 |
| ສະພາຄວາມໝັ້ນຄົງສະຫະປະຊາຊາດ ໄດ້ຮັບຮອງເອົາບັນດາມະຕິຕາມຮູບການປ່ອນບັດຜ່ານລາຍລັກອັກສອນ.(ພາບປະກອບ: zingnews.vn) |
ໃນວັນທີ 30 ມີນາ, ສະພາຄວາມໝັ້ນຄົງສະຫະປະຊາຊາດ ໄດ້ຮັບຮອງເອົາບັນດາມະຕິຕາມຮູບການປ່ອນບັດຜ່ານລາຍລັກອັກສອນ. ສຳລັບມະຕິເລກທີ 2518, ຫວຽດນາມໄດ້ສະເໜີເນື້ອໃນຮັບປະກັນຄວາມປອດໄພ ແລະ ຄວາມໝັ້ນຄົງໃຫ້ແກ່ກຳລັງເພດຍິງເຂົ້າຮ່ວມການຮັກສາສັນຕິພາບ ແລະ ເນື້ອໃນນີ້ໄດ້ຮັບການສະໜັບສະໜູນຈາກຫຼາຍປະເທດ.
ຄຽງຄູ່ກັນນັ້ນ, ຫວຽດນາມ ກໍ່ພ້ອມກັບບັນດາປະເທດເຂົ້າຮ່ວມການຊຸກຍູ້ ແລະ ກໍ່ສ້າງບັນດາເນື້ອໃນຄືກ່າວເຕືອນບັນດາຄວາມສ່ຽງມີຜົນສະທ້ອນເຖິງການເຄື່ອນໄຫວຂອງກຳລັງຮັກສາສັນຕິພາບ, ຮັບປະກັນແຫຼ່ງກຳລັງໃຫ້ແກ່ບັນດາຄະນະປະຕິບັດງານ, ເພີ່ມທະວີການບຳລຸງສ້າງ...
ເມື່ອບໍ່ດົນມານີ້, ສະພາຄວາມໝັ້ນຄົງສະຫະປະຊາຊາດ ໄດ້ດໍາເນີນກອງປະຊຸມອອນໄລເພື່ອປຶກສາຫາລືກ່ຽວກັບສະພາບການຢູ່ລີບີ ແລະການເຄື່ອນໄຫວຂອງຄະນະປະຕິບັດງານໜູນຊ່ວຍຂອງສະຫະປະຊາຊາດ ຢູ່ລີບີ (UNSMIL). ທ່ານ ດັ້ງດິ່ງກຸ໊ຍ ເອກອັກຄະລັດຖະທູດ, ຫົວໜ້າຄະນະຜູ້ຕາງໜ້າຫວຽດນາມ ປະຈຳ ສະຫະປະຊາຊາດ ເຂົ້າຮ່ວມກອງປະຊຸມ.
ທ່ານ ດັ້ງດິ່ງກຸ໊ຍ ເອກອັກຄະລັດຖະທູດ ຮຽກຮ້ອງໃຫ້ບັນດາຝ່າຍທີ່ກ່ຽວຂ້ອງຢູ່ລີບີ ຈົ່ງປະຕິບັດຕາມຄໍາສັ່ງຢຸດຍິງຊົ່ວຄາວ, ບັນລຸໄດ້ຂໍ້ຕົກລົງຢຸດຍິງຍາວນານກວ່າຢ່າງວ່ອງໄວ ແລະ ຮັບປະກັນການເຂົ້າເຖິງບັນດາແຫຼ່ງໜູນຊ່ວຍມະນຸດສະທໍາ. ທ່ານ ດັ້ງດິ່ງກຸ໊ຍ ຢັ້ງຢືນຄືນເຖິງການສະໜັບສະໜູນສໍາລັບມາດຕະການດ້ານການເມືອງໂດຍຊາວລີບີ ນໍາພາ ແລະເປັນເຈົ້າ, ພ້ອມທັງຮຽກຮ້ອງໃຫ້ສືບຕໍ່ຊຸກຍູ້ຊ່ອງທາງການເຈລະຈາດ້ານການເມືອງ, ເສດຖະກິດ ແລະ ການທະຫານໃຫ້ເໝາະສົມກັບມະຕິເລກທີ 2510 ຂອງສະພາຄວາມໝັ້ນຄົງສະຫະປະຊາຊາດ ກ່ຽວກັບການສະໜັບສະໜູນເອກະສານກອງປະຊຸມ Berlin ກ່ຽວກັບລີບີ ແລະຮຽກຮ້ອງໃຫ້ UNSMIL ພ້ອມກັບບັນດາອົງການຈັດຕັ້ງໃນພາກພື້ນພິຈາລະນາການໜູນຊ່ວຍບັນດາຝ່າຍທີ່ກ່ຽວຂ້ອງດໍາເນີນການເຈລະຈາທາງອອນໄລ.
 | ເລຂາທິການໃຫຍ່, ປະທານປະເທດຫວຽດນາມໄດ້ອອກຄໍາຮຽກຮ້ອງທົ່ວປວງຊົນທັງຊາດຫວຽດນາມ ຮ່ວມແຮງຮ່ວມໃຈ ເພື່ອເອົາຊະນະໂລກລະບາດໂຄວິດ - 19 ຍສໝ - ທົ່ວປວງຊົນທັງຊາດຫວຽດນາມ ຈົ່ງຮວ່່ມແຮງຮ່ວມໃຈ ຜ່ານຜ່າຄວາມຫຍຸ້ງຍາກ ແລະ ສິ່ງທ້າທາຍ ເພື່ອເອົາໄຊຊະນະໂລກລະບາດໂຄວິດ - 19. |
 | ຊາວໜຸ່ມກອມມູນິດໂຮ່ຈີມິນ ຕັ້ງໜ້າແບ່ງປັນປະສົບການ ແລະ ໜູນຊ່ວຍຊາວໜຸ່ມປະຊາຊົນປະຕິວັດລາວ ສາຍພົວພັນໄມຕິຈິດມິດຕະພາບແບບພິເສດ ແລະ ຫາຍາກລະຫວ່າງຫວຽດນາມ - ລາວ ພວມພັດທະນາຢ່າງດີງາມ, ການພົວພັນຂອງຄະນະຊາວໜຸ່ມສອງປະເທດກໍນັບມື້ນັບພັດທະນາຢ່າງໝັ້ນແກ່ນ. ໃນໄລຍະຜ່ານມາ, ຄະນະຊາວໜຸ່ມກອມມູນິດໂຮ່ຈີມິນ ໄດ້ຕັ້ງໜ້າແບ່ງປັນປະສົບການ ແລະ ໜູນຊ່ວຍຄະນະຊາວໜູ່ມປະຊາຊົນປະຕິວັດລາວໃນການພັດທະນາວຽກງານຊາວໜຸ່ມ, ທັກສະຈັດຕັ້ງຂະບວນການກິດຈະກຳຕ່າງໆ ແລະ ພັດທະນາການຈັດຕັ້ງຂອງຄະນະຊາວໜຸ່ມ. |
 | ບັນດາປະເທດໃຫ້ຄຳໝັ້ນສັນຍາລົງນາມ RCEP ໃນປີນີ້ ຍສໝ - ບັນດາຄູ່ຮ່ວມມືເຈລະຈາຂອງ ອາຊຽນຍັງຄົງໃຫ້ຄຳໝັ້ນສັນຍາວ່າຈະລົງນາມໃນ ສັນຍາຄູ່ຮ່ວມມືເສດຖະກິດຮອບດ້ານພາກພື້ນ (RCEP) ໃນທ້າຍປີນີ້ຕາມແຜນການ. |
ໄຊພອນ
