ສະຖານທູດຫວຽດນາມ ປະຈຳ ການາດາເຕືອນປະຊາຊົນໃຫ້ລະວັງສໍາລັບການບິນທີ່ບໍ່ໄດ້ຮັບອະນຸຍາດຈາກລັດຖະບານ
	ອາ​ຊຽນ​ໃຫ້​ຄຳ​ໝັ້ນ​ສັນ​ຍາ​ຮັບ​ປະ​ກັນຄວາມ​ໝັ້ນ​ຄົງດ້ານ​ສະ​ບຽງ​ອ​າ​ຫານ​ໃນໄລ​ຍະ​ເກ​ີດ​ໂລກ​ລະ​ບາດ Covid – 19

ທີ່ກອງປະຊຸມ, ອົງການສະຫະປະຊາຊາດ ໄດ້ປະເມີນສະຖານະການໃນເຢເມນ ເຊິ່ງເປັນສະພາບການຫຍຸ້ງຍາກ ຍ້ອນການສູ້ຮົບກັນຍັງເກີດຂຶ້ນຕໍ່ໃນປະເທດນີ້, ແລະ ຄວາມສ່ຽງຂອງການລະບາດຂອງ ພະຍາດ Covid-19 ຈະກາຍເປັນສິ່ງທີ່ບໍ່ສາມາດ ຄວບຄຸມໄດ້ ຫຼັງຈາກການກວດພົບກໍລະນີທຳອິດຖືກກວດພົບ ຕິດເຊື້ອພະຍາດ Covid-19 ໃນປະເທດເຢເມນ.

ເດັກນ້ອຍເຢເມນ ຢູ່ໃນຕູບນ້ອຍພັກເຊົາຊົ່ວຄາວ ທີ່ແຂວງ Hajjah, ເຢເມນ, ໃນວັນທີ 7 ເມສາ 2020. (ພາບ: TTXVN)

ໃນຂະນະນັ້ນ, ລະບົບສາທາລະນະສຸກຂອງເຢແມນ ຍັງຂາດເຂີນຢ່າງຮ້າຍແຮງ, ເສດຖະກິດມະຫາພາກ ບໍ່ສະຖຽນລະພາບ ຍ້ອນຜົນກະທົບຈາກຫລາຍປັດໃຈເຊັ່ນ: ສົງຄາມ, ການຄ້າຫຼຸດລົງ, ການຫຼຸດສະກຸນເງິນຕາໃນປະເທດ, ແລະ ການຫຼຸດລົງຂອງລາຄານ້ຳມັນໃນໂລກ.

ບັນດາບັນຫາມະນຸດສະທຳ, ລວມທັງການປົກປ້ອງພົນລະເມືອງ, ການເຄື່ອນໄຫວກິດຈະກຳມະນຸດສະທຳ ແລະ ການເຂົ້າເຖິງແຫຼ່ງທຶນການເງິນ ແມ່ນມີຄວາມຫຍຸ້ງຍາກຫລາຍຢ່າງ.

ທີ່ກອງປະຊຸມ, ທ່ານ ດັ້ງດິງກວຍ, ເອກອັກຄະລັດຖະທູດ ແລະ ຫົວໜ້າຄະນະຜູ້ແທນຫວຽດນາມ ປະຈຳສະຫະປະຊາຊາດ, ໄດ້ກ່າວວ່າ: ຫວຽດນາມ ສືບຕໍ່ສະແດງຄວາມລຳບາກໃຈ ຕໍ່ບັນດາບັນຫາ ທີ່ມີຄວາມກົດດັນໃນໄລຍະເວລາເມື່ອບໍ່ດົນມານີ້ ແລະ ສະພາບການມະນຸດສະທຳ ຢູ່ປະເທດເຢແມນ. ຫວຽດນາມ ໄດ້ສະໜັບສະໜູນການຮຽກຮ້ອງ ຂອງເລຂາທິການໃຫຍ່ອົງການສະຫະປະຊາຊາດ ກ່ຽວກັບການຈັດຕັ້ງປະຕິບັດຄຳສັ່ງຢຸດຍິງ ໃນເຂດຂໍ້ຂັດແຍ່ງ, ໃນສະພາບການທີ່ທົ່ວໂລກກຳລັງຕ້ອງການສຸມໃສ່ເພື່ອປ້ອງກັນ, ສະກັດກັ້ນການລະບາດຂອງພະຍາດ Covid-19.

ທ່ານ ເອກອັກຄະລັດຖະທູດ ກໍ່ເນັັ້ນໜັກວ່າ ຕ້ອງການສຸມໃສ່ວຽກງານປົກປ້ອງປະຊາຊົນ, ໂດຍສະເພາະແມ່ນແມ່ຍິງ ແລະ ເດັກນ້ອຍ, ຮຽກຮ້ອງໃຫ້ບັນດາຝ່າຍຈົ່ງສືບຕໍ່ໂອ້ລົມສົນທະນານຳກັນ ແລະ ມຸ່ງໄປເຖິງວິທີການແກ້ໄຂທາງການເມືອງຮອບດ້ານ ກັບບົດບາດເປັນໃຈກາງຂອງສະຫະປະຊາຊາດ.

ຫວຽດນາມ - ກູບາ ເພີ່ມທະວີການຮ່ວມມື, ໜູນຊ່ວຍເຊິ່ງກັນ ແລະ ກັນ ໃນການປ້ອງກັນການລະບາດພະຍາດ Covid-19 ຍສໝ - ໃນຕອນບ່າຍຂອງວັນທີ 17 ເມສາ, ຢູ່ສຳນັກງານລັດຖະບານ, ທ່ານ ຫງວຽນຊວນຟຸກ, ນາຍົກລັດຖະມົນຕີຫວຽດນາມ ໄດ້ຕ້ອນຮັບ ທ່ານນາງ Lianys Torres Rivera, ເອກອັກຄະລັດຖະທູດກູບາປະຈຳ ຫວຽດນາມ.

ຫວຽດນາມ ພ້ອມແລ້ວທີ່ຈະສະໜອງບັນດາເຄື່ອງອຸປະກອນການແພດ ທີ່ຜະລິດຢູ່ປະເທດຫວຽດນາມ, ເພື່ອຮ່ວມມືກັບທົ່ວໂລກ ໃນການປ້ອງກັນການລະບາດພະຍາດ COVID-19 ຍສໝ - ທ່ານ ຟ້າມບິ່ງມິງ, ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດຫວຽດນາມ ໄດ້ຢືນຢັນວ່າ, ໃນຄວາມສາມາດຂອງຕົນ, ຫວຽດນາມ ຈະປະກອບສ່ວນເຂົ້າໃນຄວາມພະຍາຍາມ ແລະ ພ້ອມແລ້ວທີ່ຈະສະໜອງບັນດາເຄື່ອງອຸປະກອນການແພດ ທີ່ຜະລິດຢູ່ປະເທດຫວຽດນາມ, ເພື່ອຮ່ວມມືກັບທົ່ວໂລກ ໃນການປ້ອງກັນການລະບາດພະຍາດ COVID-19.

ຫວຽດນາມ ນັບມື້ນັບໄດ້ຮັບຄວາມຊົມເຊີຍຈາກສາກົນ ຍສໝ - ບໍ່ພຽງແຕ່ຮັບມືກັບ ໂລກລະບາດ COVID-19 ຢ່າງມີປະສິດທິຜົນ, ເຖິງວ່າຊັບພະຍາກອນມີ ຈຳກັດ, ແຕ່ຫວຽດນາມໄດ້ສະແດງຄວາມເອື້ອເຟື້ອເພື່ອແຜ່ຕໍ່ປະຊາຄົມໂລກ. ຍ້ອນເຫດນັ້ນ, ຫວຽດນາມນັບມື້ນັບໄດ້ຮັບຄວາມຊົມເຊີຍຈາກສາກົນ ແລະ ໄດ້ຮັບຄວາມໄວ້ເນື້ອເຊື່ອໃຈຈາກບັນດາການ ນຳໂລກ.