ຫວຽດນາມຄັດຄ້ານການໃຊ້ກຳລັງເພື່ອໂຈມຕີລັດອະທິປະໄຕ

	ມະຕິ 80-NQ/TW: ເມື່ອມໍລະດົກເອກະສານກາຍເປັນຊັບພະຍາກອນທາງວັດທະນະທຳ
	ການທ່ອງທ່ຽວທາງດ້ານວັດທະນະທໍາ, ປະຫວັດສາດ, ແລະ ຈິດວິນຍານດຶງດູດນັກທ່ອງທ່ຽວໃນຕົ້ນລະດູບານໃໝ່

ຕາມເວັບໄຊ້ອີເລັກໂທຣນິກຂອງກະຊວງການຕ່າງປະເທດ, ໃນວັນທີ 3 ມີນາ, ເພື່ອຕອບຄຳຖາມຂອງນັກຂ່າວທີ່ຖາມກ່ຽວກັບປະຕິກິລິຍາຂອງຫວຽດນາມຕໍ່ກັບຄວາມເຄັ່ງຕຶງທີ່ຮ້າຍແຮງຢູ່ຕາເວັນອອກກາງ, ທ່ານນາງ ​ໂຄສົກ​ກະຊວງ​ການ​ຕ່າງປະ​ເທດ​ ຫວຽດນາມ ຟ້າມທູຮັ່ງ ຢືນຢັນວ່າ:

ທ່ານນາງ ​ໂຄສົກ​ກະຊວງ​ການ​ຕ່າງປະ​ເທດ​ ຫວຽດນາມ ຟ້າມທູຮັ່ງ. (ພາບ: ກະຊວງການຕ່າງປະເທດ)

"ທ່າທີຂອງຫວຽດນາມໄດ້ຖືກລະບຸໄວ້ຢ່າງຊັດເຈນໃນວັນທີ 28 ກຸມພາ 2026.

ຫວຽດນາມຄັດຄ້ານການກະທຳທີ່ໃຊ້ກຳລັງໂຈມຕີລັດອະທິປະໄຕ, ໂດຍສະເພາະແມ່ນພື້ນຖານໂຄງລ່າງພົນລະເຮືອນ, ເຊິ່ງເຮັດໃຫ້ພົນລະເຮືອນຫຼາຍຄົນເສຍຊີວິດ. ການກະທຳເຫຼົ່ານີ້ໄດ້ສ້າງຄວາມເສຍຫາຍຢ່າງຮ້າຍແຮງ ແລະ ສືບຕໍ່ເປັນໄພຂົ່ມຂູ່ຕໍ່ຊີວິດ, ຄວາມປອດໄພ, ແລະ ຜົນປະໂຫຍດຂອງປະຊາຊົນ, ລວມທັງພົນລະເມືອງຫວຽດນາມໃນພາກພື້ນ, ເຮັດໃຫ້ກິດຈະກຳທາງເສດຖະກິດ, ສັນຕິພາບ, ແລະ ສະຖຽນລະພາບໃນພາກພື້ນ ແລະ ໃນໂລກບໍ່ໝັ້ນຄົງ.

ຫວຽດນາມຮຽກຮ້ອງໃຫ້ທຸກຝ່າຍທີ່ກ່ຽວຂ້ອງປະຕິບັດຢ່າງມີຄວາມຮັບຜິດຊອບ, ປະຕິບັດຕາມກົດໝາຍສາກົນ, ກົດບັດ ແລະ ມະຕິທີ່ກ່ຽວຂ້ອງຂອງສະຫະປະຊາຊາດຢ່າງເຂັ້ມງວດ, ເຄົາລົບອະທິປະໄຕ ແລະ ດິນແດນອັນຄົບຖ້ວນຂອງລັດຕ່າງໆ, ສືບຕໍ່ການເຈລະຈາ, ແລະ ສ້າງເງື່ອນໄຂທີ່ເອື້ອອຳນວຍໃຫ້ແກ່ການສົນທະນາທີ່ມີຈຸດປະສົງເພື່ອແກ້ໄຂຄວາມແຕກຕ່າງໂດຍສັນຕິ, ເພື່ອຜົນປະໂຫຍດຂອງປະຊາຊົນ, ແລະ ເພື່ອສັນຕິພາບ, ສະຖຽນລະພາບ, ແລະ ການພັດທະນາໃນພາກພື້ນ ແລະ ໃນໂລກ".

ຍູ້ແຮງວຽກງານການທູດດ້ານເສດຖະກິດ ແລະ ສ້າງແຮງກະຕຸ້ນໃຫ້ແກ່ການເຕີບໂຕສອງຕົວເລກຫຼັງຈາກກອງປະຊຸມໃຫຍ່ຄັ້ງທີ 14 ຂອງພັກ ຍສໝ​ - ຕອນເຊົ້າວັນທີ 2 ມີນາ, ທ່ານນາງ ຫງວຽນມິງຮັ່ງ ຮອງລັດຖະມົນຕີກະຊວງການຕ່າງປະເທດ ໄດ້ເປັນປະທານກອງປະຊຸມເພື່ອປະຕິບັດໜ້າທີ່ໃນໄຕມາດທີ 1 ປີ 2026 ຂອງຄະນະຊີ້ນຳການທູດເສດຖະກິດ, ກະຊວງການຕ່າງປະເທດ. ກອງປະຊຸມດັ່ງກ່າວມີການເຂົ້າຮ່ວມຂອງຜູ້ນຳຂອງໜ່ວຍງານສະມາຊິກຂອງຄະນະຊີ້ນຳການທູດເສດຖະກິດ ແລະ ເອກອັກຄະລັດຖະທູດທີ່ໄດ້ຮັບການແຕ່ງຕັ້ງ.

"ຂົວມິດຕະພາບ", ເພີ່ມພູນຄູນສ້າງຄວາມສາມັກຄີລະຫວ່າງຫວຽດນາມ ແລະ ລາວ ຍສໝ - ພ້ອມກັບການປັບປຸງ, ກໍ່ສ້າງສະມາຄົມນັກຮົບເກົ່າທີ່ສະອາດ ແລະ ເຂັ້ມແຂງ, ພ້ອມທັງສົ່ງເສີມບົດບາດຂອງຕົນໃນການພັດທະນາເສດຖະກິດ ແລະ ສັງຄົມທ້ອງຖິ່ນ, ໃນຊຸມປີມໍ່ໆມານີ້, ສະມາຄົມນັກຮົບເກົ່າແຂວງຍັງເປັນ “ຂົວມິດຕະພາບ” ພິເສດ, ເສີມສ້າງຄວາມສາມັກຄີກັບປະເທດເພື່ອນບ້ານລາວ, ປະກອບສ່ວນເຂົ້າໃນການສົ່ງເສີມສາຍພົວພັນທີ່ໃກ້ຊິດລະຫວ່າງຫວຽດນາມ ແລະ ລາວ ເວົ້າລວມ, ລະຫວ່າງແຂວງເຊີນລາ ແລະ ບັນດາແຂວງພາກເໜືອຂອງລາວ ເວົ້າສະເພາະ.