ແລກປ່ຽນບົດຮຽນກ່ຽວກັບການຈັດຕັ້ງ ແລະ ການເຄື່ອນໄຫວຂອງສະພາປະຊາຊົນຂອງສອງແຂວງກວ້າງບິ່ງ - ຄຳມ່ວນ

ທ່ານນາງ ຫງວ໋ຽນ ຖິ ແທັງ ເຮືອງ ຮອງປະທານສະພາປະຊາຊົນ ກ່າວຄຳເຫັນ ທີ່ກອງປະຊຸມ.(ພາບ:https://www.baoquangbinh.vn)

ເຂົ້າຮ່ວມກອງປະຊຸມສຳມະນາ, ຄະນະຜູ້ແທນສະພາປະຊາຊົນແຂວງ ຄຳມ່ວນ, ມີທ່ານ ສົມໃຈ ເພັດສີນວນ, ຮອງເລຂາພັກແຂວງ, ປະທານສະພາປະຊາຊົນແຂວງ, ແລະບັນດາຄະນະປະຈຳ ສະພາປະຊາຊົນ, ຫົວໜ້າຫ້ອງການສະພາປະຊາຊົນ ແລະ ຄະນະຜູ້ແທນສະພາປະຊາຊົນແຂວງ ຄຳມ່ວນ ເຂົ້າຮ່ວມຢ່າງພ້ອມພຽງ..

ຝ່າຍສະພາປະຊາຊົນແຂວງກວ້າງບິ່ງ, ມີທ່ານນາງ ຫງວ່ຽນ ຖິ ແທັງ ເຮືອງ, ຄະນະປະຈຳພັກແຂວງ, ປະທານສະພາປະຊາຊົນແຂວງ; ບັນດາສະຫາຍໃນ ຄະນະປະຈຳພັກແຂວງ, ຄະນະປະຈຳສະພາປະຊາຊົນແຂວງ, ຫົວໜ້າຫ້ອງການສະພາປະຊາຊົນແຂວງ.

ສະພາປະຊາຊົນຂອງສອງແຂວງໄດ້ເຊັນລົງນາມໃນບົດບັນທຶກຊ່ວຍຈຳ.(ພາບ:https://www.baoquangbinh.vn)

ກ່າວເປີດກອງປະຊຸມ, ທ່ານນາງ ຫງວ໋ຽນ ຖິ ແທັງ ເຮືອງ ໄດ້ສະແດງຄວາມປິຕິຊົມຊື່ນ ແລະ ຕີລາຄາສູງ ທີ່ສະພາປະຊາຊົນສອງແຂວງ ຈັດຕັ້ງກອງປະຊຸມສຳມະນາ ຮຽນຮູ້ ແລະ ແລກປ່ຽນປະສົບການ ກ່ຽວກັບການຈັດຕັ້ງ ແລະ ການເຄື່ອນໄຫວຂອງສະພາປະຊາຊົນແຂວງ. ທ່ານຫວັງວ່າຜ່ານກອງປະຊຸມ ສຳມະນາຄັ້ງນີ້, ສະພາປະຊາຊົນຂອງສອງແຂວງ, ໂດຍສະເພາະສະພາປະຊາຊົນແຂວງ ຄຳມ່ວນ ຈະໄດ້ຖອດຖອນບົດຮຽນຜ່ານການປະຕິບັດງານ ເພື່ອຍົກສູງຄຸນນະພາບຂອງສະພາປະຊາຊົນ ໃນຕໍ່ໜ້າ.

ທີ່ກອງປະຊຸມສຳມະນາ, ຕາງໜ້າສະພາປະຊາຊົນແຂວງສອງປະເທດ ໄດ້ສະຫຼຸບລາຍງານໂດຍຫຍໍ້ ກ່ຽວກັບການຈັດຕັ້ງ ແລະ ການເຄື່ອນໄຫວສະພາປະຊາຊົນ; ກ່ຽວກັບບັນດາຜົນສຳເລັດທີ່ຜ່ານມາຂອງ ສະພາປະຊາຊົນສອງແຂວງ; ພ້ອມດຽວກັນນີ້, ໄດ້ຍົກບາງປະສົບການຈາກການຈັດຕັ້ງ ແລະ ການເຄື່ອນໄຫວຂອງສະພາປະຊາຊົນຂັ້ນແຂວງ. ບົດລາຍງານສະແດງໃຫ້ເຫັນ ການຈັດຕັ້ງ ແລະ ການເຄື່ອນໄຫວຂອງສະພາປະຊາຊົນ ແຕ່ລະແຂວງມີລັກສະນະເປັນເຈົ້າຂອງຕົນເອງ, ແຕ່ໂດຍລວມແລ້ວ, ມີການຈັດຕັ້ງຢ່າງແໜ້ນແຟ້ນ, ວິທະຍາສາດ; ໜ້າທີ່, ບົດບາດ ແລະ ຄວາມຮັບຜິດຊອບ ທີ່ໄດ້ຮັບມອບໝາຍ, ກຳນົດຢ່າງຈະແຈ້ງ ແລະ ຮັບປະກັນໃຫ້ຖືກຕ້ອງຕາມກົດໝາຍ; ການເຄື່ອນໄຫວທີ່ສອດຄ່ອງກັບ ລັກສະນະ ແລະ ທາດແທ້ຂອງລະບົບການເມືອງ.

ໃນໄລຍະທີ່ຜ່ານມາ, ສະພາປະຊາຊົນສອງປະເທດຍາມໃດກໍ່ຊຸກຍູ້ສົ່ງເສີມຄວາມກະຕືລືລົ້ນ, ຫົວຄິດປະດິດສ້າງໃນການຈັດຕັ້ງ ແລະ ການເຄື່ອນໄຫວ, ຮັບປະກັນລະບຽບວິໄນ ແລະ ຍົກສູງ ປະສິດທິພາບແລະ ປະສິດທິຜົນໃນການປະຕິບັດ ໜ້າທີ່ໄດ້ຮັບມອບໝາຍ. ການຈັດຕັ້ງ ແລະ ການເຄື່ອນໄຫວຂອງສະພາປະຊາຊົນ ສອງແຂວງໃຫ້ນັບມື້ນັບແທດຈິງ; ຢັ້ງຢືນບົດບາດ ແລະ ຖານະ ແມ່ນອົງການປົກຄອງຂອງລັດຂັ້ນທ້ອງຖິ່ນ, ຕາງໜ້າໃຫ້ແກ່ຄວາມມຸ້ງມາດປາດຖະໜາຂອງປະຊາຊົນ, ຕອບສະໜອງ ຄວາມເຊື່ອໝັ້ນ ແລະ ຄວາມຄາດຫວັງຂອງຜູ້ມີສິດເລືອກຕັ້ງເທື່ອລະກ້າວ.

ສະພາປະຊາຊົນແຂວງທັງສອງ ຍັງໄດ້ປຶກສາຫາລື ກ່ຽວກັບການສະໜອງຂໍ້ມູນຂ່າວສານ ແລະ ປະສົບການອັນອຸດົມສົມບູນ, ຊີ້ໃຫ້ເຫັນໄດ້ຢ່າງຊັດເຈນ ບັນຫາຕົວຈິງ ແລະ ທິດສະດີໃນການຈັດຕັ້ງ ແລະ ການເຄື່ອນໄຫວ ສະພາປະຊາຊົນແຂວງ. ນອກຈາກນີ້, ການປະກອບຄຳຄິດຄຳເຫັນ ຍັງໄດ້ຍົກໃຫ້ເຫັນຂໍ້ຫຍຸ້ງຍາກ ແລະ ຂໍ້ຄົງຄ້າງໃນການເຄື່ອນໄຫວຕົວຈິງ, ສະເໜີມາດຕະການແກ້ໄຂ, ປະກອບສ່ວນປັບປຸງກົນຈັກ, ສົ່ງເສີມປະສິດພາບ ແລະ ປະສິດທິຜົນ ສະພາປະຊາຊົນຂັ້ນແຂວງ.

ກ່າວຄຳເຫັນທີ່ພິທີປິດກອງປະຊຸມສຳມະນາ, ທ່ານຮອງປະທານສະພາປະຊາຊົນແຂວງກວ້າງບິ່ງ: ຢືນຢັນວ່າ: ກອງປະຊຸມຄັ້ງນີ້ມີຄວາມໝາຍສຳຄັນຕົວຈິງ ແລະ ເປັນສັນຍານດີໃນການເປີດປະຕູປ່ອງໃໝ່ ໃຫ້ແກ່ການສຳມະນາຄັ້ງຕໍ່ໄປ. ໃນອານາຄົດ, ຈະສືບຕໍ່ແລກປ່ຽນບົດຮຽນປະສົບການ ກ່ຽວກັບເນື້ອໃນໃໝ່, ຮ່ວມກັນພັດທະນາສະພາປະຊາຊົນຂອງທັງສອງແຂວງ. ການຈັດການເຄື່ອນໄຫວ ແລກປ່ຽນປະສົບການ ແລະ ແບ່ງປັນຂໍ້ມູນຂ່າວສານ ລະຫວ່າງສອງຝ່າຍ ຈະເປັນໂອກາດໃຫ້ສະພາປະຊາຊົນສອງປະເທດ ເພີ່ມທະວີສາຍພົວພັນມິດຕະພາບ, ຄວາມສາມັກຄີ ແລະ ເສີມຂະຫຍາຍມູນເຊື້ອອັນດີງາມລະຫວ່າງ ລັດຖະບານ ແລະ ປະຊາຊົນ. ທັງສອງແຂວງໄດ້ມີການພັດທະນາຂື້ນສູ່ລະດັບສູງໃໝ່.

ທີ່ກອງປະຊຸມສຳມະນາ, ຄະນະປະຈຳສະພາປະຊາຊົນ 2 ແຂວງ ໄດ້ເຊັນຮັບຮອງເອົາບົດບັນທຶກຊ່ວຍຈຳ ຢືນຢັນວ່າຈະສືບຕໍ່ເພີ່ມທະວີການພົວພັນຮ່ວມມື, ແລກປ່ຽນ, ຮຽນຮູ້ເຊິ່ງກັນແລະກັນ ເພື່ອແນໃສ່ ປັບປຸງປ່ຽນແປງໃໝ່, ຍົກສູງຄຸນນະພາບ ແລະ ປະສິດທິຜົນຂອງການເຄື່ອນໄຫວສະພາປະຊາຊົນຕອບສະໜອງຄວາມຮຽກຮ້ອງຕ້ອງການຂອງວຽກງານພັດທະນາເສດຖະກິດ - ສັງຄົມຂອງແຕ່ລະແຂວງໃຫ້ດີຂື້ນ ແລະ ດີກວ່າເກົ່າ.

ສະພາປະຊາຊົນສອງແຂວງ ເຫັນດີວ່າຈະມີການເຄື່ອນໄຫວປະຈຳປີ ເພື່ອຍົກສູງກຳລັງຄວາມສາມາດ, ປະສິດທິຜົນຂອງສະພາປະຊາຊົນ, ຈາກນັ້ນຊຸກຍູ້ ແລະ ຮັກສາສາຍພົວພັນຮ່ວມມື, ມິດຕະພາບທີ່ປະທານໂຮ່ຈີມິນ , ປະທານ ໄກສອນ ພົມວິຫານ ແລະ ບັນດາການນຳຂອງພັກ, ອຳນາດການປົກຄອງ, ປະຊາຊົນລາວ ແລະ ຫວຽດນາມ ແລະ ສອງແຂວງ ຄຳມ່ວນ - ກວ້າງບິ່ງ ໄດ້ເພີ່ມພູນຄູນສ້າງຕະຫຼອດມາ.

（​ຫັດ​ທະ​ບູນ）