ໃນການຕ້ອນຮັບ, ທ່ານຫງວຽນຊວນຟຸກ, ນາຍົກລັດຖະມົນຕີຫວຽດນາມ ໄດ້ສະແດງຄວາມຂອບອົກຂອບໃຈ ຕໍ່ບັນດາການນຳຂັ້ນສູງ ແລະ ລັດຖະບານປະເທດກູບາ ທີ່ໄດ້ຕັດສິນໃຈສະໜັບສະໜູນ ຫວຽດນາມ ໃນການປ້ອງກັນ ແລະ ຄວບຄຸມ ພະຍາດ Covid-19 ໂດຍໄວ.
 |
| ທ່ານ ຫງວຽນຊວນຟຸກ, ນາຍົກລັດຖະມົນຕີຫວຽດນາມ ໄດ້ຕ້ອນຮັບ ທ່ານນາງ Lianys Torres Rivera, ເອກອັກຄະລັດຖະທູດກູບາປະຈຳ ຫວຽດນາມ. (ພາບ: VGP) |
ທ່ານຫງວຽນຊວນຟຸກ, ນາຍົກລັດຖະມົນຕີ ກ່າວວ່າ: ນັບແຕ່ຕົ້ນເດືອນເມສາ, ສອງຝ່າຍໄດ້ຈັດສຳມະນາທາງອອນໄລໃນທຸກລະດັບ ເພື່ອແລກປ່ຽນປະສົບການທີ່ສຳຄັນ ໃນການປ້ອງກັນ ແລະ ຄວບຄຸມການລະບາດຂອງພະຍາດ Covid-19. ທ່ານຫງວຽນຊວນຟຸກ ກໍ່ໄດ້ຕັດສິນໃຈຈະມອບເຂົ້າສານຈຳນວນ 5.000 ໂຕນ ໃຫ້ພັກ, ລັດ ແລະ ປະຊາຊົນກູບາ ເພື່ອແບ່ງປັນບາງຄວາມຫຍຸ້ງຍາກດ້ານສະບຽງອາຫານໃນປະຈຸບັນ, ພ້ອມທັງ ສົມທົບກັບປະເທດກູບາ ໃນການຮັບມືກັບພະຍາດ COVID-19 ເຊິ່ງໄດ້ຮັບຜົນທີ່ດີທີ່ສຸດ. ນອກຈາກນັ້ນ, ທ່ານຫງວຽນຊວນຟຸກ ໃຫ້ຮູ້ວ່າ ຫວຽດນາມກໍ່ພ້ອມແລ້ວ ຮ່ວມມືກັບສາກົນ, ສະໜັບສະໜູນບັນດາປະເທດ ເຄື່ອງອຸປະກອນການແພດ ແລະ ຜ້າປິດປາກ.
ທ່ານຫງວຽນຊວນຟຸກ, ນາຍົກລັດຖະມົນຕີ ໄດ້ຢືນຢັນວ່າ, ພັກ, ລັດ ແລະ ປະຊາຊົນຫວຽດນາມ ຈະເຮັດຈົນສຸດຄວາມສາມາດຂອງຕົນ ເພື່ອຊຸກຍູ້ການພົວພັນສາມັກຄີແບບພິເສດ, ການສະໜັບສະໜູນ ແລະ ການຮ່ວມມືຮອບດ້ານລະຫວ່າງ ຫວຽດນາມ - ກູບາ, ແລະ ນຳການພົວພັນສອງຝ່າຍ ໄດ້ນັບມື້ນັບເຂົ້າສູ່ລວງເລິກ, ແທດກັບຕົວຈິງ ແລະ ມີປະສິດທິຜົນ.
 |
| ຫວຽດນາມ ໄດ້ມອບຂອງຂວັນເປັນສັນຍະລັກ ເຊິ່ງເປັນເຂົ້າສານຈຳນວນ 5.000 ໂຕນ ໃຫ້ແກ່ພັກ, ລັດ ແລະ ປະຊາຊົນກູບາ. (ພາບ: VTV) |
ຕາງໜ້າໃຫ້ພັກ, ລັດ ແລະ ປະຊາຊົນກູບາ, ທ່ານນາງ Lianys Torres Rivera, ເອກອັກຄະລັດຖະທູດກູບາປະຈຳ ຫວຽດນາມ ໄດ້ສະແດງຄວາມຂອບໃຈ ຕໍ່ພັກ, ລັດ ແລະ ປະຊາຊົນຫວຽດນາມ ທີ່ໄດ້ສະໜັບສະໜູນ ເຂົ້າສານຈຳນວນ 5 ພັນໂຕນ ໃຫ້ແກ່ກູບາ ໃນຄັ້ງນີ້. ທ່ານນາງ Lianys Torres Rivera ກໍ່ໄດ້ກ່າວວ່າ ສຳລັບ ກູບາ, ຂອງຂວັນນີ້ແມ່ນມີຄວາມໝາຍສຳຄັນຢ່າງຍິ່ງໃຫຍ່ ໃນສະພາບການປະຈຸບັນ ເຊິ່ງຈະປະກອບສ່ວນໃນການໜຸນຊ່ວຍປະຊາຊົນກູບາ ເພື່ອປ້ອງກັນພະຍາດ ແລະ ຜ່ານຜ່າຄວາມຫຍຸ້ງຍາກ.
ທ່ານນາງ Lianys Torres Rivera ໃຫ້ຮູ້ວ່າ ການຖ່າຍທອດເຕັກໂນໂລຢີດ້ານກະສິກຳ ຂອງຫວຽດນາມ ໄດ້ຊ່ວຍໃຫ້ກູບາ ມີການພັດທະນາໃນຂົງເຂດກະສິກຳກວ່າເກົ່າ. ຫວຽດນາມ ແລະ ກູບາຍັງມີຄວາມສາມາດບົ່ມຊ້ອນດ້ານການຮ່ວມມືໃນຫຼາຍຂົງເຂດ ໃນໄລຍະຈະມາເຖິງ.
 | ກອງບັນຊາການທະຫານນະຄອນດາໜັງ ສສ.ຫວຽດນາມ ມອບອຸປະກອນການແພດ ໃຫ້ກອງບັນຊາການທະຫານ ແຂວງສາລະວັນ ສປປ.ລາວ ຍສໝ - ເມື່ອບໍ່ດົນມານີ້, ກອງບັນຊາການທະຫານແຂວງ ສາລະວັນ ສປປ.ລາວ ໄດ້ຮັບເຄື່ອງອຸປະກອນການແພດ ຈາກກອງບັນຊາການທະຫານ ນະຄອນດາໜັງ ສສ.ຫວຽດນາມ ເພື່ອປ້ອງກັນ ແລະ ສະກັດກັ້ນການລະບາດຂອງ ພະຍາດ Covid -19. |
 | ຄະນະແພດຊ່ຽວຊານ ຫວຽດນາມ ໄດ້ສຳເລັດຊຸດເຝິກອົບຮົມການແພດ ເພື່ອສະກັດກັ້ນພະຍາດ Covid-19 ໃຫ້ປະເທດລາວ ຍສໝ - ໃນວັນທີ 16 ເມສາ, ຄະນະຊ່ຽວຊານການແພດກອງທັບ ຫວຽດນາມ ໄດ້ສຳເລັດຊຸດເຝິກອົບຮົມການແພດເພື່ອສະກັດກັ້ນພະຍາດ Covid-19 ໃຫ້ບັນດາແພດໝໍ ຂອງປະເທດລາວ ໃນໄລຍະເວລາແຕ່ວັນທີ 7 ເມສາ ຫາ 15 ເມສາ. ພະລາທິການກອງທັບປະຊາຊົນລາວ ໄດ້ຈັດຕັ້ງພິທີສົ່ງຄະນະຊ່ຽວຊານການແພດກອງທັບປະຊາຊົນ ຫວຽດນາມ ກັບຄືນປະເທດ ຢ່າງເປັນທາງການ ແລະ ສະແດງຄວາມຂອບໃຈຕໍ່ຄະນະຊ່ຽວຊານການແພດກອງທັບ ຫວຽດນາມ ... |
 | ປະຊາຄົມສາກົນ ໄດ້ຕີລາຄາສູງບົດບາດຂອງຫວຽດນາມໃນການຈັດຕັ້ງ 2 ກອງປະຊຸມຂັ້ນສູງພິເສດ ຍສໝ - ການຈັດຕັ້ງກອງປະຊຸມສຸດຍອດພິເສດ ອາຊຽນ ແລະ ກອງປະຊຸມສຸດຍອດພິເສດອາຊຽນ +3 ກ່ຽວກັບການປະເຊີນໜ້າ ຕໍ່ການລະບາດຂອງພະຍາດ Covid-19 ຂອງຫວຽດນາມ ໃນຖານະທີ່ເປັນປະທານອາຊຽນ ໄດ້ຮັບການຕີລາຄາສູງຂອງປະຊາຊົນ ໃນພາກພື້ນ ແລະ ສາກົນ. |
ຄຳຮຸ່ງ
