| ນັກຊ່ຽວຊານລັດເຊຍ ຕີລາຄາສູງ ຫວຽດນາມ ໃນບັນຫາທະເລຕາເວັນອອກ | |
| ສະມາຊິກສະພາສູງສະຫະລັດອາເມລິກາກ່າວປະນາມການກະທຳຂອງຈີນໃນເຫດຕຳເຮືອຫາປາຫວຽດນາມ ຈົມນ້ຳ ຢູ່ ທະເລຕາເວັນອອກ |
 |
| ທ່ານນາງ ເລທິທູຮັ່ງ, ໂຄສົກກະຊວງການຕ່າງປະເທດ ຫວຽດນາມ.(ພາບ:baoquocte.vn) |
ເມື່ອບໍ່ດົນມານີ້, ໂດຍຕອບຄຳຖາມຕໍ່ນັກຂ່າວກ່ຽວກັບເລື່ອງມີ ກ່ຳປັ່ນຝູງໜຶ່ງຂອງຈີນ ພວມເດີນທະເລເຂົ້າເຂດເສດຖະກິດພິເສດຂອງຫວຽດນາມ, ທ່ານນາງ ເລທິທູຮັ່ງ, ໂຄສົກກະຊວງການຕ່າງປະເທດຫວຽດນາມ, ໃຫ້ຮູ້ວ່າ. “ບັນດາອົງການທີ່ມີໜ້າທີ່ຂອງຫວຽດນາມ ໄດ້ຕິດຕາມບັນດາການຜັນແປຢູ່ທະເລຕາເວັນອອກຢ່າງໃກ້ຊິດ.
ຫວຽດນາມ ສະເໜີໃຫ້ບັນດາປະເທດຈົ່ງເຄົາລົບບັນດາຂໍ້ກຳນົດທີ່ກ່ຽວຂ້ອງເຖິງສົນທິສັນຍາຂອງສະຫະປະຊາຊາດກ່ຽວກັບກົດໝາຍວ່າດ້ວຍທະເລ 1982, ກົດໝາຍສາກົນໃນບັນດາການເຄື່ອນໄຫວຂອງຕົນ ແລະ ປະກອບສ່ວນເສີມສ້າງສັນຕິພາບ, ສະຖຽນລະພາບ, ການຮ່ວມມືຢູ່ທະເລຕາເວັນອອກ”.
ກ່ອນໜ້ານັ້ນ, ວັນທີ 03 ເມສາ, ເມື່ອຕອບຄຳຖາມຂອງນັກຂ່າວກ່ຽວກັບຂໍ້ມູນຂ່າວທີ່ວ່າເຮືອຫາປາໝາຍເລກ QNg 90617 TS ພ້ອມກັບຊາວປະມົງຫວຽດນາມ 8 ຄົນຖືກອຸບັດຕິເຫດຢູ່ເຂດເກາະຟູ໊ເລິມ, ໝູ່ເກາະຮ່ວາງຊາຂອງຫວຽດນາມ, ທ່ານນາງເລທິທູຮັ່ງ, ໂຄສົກກະຊວງການຕ່າງປະເທດຫວຽດນາມໃຫ້ຮູ້ວ່າ: ເຮືອຫາປາໝາຍເລກ QNg 90617 TS ແລະຊາວປະມົງຫວຽດນາມພວມເຄື່ອນໄຫວເປັນປົກກະຕິຢູ່ເຂດທະເລຂຶ້ນກັບໝູ່ເກາະຮ່ວາງຊາຂອງຫວຽດນາມ ຖືກກ່ຳປັ່ນຕຳຫຼວດທະເລຈີນກີດຂວາງແລະຕຳໃສ່ໃຫ້ຈົມນ້ຳ.
ຄືດັ່ງການຢືນຢັນເປັນຫຼາຍຄັ້ງແລ້ວວ່າ, ຫວຽດນາມມີພະຍານຫຼັກຖານດ້ານປະຫວັດສາດແລະນິຕິກຳຢ່າງພຽງພໍເພື່ອຢັ້ງຢືນອະທິປະໄຕຂອງຫວຽດນາມສຳລັບ 2 ໝູ່ເກາະຮ່ວາງຊາແລະເຈື່ອງຊາແມ່ນເໝາະສົມກັບກົດໝາຍສາກົນ.ການກະທຳຂອງກ່ຳປັ່ນຕຳຫຼວດທະເລຈີນໄດ້ລ່ວງລະເມີດອະທິປະໄຕຂອງຫວຽດນາມສຳລັບໝູ່ເກາະຮ່ວາງຊາ, ກໍ່ຄວາມເສຍຫາຍທາງດ້ານຊັບສິນ, ນາບຂູ່ເຖິງຊີວິດອິນຊີແລະຜົນປະໂຫຍດອັນຊອບທຳຂອງຊາວປະມົງຫວຽດນາມ, ໄປຝືນກັບຄວາມຮັບຮູ້ລວມຂອງການນຳຂັ້ນສູງ 2 ປະເທດກ່ຽວກັບບັນດາການປະພຶດມະນຸດສະທຳສຳລັບຊາວປະມົງແລະຂໍ້ຕົກລົງວ່າດ້ວຍບັນດາຫຼັກການພື້ນຖານຊີ້ນຳການແກ້ໄຂບັນດາບັນຫາຢູ່ທະເລຫວຽດນາມ - ຈີນ.
 | ສະຫະລັດອາເມລິກາ ມີຄວາມກັງວົນກ່ຽວກັບເຫດການກໍາປັ່ນ ຈີນ ຕໍ່າກຳປັ່ນຫາປາຂອງຫວຽດນາມໃນທະເລຕາເວັນອອກ ຍສໝ - ສະຫະລັດອາເມລິກາ ໄດ້ສະແດງຄວາມວິຕົກກັງວົນຕໍ່ເລື່ອງກຳປັ່ນ ຈີນ ຕໍ່າກຳປັ່ນຫາປາຂອງຫວຽດນາມໃນທະເລຕາເວັນອອກ ແລະ ຮຽກຮ້ອງໃຫ້ ຈີນ ຕ້ອງສຸມໃສ່ຄວາມພະຍາຍາມໃນການຕ້ານໂລກລະບາດ Covid-19. |
 | ຫວຽດນາມ ຄັດຄ້ານຢ່າງແຮງອັນທີ່ໄດ້ເອີ້ນວ່າ “ທາງ 9 ຕອນ” ຂອງຈີນ ຢູ່ທະເລຕາເວັນອອກ ວັນທີ 20 ມີນາ, ຕອບສໍາພາດຂອງນັກຂ່າວທີ່ສະເໜີໃຫ້ຮູ້ປະຕິກິລິຍາຂອງຫວຽດນາມ ຕໍ່ເລື່ອງບາງສື່ສັງຄົມອອນໄລທີ່ລົງທະບຽນຊື່ອົງການຜູ້ຕາງໜ້າຈີນ ປະຈໍາ ຕ່າງປະເທດໄດ້ລົງຮູບແຜນທີ່ປະເທດຈີນ ທີ່ມີຮູບພາບ “ທາງ 9 ຕອນ”. |
 | ກອງປະຊຸມສຳມະນາ “ຫວຽດນາມກ່ຽວກັບອະທິປະໄຕຢູ່ທະເລຕາເວັນອອກ” ຢູ່ ຝລັ່ງ ຍສໝ - ຄວາມໂດດເດ່ັນໃນຂອບເຂດອາທິດວັດທະນະທຳ ຫວຽດນາມ ຢູ່ Saint-Brieuc, ຝະລັ່ງ ແມ່ນກອງປະຊຸມກ່ຽວກັບສະພາບການຢູ່ທະເລຕາເວັນອອກ ໄດ້ຈັດໂດຍສະມາຄົມ Côtes-d’Armor ຫວຽດນາມ. |
ໄຊພອນ
