ວັນທີ 28 ກຸມພານີ້, ທີ່ນະຄອນຫຼວງ Washington DC , ປະທານສະຫະພັນແມ່ຍິງອາຊຽນ ທີ່ນະຄອນຫຼວງ Washington DC (AWC-DC), ພັນລະຍາຂອງທ່ານເອກອັກຄະລັດຖະທູດຫວຽດນາມປະຈຳສະຫະລັດອາເມລິກາ, ທ່ານນາງ ຫງວຽນເຟືອງລຽນ ເປັນປະທານກອງປະຊຸມສະຫຼຸບອາຍຸປະຈຳເປັນປະທານ AWC-DC ຂອງ ຫວຽດນາມ ໃນປີ 2019, ໂດຍການເຂົ້າຮ່ວມຂອງບັນດາທ່ານນາງພັນລະຍາເອກອັກຄະລັດຖະທູດ, ຜູ້ປະສານງານຂອງ 10 ປະເທດອາຊຽນ ແລະ ສະມາຊິກແມ່ຍິງ 100 ກວ່າຄົນທີ່ສະຖານທູດ ອາຊຽນ ປະຈຳ Washington DC.
 |
ສະມາຊິກຂອງສະຫະພັນແມ່ຍິງອາຊຽນໄດ້ຖ່າຍຮູບຮ່ວມກັນ. (ພາບ: vov)
ພາຍໃຕ້ການນຳພາຂອງທ່ານນາງ ຫງວຽນເຟືອງລຽນ, ກອງປະຊຸມຄະນະບໍລິຫານງານສະມາຄົມ ໄດ້ທົບທວນຄືນບັນດາການເຄື່ອນໄຫວໃນປີ 2019 ແລະ ໄດ້ວາງແຜນການເຄື່ອນໄຫວໃນປີ 2020. ຕາມນັ້ນແລ້ວ, ໃນປີ 2019 - ປີແຫ່ງການຄອບຄອງຕຳແໜ່ງ ຫວຽດນາມ ແມ່ນປະທານ AWC-DC, ສະມາຄົມໄດ້ຈັດກິດຈະກຳວັດທະນະທຳ, ອາຫານການກິນ, ການອອກນອກເມືອງ ເພື່ອເພີ່ມຄວາມສາມັກຄີ ແລະ ຄວາມເຂົ້າໃຈເຊິ່ງກັນ ແລະ ກັນລະຫວ່າງສະມາຊິກຂອງສະມາຄົມໂດຍສະເພາະ ແລະ ລະຫວ່າງບັນດາປະເທດອາຊຽນເວົ້າລວມ. .
ໂດຍເນັ້ນໜັກເຖິງຄວາມໝາຍຂອງການດຳເນີນງານຂອງສະຫະພັນແມ່ຍິງອາຊຽນຢູ່ Washington DC, ທ່ານນາງເອກອັກຄະລັດຖະທູດ ຫງວຽນເຟືອງລຽນ ກ່າວວ່າ: “ບັນດາກິດຈະກຳ ທີ່ມີຄວາມໝາຍຂອງສະຫະພັນແມ່ຍິງອາຊຽນຢູ່ DC ແມ່ນກິດຈະກຳວັດທະນະທຳຕົ້ນຕໍ ເພາະວ່ານີ້ແມ່ນໜຶ່ງໃນເສົາຄ້ຳ ຂອງການທູດ. ສະຫະພັນແມ່ຍິງ ຢູ່ DC ເຮັດທຸກໆກິດຈະກຳທາງວັດທະນະທຳ ເພື່ອເພີ່ມທະວີຄວາມສາມັກຄີ ພາຍໃນສະຖານທູດ ຂອງບັນດາປະເທດອາຊຽນ ຢູ່ທີ່ນີ້, ກໍ່ຄືບັນດາປະເທດອາຊຽນໂດຍລວມ. ທີສອງ, ບັນດາການເຄື່ອນໄຫວນີ້ ກໍ່ຊ່ວຍຍົກສູງພາບພົດ ແລະ ຊື່ສຽງຂອງປະຊາຄົມອາຊຽນເວົ້າລວມໃນອາເມລິກາ.”
（ຄຳຮຸ່ງ）
