ນັບເປັນການຢ້ຽມຢາມອີຣັກຢ່າງເປັນທາງການເປັນຄັ້ງທຳອິດຂອງ ທ່ານໂຣຮານີ ຕັ້ງແຕ່ເຂົ້າຮັບຕຳແຫນ່ງປະທານາທິບໍດີອີຣ່ານໃນປີ 2013.
 |
ປະທານາທິບໍດີ ຮັດຊັນ ໂຣຮານີ ຜູ້ນຳລັດຖະບານອີຣ່ານ ແລະ ປະທາທນທິບໍດີ ອີຣັກ.
ອີຣັກກຳລັງຕົກຢູ່ພາຍໃຕ້ແຮງກົດດັນຈາກອາເມຣິກາໃຫ້ຈຳກັດຄວາມສຳພັນກັບອີຣ່ານ ໂດຍສະເພາະຫຼັງຈາກອາເມຣິກາຖອນໂຕອອກຈາກຂໍ້ຕົກລົງນິວເຄຼຍລະຫວ່າງອີຣ່ານກັບ 6 ປະເທດມະຫາອຳນາດໂລກລວມເຖິງອາເມຣິກາ ແລະປະກາດຂວ້ຳບາດອີຣ່ານຄັ້ງໃຫ່ມເມື່ອປີທີ່ຜ່ານມາ.
 |
ປະທານາທິບໍດີ ຮັດຊັນ ໂຣຮານີ ຜູ້ນຳລັດຖະບານອີຣ່ານ ແລະ ປະທາທນທິບໍດີ ອີຣັກ.
ອີຣັກໄດ້ຮັບການຜ່ອນຜັນໃນວົງຈຳກັດໃຫ້ຊື້ກະແສໄຟຟ້າ ແລະກ໊າສທຳມະຊາດຈາກອີຣ່ານເພື່ອນບ້ານໄດ້ຕໍ່ໄປ ໂດຍວໍຊິງຕັນຮຽກຮ້ອງໃຫ້ອີຣັກເປັນຫຸ້ນສ່ວນທຸລະກິດກັບບໍລິສັດຕ່າງໆ ຂອງອາເມຣິກາ ເພື່ອເປັນອິດສະຫຼະທາງດ້ານພະລັງງານອີຣ່ານ ເປັນຜູ້ຈັດສົ່ງສິນຄ້າອຸປະໂພກໃຫ້ອີຣັກ ລາຍໃຫ່ຍເປັນອັນດັບ 2 ຮອງຈາກຕຸຣະກີ ສິນຄ້າທີ່ອີຣັກນຳເຂົ້າຈາກອີຣ່ານສ່ວນໃຫ່ຍເປັນລົດ ກ໊າສ ເຄື່ອງໃຊ້ໃນຄົວເຮືອນ ແລະຜັກ.
ອີຣ່ານມີຄວາມສຳພັນໃກ້ຊິດແຕ່ຊັບຊ້ອນກັບອີຣັກ ໃນຖານະທີ່ປະຊາກອນສ່ວນໃຫ່ຍຂອງທັງ 2 ປະເທດເປັນຊາວມຸສລິມນິກາຍຊີອະ ອີຣ່ານ ແລະອີຣັກເຄີຍເຮັດສົງຄາມສູ້ຮົບນອງເລືອດດົນກວ່າ 7 ປີ 10 ເດືອນ ລະຫວ່າງປີ 1979-1986 ເສຍຊີວິດທັງ 2 ຝ່າຍ ທັງທະຫານ ແລະພົນລະເຮືອນຫລາຍແສນຄົນ.
（ແຫຼ່ງຂໍ້ມູນ： ABC LAOS NEWS）
