 |
| ທ່ານ ດັ້ງມີງຄອຍ ຮອງລັດຖະມົນຕີກະຊວງການຕ່າງປະເທດຫວຽດນາມ.(ພາບ:ຕວນແອງ) |
ວັນທີ 13 ພຶດສະພາ, ຢູ່ ສຳນັກງານກະຊວງການຕ່າງປະເທດຫວຽດນາມ, ທ່ານ ດັ້ງມີງຄອຍ ຮອງລັດຖະມົນຕີກະຊວງການຕ່າງປະເທດຫວຽດນາມ ໄດ້ມີການໂອ້ລົມທາງໂທລະສັບກັບ ທ່ານ Chakib Rachid Kaid ເລຂາທິການໃຫຍ່ກະຊວງການຕ່າງປະເທດ Algeria ເພື່ອແລກປ່ຽນຄໍາຄິດເຫັນກ່ຽວກັບສະພາບການຂອງ ໂລກລະບາດ COVID-19 ແລະ ປຶກສາຫາລືກ່ຽວກັບບັນດາມາດຕະການໃນການຊຸກຍູ້ການພົວພັນສອງຝ່າຍ.
ທີ່ການໂອ້ລົມທາງໂທລະສັບ, , ທ່ານ ດັ້ງມີງຄອຍ ຮອງລັດຖະມົນຕີກະຊວງການຕ່າງປະເທດຫວຽດນາມ ໄດ້ແບ່ງປັນບັນດາຄວາມຫຍຸ້ງຍາກຂອງ Algeria ຍ້ອນຜົນກະທົບຈາກພະຍາດ COVID-19, ຢືນຢັນວ່າຫວຽດນາມພ້ອມແລ້ວທີ່ຈະແບ່ງປັນປະສົບການຂອງຕົນໃນການຮັບມືກັບ Covid-19 ແລະ ສະເໜີໃຫ້ຝ່າຍ Algerian ສ້າງສິ່ງອໍານວຍຄວາມສະດວກໃຫ້ແກ່ພົນລະເມືອງຫວຽດນາມທີ່ພວມດຳລົງຊີວິດ ແລະ ເຮັດວຽກ ຢູ່ Algeria.
ທີ່ການໂອ້ລົມທາງໂທລະສັບ, ສອງຝ່າຍຢືນຢັນວ່າຍາມໃດກໍ່ຖືເປັນສຳຄັນການພົວພັນມິດຕະພາບທີ່ເປັນມູນເຊື້ອລະຫວ່າງຫວຽດນາມ ແລະ Algeria, ສະແດງຄວາມເຄົາລົບນັບຖືຕໍ່ຄວາມສາມັກຄີ, ການສະໜັບສະໜູນ ອັນລ້ຳຄ່າຂອງສອງປະເທດເຊິ່ງກັນ ແລະ ກັນໃນການຕໍ່ສູ້ເພື່ອປົດປ່ອຍຊາດໃນເມື່ອກ່ອນ ກໍ່ຄືໃນໄລຍະຂອງການເຊື່ອມໂຍງ ແລະ ການພັດທະນາໃນປະຈຸບັນ.
ທ່ານ ດັ້ງມີງຄອຍ ຮອງລັດຖະມົນຕີກະຊວງການຕ່າງປະເທດຫວຽດນາມ ຕີລາຄາສູງໝາກຜົນຂອງການຮ່ວມມືຫວຽດນາມ - Algeria ໃນໄລຍະມໍ່ໆມານີ້ ແລະ ສະໜີໃຫ້ສອງຝ່າຍສືບຕໍ່ຊຸກຍູ້ການພົວພັນສອງຝ່າຍຢ່າງຕັ້ງໜ້າ ໃນບັນດາຂົງເຂດການເມືອງ - ການທູດ, ການຄ້າ, ການລົງທຶນ, ແຮງງານ, ວັດທະນະທຳ - ການທ່ອງທ່ຽວ…
ທ່ານເລຂາທິການໃຫຍ່ Chakib Rachid Kaid ໄດ້ຊົມເຊີຍບັນດາຜົນງານໃນແງ່ດີຂອງຫວຽດນາມໃນການປ້ອງກັນ ແລະ ຄວບຄຸມການລະບາດຂອງ Covid-19, ແລະ ຊົມເຊີຍຫວຽດນາມທີ່ປະສົບຜົນສຳເລັດໃນຖານະເປັນປະທານອາຊຽນ 2020 ແລະ ກຳມະການບໍ່ປະຈຳການຂອງສະພາຄວາມໝັ້ນຄົງສະຫະປະຊາຊາດອາຍຸການ 2020 – 2021.
ກ່ຽວກັບການຮ່ວມມືຫວຽດນາມ - Algeria ໃນໄລຍະຈະມາເຖິງ, ທ່ານເລຂາທິການໃຫຍ່ Chakib Rachid Kaid ຫວັງວ່າສອງປະເທດສືບຕໍ່ແບ່ງປັນຂໍ້ມູນຂ່າວສານ, ເພີ່ມທະວີການຮ່ວມມືໃນຂອບສອງຝ່າຍ ແລະ ຫຼາຍຝ່າຍ, ເຫັນດີກັບຂໍ້ສະເໜີ ຂອງ ຫວຽດນາມ, ຫວັງວ່າສອງຝ່າຍຈະຊຸກຍູ້ການເຄື່ອນໄຫວແລກປ່ຽນຄະນະຜູ້ແທນໂດຍໄວ, ພິເສດແມ່ນຄະນະຜູ້ແທນຂັ້ນສູງພາຍຫຼັງສະພາບການລະບາດຖືກຄວບຄຸມ.
 | ສະຖານທູດຫວຽດນາມປະຈຳ ສະວິດເຊີແລນ ອອກແຈ້ງການດ່ວນກ່ຽວກັບການໜູນຊ່ວຍພົນລະເມືອງຫວຽດນາມ ທີ່ມີປາດຖະໜາ ຢາກກັບຄືນປະເທດ ຍສໝ - ຕາມນັກຂ່າວ ຂອງສຳນັກຂ່າວສານຫວຽດນາມປະຈຳ Geneva, ສະຖານທູດຫວຽດນາມປະຈຳ ສະວິດເຊີແລນ ໄດ້ອອກແຈ້ງການດ່ວນກ່ຽວກັບການໜູນຊ່ວຍພົນລະເມືອງຫວຽດນາມ ທີ່ມີປາດຖະໜາ ຢາກກັບຄືນປະເທດ. |
 | ພັນໂທຫວຽດນາມມອບຜ້າອັດປາກຫຼາຍຮ້ອຍອັນ ຢູ່ ອາຟຣິກາກາງ ຍສໝ - ຜູ້ນຳກໍາລັງຮັກສາສັນຕິພາບຂອງສະຫະປະຊາຊາດ ຢູ່ ສາທາລະນະລັດອາຟຣິກາກາງ (MINUSCA) ໄດ້ມອບໃບຍ້ອງຍໍພິເສດ ໃຫ້ແກ່ພັນໂທ ຫງວຽນຖີ້ລຽນ ຂອງຄະນະ ຫວຽດນາມ ເພື່ອການກະທໍາອັນອັນສູງສົ່ງຂອງລາວ: ຕັດຫຍິບຜ້າອັດປາກດ້ວຍຕົນເອງ ແລະ ມອບຜ້າອັດປາກໂດຍບໍ່ເສຍຄ່າໃຫ້ແກ່ ພະນັກງານທັງໝົດຂອງກອງບັນຊາການ MINUSCA ແລະ ປະຊາຊົນ ຈຳນວນໜຶ່ງ ຢູ່ ນະຄອນຫຼວງ Bangui. |
 | ເສດຖະກິດຫວຽດນາມຈະຟື້ນຕົວຄືນໃໝ່ໂດຍໄວພາຍຫຼັງສິ້ນສຸດໂລກລະບາດໂຄວິດ - 19 ຍສໝ - ລັດຖະບານ ຫວຽດນາມຄ່ອຍໆຜ່ອນຄາຍບັນດາມາດຕະການແຍກຫ່າງສັງຄົມໃນທົ່ວປະເທດ ເພື່ອແນໃສ່ເລີ່ມດຳເນີນບັນດາການເຄື່ອນໄຫວຜະລິດ, ດຳເນີນທຸລະກິດຂອງບັນດາຂະແໜງ, ຂົງເຂດເສດຖະກິດຄືນໃໝ່. |
ໄຊພອນ
