມຕໍ່ວິສາຫະກິດທາງອອນລາຍລະຫວ່າງ ຫວຽດນາມ-ອິນເດຍ (ພາບ: VOV)

ໃນສະພາບການໂລກລະບາດໂຄວິດ-19 ເຮັດໃຫ້ການພົວພັນແລກປ່ຽນການຄ້າຖືກຕັດຕອນໃນທົ່ວໂລກນັ້ນ, ໃບຢັ້ງຢືນຕົ້ນກຳເນີດສິນຄ້າທາງເອເລັກໂຕນິກ (E-CO) ຈະແມ່ນກຳລັງໝູນເພື່ອໃຫ້ ຫວຽດນາມ ແລະ ອິນເດຍ ມຸ່ງໄປສູ່ຄາດໝາຍວົງເງິນການຄ້າສອງສົ້ນບັນລຸ 15 ຕື້ USD ເຊິ່ງການນຳຂອງສອງປະເທດໄດ້ວາງອອກ. ທີ່ກອງປະຊຸມສຳມະນາການເຊື່ອມຕໍ່ວິສາຫະກິດທາງອອນລາຍລະຫວ່າງ ຫວຽດນາມ-ອິນເດຍ ໃນມໍ່ໆມານີ້, ທ່ານ ຟ້າມແຊງເຈົາ ເອກອັກຄະລັດຖະທູດ ຫວຽດນາມ ປະຈຳ ອິນເດຍ ໃຫ້ຮູ້ວ່າ: ການສະເໜີພິຈາລະນາຍອມຮັບໃບຢັ້ງຢືນຕົ້ນກຳເນີດສິນຄ້າທາງເອເລັກໂຕນິກໄດ້ອອກໃຫ້ໂດຍຜ່ານປະຕູຖານຂໍ້ມູນເອເລັກໂຕນິກຂອງ ອິເດຍ (ECO) ເຊິ່ງລັດຖະບານ ອິນເດຍ ໄດ້ສົ່ງໃຫ້ບັນດາປະເທດ ອາຊຽນ ໃນວັນທີ 27 ເມສາ. ຫຼັງຈາກນັ້ນ, ຫວຽດນາມ, ດ້ວຍບົດບາດເປັນປະທານ ອາຊຽນໃນປີ 2020, ກໍ່ໄດ້ແລກປ່ຽນກັບບັນດາປະເທດ ອາຊຽນ ກ່ຽວກັບບັນຫານີ້ ແລະ ຖືວ່າ ຂໍ້ສະເໜີຂອງ ອິນເດຍ ກໍ່ເໝາະສົມກັບຜົນປະໂຫຍດຂອງບັນດາບຸລິມະສິດດ້ານພາສີອາກອນຕາມສັນຍາການຄ້າເສລີ ອາຊຽນ - ອິນເດຍ (AIFTA).

ສະຖານທູດ ຫວຽດນາມ ປະຈຳ ອິນເດຍ ໄດ້ມີບົດລາຍງານສົ່ງເຖິງຫ້ອງວ່າການລັດຖະບານ ຫວຽດນາມ ແລະ ບັນດາກະຊວງທີ່ກ່ຽວຂ້ອງຄືກະຊວງອຸດສາຫະກຳ ແລະ ການຄ້າ, ກະຊວງການເງິນ, ກະຊວງການຕ່າງປະເທດ…ສະເໜີບັນດາກະຊວງ, ຂະແໜງການດ້ວຍພາລະບົດບາດ ແລະ ໜ້າທີ່ທີ່ໄດ້ມອບໝາຍຈົ່ງພິຈາລະນາ ແລະ ຮັບຮູ້ຂໍ້ສະເໜີແນະຈາກຝ່າຍ ອິນເດຍ ໂດຍໄວ. ຖ້າຫາກໄດ້ຮັບການເຫັນດີເຫັນພ້ອມຮັບຮອງເອົາ, ນີ້ຈະໄດ້ຮັບຖືແມ່ນກ້າວທີ່ສຳຄັນໃນການເຄື່ອນໄຫວການພົວພັນແລກປ່ຽນການຄ້າລະຫວ່າງ ອາຊຽນ ແລະ ອິນເດຍ ເວົ້າລວມ ແລະ ຫວຽດນາມ-ອິນເດຍ ເວົ້າສະເພາະ.

ສະມາຄົມມິດຕະພາບຫວຽດນາມ - ອິນເດຍ ໄດ້ມອບຜ້າອັດປາກ 100.000 ອັນ ໃຫ້ແກ່ປະຊາຊົນໃນປະເທດອິນເດຍ ຍສໝ - ໃນຕອນບ່າຍຂອງວັນທີ 21 ເມສາ, ຢູ່ຮ່າໂນ້ຍ, ທ່ານ ຫງວຽນແມ້ງຮູ່ງ ລັດຖະມົນຕີກະຊວງຖະແຫຼງຂ່າວ ແລະ ສື່ສານ, ປະທານສະມາຄົມມິດຕະພາບຫວຽດນາມ - ອິນເດຍ ໄດ້ມອບຜ້າອັດປາກ 100.000 ອັນ ໃຫ້ແກ່ສະຖານທູດອິນເດຍປະຈຳຫວຽດນາມ ເພື່ອສະໜັບສະໜູນປະຊາຊົນ ອິນເດຍ ປ້ອງກັນ ແລະ ຄວບຄຸມ ໂລກພະຍາດ COVID-19. ...

ຢັ້ງຢືນສາຍພົວພັນມິດຕະພາບທີ່ເປັນມູນເຊື້ອມາແຕ່ດົນນານລະຫວ່າງ ຫວຽດນາມ ແລະ ອິນເດຍ ຍສໝ - ໃນລະຫ່ວາງ ວັນທີ 11-13 ກຸມພາ, ທ່ານນາງຮອງປະທານປະເທດ ຫວຽດນາມ ດັ້ງທິງອັກທິງ ໄດ້ໄປຢ້ຽມຢາມ ສ.ອິນເດຍ ລະຫ່ວາງ ວັນທີ 11-13 ກຸມພາ ຢ່າງເປັນທາງການ.

ໄຂງານສະຫຼອງຮ່ວມມ່ວນຊື່ນມິດຕະພາບ ປະຊາຊົນຫວຽດນາມ - ອິນເດຍ ຄັ້ງທີ 10 ຍສໝ - ໃນຕອນບ່າຍວັນທີ 13 ສິງຫາ, ຢູ່ແຂວງນິງບິ່ງ, ສະຫະພັນບັນດາອົງການຈັດຕັ້ງມິດຕະພາບຫວຽດນາມ, ສະມາຄົມມິດຕະພາບຫວຽດນາມ - ອິນເດຍ ແລະ ອົງການສັນຕິພາບ ແລະ ສາມັກຄີທົ່ວປະເທດອິນເດຍ ໄດ້ສົມທົບກັນຈັດງານມະໂຫລານມິດຕະພາບປະຊາຊົນຫວຽດນາມ - ອິນເດຍ ຄັ້ງທີ 10.