ວົງການນັກຊ່ຽວຊານ ແລະ ສື່ມວນຊົນສາກົນຕີລາຄາສູງຮູບແບບຕ້ານໂລກລະບາດເພື່ອບໍ່ໃຫ້ຜູ້ໃດຕົກ ຢູ່ ທາງຫຼັງຂອງຫວຽດນາມ
	ສື່ມວນຊົນສາກົນ ຕີລາຄາສູງ ຕໍ່ບັນດາການປະກອບສ່ວນຢ່າງຕັ້ງໜ້າຂອງຫວຽດນາມ ໃນການຕໍ່ສູ້ປ້ອງກັນ, ສະກັດກັ້ນໂລກລະບາດ ໂຄວິດ-19

ພາບປະກອບ

ໜັງສືພິມ Nikkei Asian Review ໄດ້ຕີລາຄາວ່າ ບັນດາມາດຕະການຂອງ ຫວຽດນາມ ໃນການສະກັດກັ້ນໂຄວິດ-19 ແມ່ນເພື່ອຜົນປະໂຫຍດຂອງທົ່ວວົງຄະນະຍາດ. ໜັງສືພິມ East Asia Forum ໃຫ້ຂໍ້ສັງເກດວ່າ ພາຍຫລັງສິ່ງທ້າທາຍອັນຮ້າຍແຮງນີ້, ສຽງເວົ້າຂອງ ຫວຽດນາມ ຍິ່ງສຳຄັນກ່ວາ ແລະ ເຕັມໄປດ້ວຍລັກສະນະຊວນເຊື່ອ, ບໍ່ພຽງແຕ່ຢູ່ເວທີປາໄສພາກພື້ນເທົ່ານັ້ນ ຫາກຍັງຢູ່ບົນເວທີສາກົນອີກດ້ວຍ.

Bloomberg ໄດ້ໃຫ້ຂ່າວວ່າ ຫວຽດນາມ ໄດ້ມອບຜ້າອັດປາກ-ດັງ 250.000 ອັນໃຫ້ ອາເມລິກາ, ມອບສົ່ງຜ້າອັດປາກ-ດັງ ແລະ ອຸປະກອນການແພດທີ່ມີມູນຄ່າ 100.000 USD ໃຫ້ ຍີ່ປຸ່ນ ແລະ ກ່ອນໜ້ານັ້ນ ຫວຽດນາມ ກໍ່ໄດ້ມອບໃຫ້ບັນດາປະເທດບ້ານໃກ້ເຮືອນຄຽງຄື ກຳປູເຈຍ, ລາວ ແລະ ບັນດາປະເທດ ເອີຣົບ.

ປັດຈຸບັນ ຫວຽດນາມມີສະຖານທີ່ວິໄຈ 111 ແຫ່ງມີຄວາມສາມາດດ້ານເຕັກນິກຢ່າງພຽງພໍໃນການວິໄຈຫາເຊື້ອ Covid – 19. ສະຫຼຸບກອງປະຊຸມ, ທ່ານ ຫວູດຶກດາມ ຮອງນາຍົກລັດຖະມົນຕີ, ຫົວໜ້າຄະນະຊີ້ນຳແຫ່ງຊາດ ກ່ຽວກັບການປ້ອງກັນ, ສະກັດກັ້ນໂລກລະບາດ Covid – 19 ໄດ້ຮຽກຮ້ອງໃຫ້ບັນດາກະຊວງ, ຂະແໜງການທີ່ກ່ຽວຂ້ອງສຳຫຼວດກວດກາ, ເພີ່ມເຕີມແນະນຳມາດຕະການເພື່ອຮັບປະກັນຄວາມປອດໄພໃນການປ້ອງກັນ, ສະກັດກັ້ນໂລກລະຍາດຢູ່ໂຮງຮຽນເມື່ອ ນັກຮຽນໄປຮຽນໃນໄລຍະຈະມາເຖິງ.

	ສະມາຄົມມິດຕະພາບຫວຽດນາມ - ອິນເດຍ ໄດ້ມອບຜ້າອັດປາກ 100.000 ອັນ ໃຫ້ແກ່ປະຊາຊົນໃນປະເທດອິນເດຍ
	ຫວຽດນາມ: ປະ​ຊາ​ຊົນ​​ກ່າ​ເມົາ ​ຄັ​ດ​ຄ້ານ ຈີນ​ສ້າງ​ຕັ້ງອັນທີ່ໄດ້ເອີ້ນວ່າ “ເມືອງຊີ​ຊາ” ແລະ “ເມືອງ ໜານ​ຊາ”
	ນັກ​ຊ່ຽວ​ຊານ​ອົດ​ສະ​ຕາ​ລີ: ການກະທຳຂອງ ຈີນແມ່ນການກະທຳເກາະຜິດ