ອັດຕະປື ນັກສຶກສາ ທີ່ກັບມາຈາກ ສສ ຫວຽດນາມ ໄດ້ຮັບອະນຸຍາດກັບບ້ານແລ້ວ

	ບໍລິສັດ ຫວຽດນາມ ມອບເຄື່ອງຊ່ວຍເຫຼືອ ໃຫ້ຄະນະສະເພາະກິດ ອັດຕະປື
	ຫວຽດນາມ ປົກປ້ອງພົນລະເມືອງ ແລະ ນັກສຶກສາ ຫວຽດນາມ ຢູ່ ອາເມລິກາ

ອັດຕະປື ນັກສຶກສາ ທີ່ກັບມາຈາກ ສສ ຫວຽດນາມ ໄດ້ຮັບອະນຸຍາດກັບບ້ານແລ້ວ

ພິທີຈັດສົ່ງນັກສຶກສາດັ່ງກ່າວ ໄດ້ມີຂຶ້ນໃນວັນທີ 11 - 12 ເມສາຜ່ານມາ, ຢູ່ສູນກັກກັ້ນໂຮງຮຽນປະຖົມເຊກອງ, ກອງເລຂາຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການລະບາດພະຍາດໂຄວິດ-19 ໄດ້ອະນຸຍາດໃຫ້ນັກສຶກສາລາວ ທີ່ກັບມາຈາກ ສ.ສ ຫວຽດນາມ ຊຸດທີ I ຈຳນວນ 51 ຄົນ, ຍິງ 28 ຄົນ, ຊຸດທີ II ຈຳນວນ 29 ຄົນ, ຍິງ 18 ຄົນ, ລວມ 80 ຄົນ, ຍິງ 46ຄົນ ສາມາດກັບບ້ານໄດ້ ພາຍຫຼັງຜ່ານການຕິດຕາມສຸຂະພາບ ແລະ ຈຳກັດບໍລິເວນຄົບພາຍໃນ 14 ວັນ. ນັກສຶກສາດັ່ງກ່າວ ແມ່ນໄດ້ເລີ່ມເຂົ້າຕິດຕາມສຸຂະພາບ ແຕ່ວັນທີ 28 - 29 ມີນາ 2020 ແລະ ສໍາເລັດການຕິດຕາມອາການ ໃນວັນທີ -11-12 ເມສາຜ່ານມາ. ຜ່ານການຕິດຕາມສຸຂະພາບພາຍໃນ 14 ວັນເຫັນວ່າ: ພວກກ່ຽວແມ່ນບໍ່ມີອາການສະແດງໃດໆ ເຂົ້າກັບນິຍາມຂອງພະຍາດ ໂຄວິດ-19.

ດັ່ງນັ້ນ, ທາງພາກສ່ວນທີ່ກ່ຽວຂ້ອງຈຶ່ງໄດ້ອອກໃບຢັ້ງຢືນ ການຕິດຕາມຈຳກັດບໍລິເວນພາຍໃນ 14 ວັນ ໃຫ້ນ້ອງນັກສຶກສາທັງສອງຊຸດ ຊຶ່ງໃຫ້ກຽດມອບ ໂດຍ ທ່ານ ອິນປັນ ອິນທິລາດ ຫົວໜ້າກອງເລຂາຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂການລະບາດພະຍາດ ໂຄວິດ-19. ນອກນັ້ນ, ທ່ານ ຍັງໄດ້ໂອລົມກັບນ້ອງນັກສຶກສາຕື່ມວ່າ: ພາຍຫຼັງທີ່ໄດ້ຮັບອະນຸຍາດໃຫ້ກັບບ້ານແລ້ວ ໃຫ້ນ້ອງນັກສຶກສາໄປສືບຕໍ່ກັກກັ້ນ ແລະ ຕິດຕາມສຸຂະພາບຂອງຕົນເອງ ຢູ່ນຳຄອບຄົວ ໃນໄລຍະ 7-14 ວັນ ຕື່ມອີກ ໂດຍປະຕິບັດຕາມຫຼັກການດຽວກັນກັບຄຳແນະນຳທີ່ໄດ້ປະຕິບັດຢູ່ຈຸດກັກກັ້ນລວມສູນ. ມາເຖິງປັດຈຸບັນ ແມ່ນຍັງອີກ 3 ຄົນ ທີ່ຍັງຕ້ອງລໍຖ້າໃຫ້ຄົບກຳນົດກັກໂຕ 14 ວັນກ່ອນ ແລ້ວທາງພາກສ່ວນທີ່ກ່ຽວຂ້ອງຈຶ່ງຈະອະນຸຍາດໃຫ້ກັບບ້ານໄດ້.

ບໍລິສັດ ຫວຽດນາມ ມອບເຄື່ອງຊ່ວຍເຫຼືອ ໃຫ້ຄະນະສະເພາະກິດ ອັດຕະປື ເພື່ອສະໜອງການຊ່ວຍເຫຼືອ ປະຊາຊົນ ຜູ້ທຸກ​ຍາກດ້ອຍໂອກາດ ຢູ່​ເຂດຫ່າງໄກສອກຫລີກ ຂອງແຂວງອັດຕະປື ໂດຍສະເພາະໃນໄລຍະການ​ລະບາດ ຂອງ​ພະ​ຍາດ COVID-19 ນີ້ ໃນວັນທີ 10 ເມສາ ຜ່ານມາ ບໍລິສັດ ນ້ຳຕານອ້ອຍ TTC ຫວຽດນາມ ໄດ້ມອບເຄື່ອງຊ່ວຍເຫຼືອໃຫ້ກອງເລຂາຄະນະສະເພາະກິດ ປ້ອງກັນ ແລະ ຄວບຄຸມ ພະ​ຍາດ COVID-19 ປະກອບມີເຂົ້າສານໜຽວ 1,5 ...

ຫວຽດນາມ ປົກປ້ອງພົນລະເມືອງ ແລະ ນັກສຶກສາ ຫວຽດນາມ ຢູ່ ອາເມລິກາ ຍສໝ - ເມື່ອບໍ່ດົນມານີ້, ທ່ານເອກອັກຄະລັດຖະທູດ ຫວຽດນາມ ປະຈຳ ອາເມລິກາ ຮ່າກິມງອັກ ໄດ້ເຂົ້າຮ່ວມລາຍການສົນທະນາທາງອອນລາຍລະຫວ່າງບັນດາອົງການຕາງໜ້າ ຫວຽດນາມ ປະຈຳ ອາເມລິກາ ກັບສະມາຄົມຊາວໜຸ່ມ, ນັກສຶກສາ ຫວຽດນາມ ປະຈຳ ອາເມລິກາ ກ່ຽວກັບສະພາບການໂລກລະບາດໂຄວິດ-19 ແລະ ບັນດາມາດຕະການໜູນຊ່ວຍພົນລະເມືອງ ແລະ ນັກສຶກສາ ຫວຽດນາມ ຢູ່ ອາເມລິກາ.

ຊາວຫນຸ່ມ ນັກສຶກສາ ຫວຽດນາມ ອາໄສຢູ່ຕ່າງປະເທດ ກັບຄືນເມືອຢ້ຽມຢາມບ້ານເກີດເມືອງນອນຂອງລຸງໂຮ່ ຍສໝ - ໃນຕອນເຊົ້າຂອງວັນທີ 14 ກໍລະກົດ 2019, ຄະນະຜູ້ແທນຊາວໜຸ່ມ ນັກສຶກສາ ຫວຽດນາມທີ່ອາໄສຢູ່ຕ່າງປະເທດໄດ້ກັບຄືນເມືອຢ້ຽມຢາມບ້ານເກີດເມືອງນອນຂອງລຸງໂຮ່.