ແລກປ່ຽນປະສົບການໃນທາງດ້ານຮັກສາອະທິປະໄຕ ລະຫວ່າງ ແຂວງຮ່າຕີ໋ງ ແລະ ແຂວງຄໍາມ່ວນ (ລາວ)

ທັດສະນີຍະພາບຂອງການພົບປະເຈລະຈາ (ພາບ: baohatinh.vn)

ຕາມບົດລາຍງານລະຫວ່າງບັນດາຝ່າຍ, ປະສິດທິຜົນຂອງວຽກງານສົມທົບກັນໃນໄລຍະຜ່ານມາໄດ້ປະກອບສ່ວນສໍາຄັນເຂົ້າໃນການຮັກສາຄວາມໝັ້ນຄົງດ້ານການເມືອງ, ຄວາມເປັນລະບຽບຮຽບຮ້ອຍທາງສັງຄົມ, ຄວາມໝັ້ນຄົງຢູ່ເຂດຊາຍແດນ ແລະ ອະທິປະໄຕຜືນແຜ່ນດິນຂອງແຕ່ລະປະເທດ.

ສອງຝ່າຍໄດ້ສົມທົບກັນໃນບັນດາດ້ານວຽກງານ, ຄື: ການຄຸ້ມຄອງ, ປົກປັກຮັກສາຊາຍແດນ; ແລກປ່ຽນຂໍ້ມູນຂ່າວສານ, ໂຄສະນາຂົນຂວາຍປະຊາຊົນ, ຕໍ່ສູ້ຕ້ານ ແລະ ສະກັດກັ້ນອາດຊະຍາກໍາປະເພດຕ່າງໆ; ຊ່ວຍປະຊາຊົນພັດທະນາເສດຖະກິດ, ວັດທະນະທໍາ, ສັງຄົມ, ລົບລ້າງຄວາມອຶດຫິວຫຼຸດຜ່ອນຄວາມທຸກຍາກ...

ກອງບັນຊາການທະຫານຊາຍແດນ ແຂວງຮ່າຕີ໋ງ ແລະ ແຂວງຄຳນວມ ໄດ້ລົງນາມໃນບົດບັນທືກ. (ພາບ: baohatinh.vn)

ທີ່ການພົບປະເຈລະຈາ, ສອງຝ່າຍກໍ່ໄດ້ປຶກສາຫາລື, ຍົກອອກບັນດາຂໍ້ຈຳກັດໃນວຽກງານສົມທົບກັນໃນໄລຍະຜ່ານມາ ແລະ ຍົກອອກບັນດາມາດຕະການແກ້ໄຂ, ຄືເພີ່ມທະວີ ການລາດຕະເວນສອງຝ່າຍ, ແຈ້ງໃຫ້ກັນຮັບຊາບກ່ຽວກັບສະພາບການຄວາມສະຫງົບຄວາມເປັນລະບຽບຮຽບຮ້ອຍຢູ່ເຂດຊາຍແດນຢ່າງທັນການ...

ສິ້ນສຸດການພົບປະເຈລະຈາ, ກອງບັນຊາການທະຫານຊາຍແດນແຂວງຮ່າຕີ໋ງ ໄດ້ສືບຕໍ່ລົງນາມໃນບົດບັນທຶກຊ່ວຍຈໍາກັບກອງບັນຊາການທະຫານແຂວງຄໍາມ່ວນ ລວມມີ 9 ເນື້ອໃນ ແລະ ກັບກອງບັນຊາການປ້ອງກັນຄວາມສະຫງົບແຂວງຄໍາມ່ວນ 8 ເນື້ອໃນທີ່ກ່ຽວຂ້ອງເຖິງບັນດາຂົງເຂດສົມທົບກັນ, ປະກອບສ່ວນປົກປັກຮັກສາອະທິປະໄຕ, ຄວາມໝັ້ນຄົງຢູ່ເຂດຊາຍແດນ, ການພັດທະນາເສດຖະກິດ-ວັດທະນະທໍາ-ສັງຄົມຢູ່ເຂດຊາຍແດນສອງແຂວງຄໍາມ່ວນ-ຮ່າຕີ໋ງ.

（ລິນຈີ）