| ກະຊວງການຕ່າງປະເທດສະຫະລັດອາເມລິກາ: ຈີນຄວນຢຸດ “ການຂົ່ມຂູ່” ຢູ່ ທະເລຕາເວັນອອກ | |
| ອາເມລິກາ ສະແດງ ຄວາມລຳບາກໃຈຢ່າງເລິກເຊິ່ງ ເມື່ອ ປະເທດຈີນ ແຊກແຊງເຂົ້າໃນກິດຈະກຳ ນ້ຳມັນ ແລະ ນ້ຳມັນອາຍແກັສ ຂອງຫວຽດນາມ. |
ຕາມຂໍ້ມູນຈາກສຳນັກຂ່າວສານຫວຽດນາມ ປະຈຳ Washington, ທ່ານ Derek Grossman - ຜູ້ຊ່ຽວຊານຂັ້ນສູງຂອງສູນນະໂຍບາຍອາຊີປາຊີຟິກ ຂຶ້ນກັບກຸ່ມບໍລິສັດ RAND (ການຄົ້ນຄວ້າ ແລະ ການພັດທະນາ) ໄດ້ກ່າວວ່າ, ຄວາມຄິດເຫັນຂອງປະຊາຊົນໃນໄລຍະມໍ່ໆມານີ້ໂດຍທົ່ວໄປແມ່ນຮັບຮູ້ວ່າຈີນໄດ້ມີການກະທຳ "ຂົ່ມເຫັງ" ບັນດາປະເທດເພື່ອນບ້ານໃນການຂັດແຍ້ງ ຢູ່ ທະເລຕາເວັນອອກ, ລວມທັງປະເທດຫວຽດນາມ, ຟີລິບປິນ ແລະ ມາເລເຊຍ. ຕາມທ່ານ Derek Grossman, ການກະທຳ ຂອງ ຈີນ ສາມາດເຮັດໃຫ້ເກີດຂຶ້ນຄວາມບໍ່ສະຫງົບໃນພາກພື້ນ, ເພີ່ມຂຶ້ນຄວາມເຄັ່ງຕຶງ.
 |
| ກຳປັ່ນ Haiyang 8 ຂອງຈີນ ຢູ່ ທະເລຕາເວັນອອກ. (ພາບ: baothanhnien) |
ທ່ານ ດຣ. James Rogers, ຜູ້ອຳນວຍການໂຄງການ "Global Britain" ທີ່ຂຶ້ນກັບສະຖາບັນ Henry & Jackson (London, ອັງກິດ), ໄດ້ເນັ້ນໜັກເຖິງການປະກາດຂອງ ຈີນ ວ່າດ້ວຍອະທິປະໄຕຢ່າງເກືອບທັງໝົດ ໃນເຂດທະເລຕາເວັນອອກ ແມ່ນບໍ່ມີເຫດຜົນ ແລະ ລະເມີດກົດໝາຍສາກົນ, ໂດຍສະເພາະ ຈີນ ກໍ່ຍັງເປັນພາຄີຂອງສົນທິສັນຍາກົດ ໝາຍ ວ່າດ້ວຍທະເລປີ 1982 ຂອງສະຫະປະຊາຊາດ (UNCLOS). ເຫດການການຕຳເຮືອປະມົງຂອງຊາວຫວຽດນາມ ຂອງ ຈີນ ຢູ່ ເຂດໝູ່ເກາະ ຮ່ວາມຊາ ແມ່ນເປັນໄພອັນຕະລາຍຫລາຍ ແລະ “ບໍ່ສາມາດຍອມຮັບໄດ້”.
 |
| ກຳປັ່ນຕໍາຫຼວດທະເລ ຂອງ ຈີນ ຢູ່ ທະເລຕາເວັນອອກ. (ພາບ: AP) |
ກ່ອນນັ້ນ, ຕໍ່ໜ້າເລື່ອງ ລັດຖະບານຈີນ ໄດ້ປະກາດການສ້າງຕັ້ງອັນທີ່ເອີ້ນວ່າ“ເມືອງຊີຊາ” ແລະ “ເມືອງ ໜານຊາ”, ທ່ານນາງ ເລທິທູຮັ່ງ ໂຄສົກກະຊວງການຕ່າງປະເທດຫວຽດນາມ ຊີແຈ້ງວ່າ: ຫວຽດນາມໄດ້ຢັ້ງຢືນຢ່າງແຮງເປັນຫຼາຍເທື່ອແລ້ວວ່າ ຫວຽດນາມ ມີພະຍານຫຼັກຖານປະຫວັດສາດຢ່າງຄົບຖ້ວນ ເພື່ອຢັ້ງຢືນ ອະທິປະໄຕຂອງ ຫວຽດນາມ ທີ່ມີ ຕໍ່ 2 ໝູ່ເກາະເຈືອງຊາ, ຮ່ວາງຊາເຊິ່ງສອດຄອງກັບກົດໝາຍສາກົນ. ຫຼັກໝັ້ນສະເໝີຕົ້ນສະເໝີປາຍຂອງຫວຽດນາມ ແມ່ນປະຕິເສດຢ່າງແຮງ ການສ້າງຕັ້ງອັນທີ່ເອີ້ນວ່າ “ເມືອງຊີຊາ” ແລະ “ເມືອງ ໜານຊາ” ແລະ ບັນດາການກະທຳທີ່ກ່ຽວຂ້ອງຍ້ອນໄດ້ລະເມີດອະທິປະໄຕຂອງຫວຽດນາມ, ບໍ່ມີຄຸນຄ່າ ແລະ ບໍ່ໄດ້ຮັບຮູ້, ບໍ່ມີຜົນປະໂຫຍດຕໍ່ການພົວພັນມິດຕະພາບລະຫວ່າງບັນດາປະເທດ ແລະ ກໍ່ຄວາມສັບສົນຂຶ້ນຕື່ມຢູ່ເຂດທະເລຕາເວັນອອກ, ພາກພື້ນ ແລະ ໂລກ. ຫວຽດນາມຮຽກຮ້ອງຈີນ ຈົ່ງເຄົາລົບອະທິປະໄຕຂອງຫວຽດນາມ, ຈົ່ງລົບລ້າງບັນດາຂໍ້ຕົກລົງທີ່ຜິດພາດກ່ຽວຂ້ອງເຖິງການກະທຳດັ່ງກ່າວ ແລະ ບໍ່ມີການກະທຳທີ່ຄ້າຍຄືກັນໃນອະນາຄົດ.
 | ນາຍພົນທະຫານ ຫວຽດນາມ ໄດ້ກ່າວປະນາມການກະທຳ ຂອງຈີນ ຢູ່ ທະເລຕາເວັນອອກ ຍສໝ - ທ່ານພົນຕີ ຄວັດຢີວຕຽນ, ທ່ານພົນຕີ ຫງວຽນກວກເທືອກ ໄດ້ກ່າວປະນາມການກະທຳຂອງຈີນ ທີ່ເຮັດໃຫ້ສະພາບການເພີ່ມຄວາມສັບສົນ ຢູ່ ທະເລຕາເວັນອອກ ແລະ ພາກພື້ນ ໃນໄລຍະມໍ່ໆມານີ້. |
 | ຫວຽດນາມປະຕິເສດທັດສະນະທີ່ຜິດພາດຂອງຈີນຕໍ່ບັນຫາທະເລຕາເວັນອອກ ຍສໝ - ຫວຽດນາມຢັ້ງຢືນເປັນຫລາຍເທື່ອແລ້ວ:ຫວຽດນາມມີພະຍານຫລັກຖານປະຫວັດສາດແລະນິຕິກຳຢ່າງ ຄົບຖ້ວນເພື່ອຢັ້ງຢືນອະທິປະໄຕສຳລັບໝູ່ເກາະຮ່ວາງຊາແລະເຈື່ອງຊາ. |
 | ອາເມລິກາ ສະແດງ ຄວາມລຳບາກໃຈຢ່າງເລິກເຊິ່ງ ເມື່ອ ປະເທດຈີນ ແຊກແຊງເຂົ້າໃນກິດຈະກຳ ນ້ຳມັນ ແລະ ນ້ຳມັນອາຍແກັສ ຂອງຫວຽດນາມ. ຍສໝ - ສຳນັກຂ່າວ Reuters ລາຍງານວ່າ ວັນທີ 23 ສິງຫາ, ສະຫະລັດອາເມລິກາ ໄດ້ສະແດງຄວາມລຳບາກໃຈຢ່າງເລິກເຊິ່ງ ຕໍ່ການແຊກແຊງຂອງຈີນໃນກິດຈະກຳ ນ້ຳມັນອາຍແກັສ ໃນເຂດທະເລຂອງຫວຽດນາມ. ສິ່ງດັ່ງກ່າວເຮັດໃຫ້ປະຊາຄົມສາກົນຕັ້ງຄຳຖາມຢ່າງຈິງຈັງ ຕໍ່ຄຳໝັ້ນສັນຍາຂອງ ປັກກິ່ງ ໃນການແກ້ໄຂການຂັດແຍ້ງທາງທະເລໂດຍ ມາດຕະການສັນຕິພາບ. |
ຄຳຮຸ່ງ
