ໃນການພົບປະໃນວັນທີ 12 ກຸມພາ, ທ່ານຮອງປະທານາທິບໍດີ Venkaiah Naidu ໄດ້ຫວນຄືນເຖິງຄວາມຊົງຈຳທີ່ດີຂອງການມາຢ້ຽມຢາມ ຫວຽດນາມ ແລະ ເຂົ້າຮ່ວມງານບຸນໃຫຍ່ Vesak ຂອງສະຫະປະຊາຊາດໃນປີ 2019, ສະແດງຄວາມປະທັບໃຈຢ່າງເລິກເຊິ່ງກ່ຽວກັບການພັດທະນາຢ່າງວ່ອງໄວຂອງຫວຽດນາມ, ການບໍລິຫານຢ່າງມີປະສິດທິຜົນຂອງລັດຖະບານ ຫວຽດນາມ ແລະ ຄວາມດີທີ່ສຸດ ແລະ ແຮງງານຢ່າງຈູບຈ້າວຫ້າວຫັນຂອງປະຊາຊົນຫວຽດນາມ.
ສອງຝ່າຍຍັງໄດ້ປຶກສາຫາລືມາດຕະການ ເພື່ອຊຸກຍູ້ການພົວພັນຄູ່ຮ່ວມມືຍຸດທະສາດຮອບດ້ານ, ໂດຍສະເພາະແມ່ນບັນດາຂົງເຂດທີ່ສຳຄັນເຊັ່ນ: ການປ້ອງກັນຊາດ, ປ້ອງກັນຄວາມສະຫງົບ, ເສດຖະກິດ, ການຄ້າ, ການລົງທຶນ, ວິທະຍາສາດ ແລະ ເຕັກໂນໂລຢີ...
 |
ທ່ານນາງ ດັ້ງທິງອັກທິ້ງ ຮອງປະທານປະເທດຫວຽດນາມ ແລະທ່ານ Venkaiah Naidu ຮອງປະທານາທິບໍດີອິນເດຍ. (ພາບ: baoquocte.vn.)
ສອງຝ່າຍກ່າວວ່າ, ການເປີດສາຍການບິນໂດຍກົງລະຫວ່າງສອງປະເທດ ມີຄວາມໝາຍຢ່າງແທດຈິງ, ສ້າງກຳລັງໜູນໃໝ່ໃຫ້ແກ່ການເຄື່ອນໄຫວດ້ານການຄ້າ, ການທ່ອງທ່ຽວ ແລະ ການພົບປະແລກປ່ຽນປະຊາຊົນລະຫວ່າງສອງປະເທດ; ເຫັນດີເພີ່ມທະວີການຮ່ວມມື ທີ່ແໜ້ນແຟ້ນກວ່າເກົ່າໃນເວທີພາກພື້ນ ແລະ ສາກົນ, ແບ່ງປັນຫຼັກໝັ້ນ ແລະ ການປະສານງານເພື່ອຊຸກຍູ້ສັນຕິພາບ ແລະ ສະຖຽນລະພາບຢູ່ທະເລຕາເວັນອອກ ຕາມບົນພື້ນຖານເຄົາລົບກົດໝາຍສາກົນ ແລະ ສົນທິສັນຍາສະຫະປະຊາຊາດວ່າດ້ວຍກົດໝາຍທະເລປີ 1982 (UNCLOS 1982).
（ຄຳຮຸ່ງ）
