ເນື່ອງໃນໂອກາດຢ້ຽມຢາມ ແລະ ເຂົ້າຮ່ວມ ງານສະເຫຼີມສະຫຼອງວັນທະຫານອາສາສະໝັກ ແລະ ຊ່ຽວຊານຫວຽດນາມປະຕິບັດໜ້າທີ່ສາກົນຊ່ວຍເຫຼືອລາວ ຄົບຮອບ 70 ປີ, ຕອນບ່າຍວັນທີ 25 ທັນວາ, ກຳມະການກົມການເມືອງ, ລັດຖະມົນຕີກະຊວງປ້ອງກັນປະເທດ ໂງຊວນລິກ ພ້ອມດ້ວຍຄະນະວຽກງານຂອງກະຊວງປ້ອງກັນປະເທດ ໄດ້ລົງຢ້ຽມຢາມໂຄງການກໍ່ສ້າງເຮືອນຫໍສະພາແຫ່ງຊາດລາວແຫ່ງໃໝ່ - ເຊິ່ງເປັນຂອງຂວັນຈາກພັກ ແລະ ລັດ ຫວຽດນາມ ໃຫ້ແກ່ລາວ. ທ່ານລັດຖະມົນຕີ ໂງຊວນລິກ ກໍ່ໄດ້ໄປຢ້ຽມຢາມ ແລະ ເຮັດວຽກກັບບໍລິສັດ Star Telecom Corporation (UNITEL).
ທີ່ການກໍ່ສ້າງເຮືອນຫໍສະພາແຫ່ງຊາດ ລາວ ແຫ່ງໃໝ, ທ່ານລັດຖະມົນຕີ ໂງຊວນລິກ ໄດ້ລົງຢ້ຽມຢາມພາກສະໜາມ ແລະ ມີຄວາມຊົມຊື່ນຕໍ່ຄວາມຄືບໜ້າການກໍ່ສ້າງຂອງບໍລິສັດກໍ່ສ້າງແທງອານ (ກອງທັບທີ 11 - ກະຊວງປ້ອງກັນປະເທດ).
 |
ລັດຖະມົນຕີກະຊວງປ້ອງກັນປະເທດ ໂງຊວນລິກ ໄປຢ້ຽມຢາມບໍລິສັດ Star Telecom ຫວຽດນາມ ຢູ່ລາວ. (ພາບ: vov.vn)
ທ່ານລັດຖະມົນຕີ ໂງຊວນລິກ ໄດ້ປຸກລະດົມໃຫ້ພະນັກງານ ແລະ ວິສະວະກອນຂອງບໍລິສັດ ເຊິ່ງພະຍາຍາມຜ່ານຜ່າຄວາມຫຍຸ້ງຍາກ, ລະດົມກຳລັງແຮງງານ, ວິທີການ ແລະ ເຄື່ອງໃຊ້ທີ່ສຸດ, ຮັບປະກັນໃຫ້ໂຄງການໄດ້ຮັບການກໍ່ສ້າງຕາມກຳນົດເວລາ, ພ້ອມທັງຮັບປະກັນດ້ານເຕັກນິກ, ສິລະປະດີ, ສຳເລັດແຜນການ ແລະ ໄດ້ຈະນຳໃຊ້ເຂົ້າໃນການເຄື່ອນໄຫວຂອງສະພາແຫ່ງຊາດລາວໃນປີຕໍ່ໄປ; ເພື່ອເຮັດໃຫ້ໂຄງການມີຄ່າຄວນສົມເປັນສັນຍາລັກແຫ່ງມິດຕະພາບທີ່ຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານລະຫວ່າງສອງພັກ, ສອງລັດ ແລະ ປະຊາຊົນ ຫວຽດນາມ ແລະ ລາວ.
ຕອນບ່າຍມື້ດຽວກັນ, ໃນການຢ້ຽມຢາມບໍລິສັດ Star Telecom Corporation (UNITEL) - ວິສາຫະກິດ ທີ່ຮ່ວມມືລະຫວ່າງກຸ່ມບໍລິສັດໂທລະຄົມທະຫານ VIETEL ແລະ ລາວໂທລະຄົມ, ທ່ານລັດຖະມົນຕີ ໂງຊວນລິກ ໄດ້ສະແດງຄວາມຕື່ນເຕັ້ນ ຕໍ່ຜົນໄດ້ຮັບຂອງວິສາຫະກິດ ແລະ ໃຫ້ຮູ້ວ່ານີ້ແມ່ນແບບຢ່າງໃນການລົງທືນທຸລະກິດຢູ່ຕ່າງປະເທດຂອງວິສາຫະກິດກອງທັບ. ທ່ານລັດຖະມົນຕີກະຊວງປ້ອງກັນປະເທດ ຫວຽດນາມ ໂງຊວັນລິກ ສະເໜີໃຫ້ພະນັກງານ, ພາລະກອນ UNITEL ຈົ່ງສືບຕໍ່ມານະພະຍາຍາມໃຫ້ຫຼາຍກວ່າອີກ, ຍູ້ແຮງການດໍາເນີນທຸລະກິດ, ເປິດກວ້າງຕະຫຼາດ ຕິດພັນກັບການຍົກສູງຄຸນນະພາບຂອງຜະລິດຕະພັນ; ເອົາໃຈໃສ່ເຖິງວຽກງານສັງຄົມ ເພື່ອປົວແປງ ແລະ ຍົກສູງຄຸນນະພາບຊີວິດການເປັນຢູ່ຂອງປະຊາຊົນ, ປະກອບສ່ວນເຂົ້າໃນການພັດທະນາເສດຖະກິດ - ສັງຄົມ, ຄວາມສະຫງົບປອດໄພໃຫ້ແກ່ປະເທດລາວຫຼາຍກວ່າອີກ.
（ຄຳຮຸ່ງ）
