ພາບປະກອບ

ເວັບໄຊໃໝ່ ຂອງ WHO ໄດ້ສະໜອງບັນດາຂໍ້ມູນຂ່າວສານທີ່ເປັນທາງການ, ປະຕິເສດບັນດາຂໍ້ມູນຂ່າວສານທີ່ບໍ່ມີຄວາມຈິງ ເຊິ່ງກໍ່ຄວາມແຕກຕື່ມຢ້ານເກີດເຫດຕໍ່ປະຊາຊົນ. ວັນທີ 29 ມັງກອນ, ອົງການອານາໄມໂລກ(WHO)ໄດ້ປະກາດວ່າ, ເລື່ອງ ເຊື້ອຈຸລະໂລກສາຍພັນໃໝ່ ທີ່ເກີດຂຶ້ນຢູ່ ນະຄອນ ອູຫັ່ນ (ປະເທດຈີນ) ທີ່ຕິດແປດ ລະຫວ່າງ ຄົນກັບຄົນ ຢູ່ 3 ປະເທດ ເຢຍລະມັນ, ຫວຽດນາມ, ຍີ່ປຸ່ນ ແມ່ນສິ່ງທີ່ໜ້າວິຕົກກັງວົນ ແລະ ວຽກນີ້ຈະໄດ້ຮັບການຕີລາຄາຈາກບັນດານັກຊ່ຽວຊານ ຂອງ WHO ເມື່ອຈັດກອງປະຊຸມກຸ່ມອີກຄັ້ງໜຶ່ງເພື່ອພິຈາລະນາວ່າ ຈະປະກາດ ສະພາບການສຸກເສີນທົ່ວໂລກຫຼືບໍ່? ກ່າວຄຳເຫັນທີ່ການຖະແຫຼງຂ່າວຢູ່ Geneva ພາຍຫຼັງການຢ້ຽມຢາມຈີນ ມາເປັນເວລາ 2 ວັນ, ເມື່ອໄດ້ຖາມກ່ຽວກັບເລື່ອງ ເຫັນດີເປັນເອກະພາບສົ່ງ ກຸ່ມນັກຊ່ຽວຊານສາກົນໄປຍັງຈີນ, ທ່ານ Tedros Adhanom Ghereyesus ຜູ້ອຳນວຍການໃຫຍ່ WHO ໃຫ້ຮູ້ວ່າກຸ່ມນີ້ລວມມີພະນັກງານ ຂອງ WHO ແລະ ບັນດາປະເທດຕ້ອງ ຍົກມີ “ການປຶກສາຫາລືສອງຝ່າຍ” ເພື່ອສົ່ງນັກຊ່ຽວຊານຂອງຕົນ.

ອຳນາດການປົກຄອງແຂວງ ຮູເປີຍ, ປະເທດ ຈີນ ປະກາດໃນວັນທີ 03 ກຸມພາວ່າ ຈຳນວນຜູ້ເສຍຊີວິດຍ້ອນເຊື້ອພະຍາດອັກເສບປອດຂອງໄວຣັກ ໂກໂຣນາ ສາຍພັນໃໝ່ (2019 - nCOV) ຢູ່ແຂວງນີ້ໄດ້ເພີ່ມຂຶ້ນ 64 ກໍລະນີ, ຍົກຈຳນວນກໍລະນີເສຍຊີວິດຢູ່ ຈີນ ຂຶ້ນເຖິງ 425 ຄົນ. ອົງການສາທາລະນະສຸກແຂວງ ຮູເປີຍ ໄດ້ກວດພົບ 2.354 ກໍລະນີຕິດເຊື້ອຕື່ມອີກ, ເຮັດໃຫ້ຈຳນວນກໍລະນີຕິດເຊື້ອພະຍາດດັ່ງກ່າວຢູ່ແຂວງນີ້ ເພີ່ມຂຶ້ນ 13.522 ຄົນ. ແລະກໍ່ໃນວັນດຽວກັນ, ກ່າວຄຳເຫັນທີ່ກອງປະຊຸມຂອງຄະນະປະຈຳກົມການເມືອງພັກກອມມູນິດ ຈີນ ໄດ້ປຶກສາຫາລືກ່ຽວກັບສະພາບການຂອງເຊື້ອພະຍາດອັກເສບປອດ. ທ່ານເລຂາທິການໃຫຍ່, ປະທານປະເທດ ຈີນ ສີຈິ້ນຜິງ ຖືວ່າພັກກອມມູນິດ ຈີນ ຍາມໃດກໍ່ຖືເປັນສຳຄັນ ແລະ ຖືບັນຫາສຸຂະພາບ, ຊີວິດອິນຊີຂອງປະຊາຊົນຂຶ້ນເປັນແຖວໜ້າ. ອຳນາດການປົກຄອງທຸກຂັ້ນກໍ່ຄືປະຊາຊົນ ຄວນປະຕິບັດບັນດາລັດຖະນະໂຍບາຍຂອງພັກໃຫ້ເປັນຢ່າງດີ, ສາມັກຄີ “ດັບສູນ” ເຊື້ຶ້ອພະຍາດ. ຄະນະປະຈຳກົມການເມືອງພັກກອມມູນິດ ຈີນ ຢືນຢັນວ່າ ຈີນ ມີກຳລັງຄວາມສາມາດຢ່າງພຽງພໍ ເພື່ອແກ້ໄຂວິກິດການດັ່ງກ່າວໄດ້ເປັນຢ່າງດີ.

（ໄຊພອນ）