ສະຖານທີ່ເສີມສ້າງໃຫ້ບັນດາລຸ້ນນັກຮຽນຫວຽດນາມ ແລະ ລາວ

20:54 | 06/03/2025

ຍສໝ - ນັບແຕ່ເຂົ້າສູ່ການເຄື່ອນໄຫວ, ໂຮງຮຽນມັດທະຍົມຕອນຕົ້ນ ທົ໋ງເຍີດ ຢູ່ພາກກາງລາວ ໄດ້ສຸມໃສ່ການສິດສອນ ແລະ ຮ່ຳຮຽນ, ໂດຍສະເພາະແມ່ນການຮັກສາພາສາຫວຽດນາມ, ໃຫ້ແກ່ລຸ້ນຄົນຫວຽດນາມ ຢູ່ຕ່າງປະເທດ ແລະ ລູກຫຼານຊາວລາວ.

	ຫວຽດນາມ ຊຸກຍູ້ການພົວພັນກັບບັນດາປະເທດ, ບັນດາອົງການສາກົນ
	ຮ່າຕິ້ງ ຍາມໃດກໍ່ຮັກສາ, ປັບປຸງສາຍພົວພັນມິດຕະພາບ ແລະ ການຮ່ວມມືຮອບດ້ານກັບບັນດາທ້ອງຖິ່ນຂອງ ລາວ

ວັດທະນະທຳ ແລະ ປະຫວັດສາດ ຫວຽດນາມ ຍັງຄົງຄົງຄ້າງຢູ່ທຸກວັນຜ່ານແຕ່ລະຊົ່ວໂມງຮຽນ, ບັນຍາຍ ຫຼື ຜ່ານເລື່ອງລາວຂອງບັນດາຄູສອນຢູ່ໂຮງຮຽນມັດທະຍົມຕອນຕົ້ນ ທົ໋ງເຍີດ ແຂວງ ຄຳມ່ວນ, ໂຮງຮຽນຂອງສະມາຄົມຊາວຫວຽດນາມ ຢູ່ແຂວງຄຳມ່ວນ, ພາກກາງຂອງລາວ.

ສະຖານທີ່ເສີມສ້າງໃຫ້ບັນດາລຸ້ນນັກຮຽນຫວຽດນາມ ແລະ ລາວ

ໂຮງຮຽນມັດທະຍົມຕອນຕົ້ນ ທົ໋ງເຍີດ ແຂວງ ຄຳມ່ວນ. (ພາບ: TTXVN)

ຫ່າງຈາກນະຄອນຫຼວງວຽງຈັນ ປະມານ 400 ກິໂລແມັດ, ໂຮງຮຽນມັດທະຍົມຕອນຕົ້ນ ທົ໋ງເຍີດ ແຂວງຄຳມ່ວນ ໄດ້ສ້າງຕັ້ງຂຶ້ນໃນປີ 2024 ໃນເນື້ອທີ່ເກືອບ 3.500 ຕາແມັດ, ດ້ວຍຂະໜາດ 19 ຫ້ອງ, ລວມຍອດເງິນລົງທຶນ 25 ຕື້ດົ່ງ.

ນັບແຕ່ເຂົ້າສູ່ການເຄື່ອນໄຫວ, ໂຮງຮຽນໄດ້ສຸມໃສ່ການສອນ - ການຮຽນ, ພິເສດແມ່ນຮັກສາພາສາຫວຽດນາມ ໃຫ້ລູກຫຼານຊາວຫວຽດນາມ ຢູ່ຕ່າງປະເທດ ແລະ ລາວ ເພື່ອສະໜອງຄວາມມຸ່ງມາດປາດຖະໜາ ແລະ ຄວາມຕ້ອງການອັນຈຳເປັນຂອງຊາວຫວຽດນາມຢູ່ຕ່າງປະເທດ ກໍ່ຄືຄວາມມຸ່ງມາດປາດຖະໜາຂອງເດັກນ້ອຍຊາວຫວຽດນາມ ຢູ່ແຂວງຄໍາ

ໂຮງຮຽນມີພະນັກງານ, ຄູ-ອາຈານ ທັງໝົດ 28 ຄົນ ແລະ ນັກຮຽນ 355 ຄົນ, ໃນນັ້ນ ເດັກນ້ອຍຫວຽດນາມ ກວມປະມານ 46%, ສ່ວນທີ່ເຫຼືອແມ່ນນັກຮຽນລາວ.

ທຸກໆອາທິດ, ນັກຮຽນຈະໄດ້ຮ່ຳຮຽນ 4 ຊົ່ວໂມງຮຽນພາສາຫວຽດນາມ ແລະ ເຂົ້າຮ່ວມການເຄື່ອນໄຫວນອກຫຼັກສູດໂດຍໂຮງຮຽນຈັດຂື້ນເຊັ່ນ: ໂຄງການສີລະປະ, ກິລາ ແລະ ອື່ນໆ.

ທ່ານນາງ ຫງວຽນທິເທື່ອງ, ຮອງຜູ້ອໍານວຍການໂຮງຮຽນ ໄດ້ປາດຖະໜາວ່າ ໂຮງຮຽນບໍ່ພຽງແຕ່ແມ່ນບ່ອນສອນເທົ່ານັ້ນ ຫາກຍັງແມ່ນຂົວຕໍ່ເພື່ອອະນຸລັກຮັກສາ ແລະ ເຜີຍແຜ່ຄວາມງາມຂອງວັດທະນະທຳ ຫວຽດນາມ ນັບພັນປີໃຫ້ແກ່ດິນແດນລ້ານຊ້າງທີ່ສວຍງາມ.

ທ່ານນາງ ຫງວຽນທິເທື່ອງ, ຮອງຜູ້ອໍານວຍການໂຮງຮຽນ. (ພາບ: TTXVN)

ອາຈານ ເດົ້າທິເລຫາຍ, ຄູສອນແຂວງ ກວາງບິ່ງ ໄດ້ຈັດສົ່ງມາສອນຢູ່ລາວນັບແຕ່ປີ 2019 ໃຫ້ຮູ້ວ່າ ມີເດັກນ້ອຍຊາວຫວຽດນາມ ຢູ່ລາວເປັນຈຳນວນຫຼວງຫຼາຍ, ດັ່ງນັ້ນນາງຢາກປະກອບສ່ວນນ້ອຍໆໃນການອະນຸລັກຮັກສາ ແລະ ເຜີຍແຜ່ພາສາຫວຽດນາມ ໃຫ້ແກ່ເຂົາເຈົ້າ, ທັງຊ່ວຍໃຫ້ນັກຮຽນລາວ ຮັກພາສາຫວຽດນາມ.

ອາຈານ ເດົ້າທິເລຫາຍ, ຄູສອນແຂວງ ກວາງບິ່ງ ໄດ້ຈັດສົ່ງມາສອນຢູ່ລາວ. (ພາບ: TTXVN)

ເຊັ່ນດຽວກັນກັບອາຈານ ຫາຍ, ອາຈານ ດິງທິເທີມ ກໍ່ປາດຖະໜາຢາກໄດ້ສອນຢູ່ໂຮງຮຽນເປັນເວລາອັນຍາວນານ ເພື່ອຮັກສາ ແລະ ເສີມຂະຫຍາຍຮີດຄອງປະເພນີພາສາຫວຽດນາມ ໃຫ້ແກ່ນັກຮຽນຫວຽດນາມ ແລະ ລາວ.

ຕາມບັນດາຄູອາຈານແລ້ວ, ນັກຮຽນຂອງໂຮງຮຽນບໍ່ພຽງແຕ່ໄດ້ຮ່ຳຮຽນກ່ຽວກັບໂຄງການສຶກສາຂອງລາວເທົ່ານັ້ນ ຫາກຍັງຮຽນພາສາຫວຽດນາມ ເພື່ອລະນຶກເຖິງກົກເຄົ້າເຫງົ້າກໍວັດທະນະທຳ, ປະຫວັດສາດອັນຍາວນານ ກໍຄືມູນເຊື້ອຮັກຊາດຂອງຊາວ ຫວຽດນາມ, ໂດຍຜ່ານນັ້ນ ຈຶ່ງຊ່ວຍໃຫ້ເຂົາເຈົ້າສືບຕໍ່ມຸ່ງໄປເຖິງຄວາມໄຝ່ຝັນໃນອະນາຄົດ ແລະ ກາຍເປັນພົນລະເມືອງທີ່ມີປະໂຫຍດຂອງສັງຄົມຂອງສອງປະເທດ.

ນ້ອງຊາຍ ຟ້າມກວາງເຟືອກ (ອາຍຸ 10 ປີ), ລູກຫຼານຊາວລາວ ເຊື້ອຊາດຫວຽດນາມ ອາໄສຢູ່ແຂວງຄໍາມ່ວນ ແລະ ເປັນນັກຮຽນຊັ້ນ ມ5 ຢູ່ໂຮງຮຽນມັດທະຍົມຕອນຕົ້ນ ທົ໋ງເຍີດ ໃຫ້ຮູ້ວ່າ ນ້ອງມັກຮຽນພາສາຫວຽດນາມ ແທ້ໆ, ສະນັ້ນ ພາຍຫຼັງຮຽນຈົບມັດທະຍົມຕອນປາຍຢູ່ລາວແລ້ວ ນ້ອງໄດ້ກັບຄືນໄປຮຽນຕໍ່ຢູ່ຫວຽດນາມ.

ນ້ອງຊາຍ ຟ້າມກວາງເຟືອກ. (ພາບ: TTXVN)

ກ່ຽວກັບອະນາຄົດຂອງໂຮງຮຽນມັດທະຍົມຕົ້ນ ທົ໋ງເຍີດ, ສະມາຄົມຊາວຫວຽດນາມ ແຂວງຄຳມ່ວນ ໄດ້ວາງອອກເປົ້າໝາຍຈະສືບຕໍ່ຍົກສູງຄຸນນະພາບການສຶກສາ ແລະ ເປີດກວ້າງຂະຫນາດ, ຕັ້ງໃຈສອນດີ-ຮຽນເກັ່ງ ແລະ ສ້າງໂຮງຮຽນນັບມື້ນັບໃຫ້ເຂັ້ມແຂງ ແລະ ພັດທະນາຮອບດ້ານ.

ນອກນັ້ນ, ນີ້ກໍ່ແມ່ນທີ່ຢູ່ສີແດງ, ເປັນສະຖານທີ່ກ້າເບ້ຍໃຫ້ບັນດາລຸ້ນນັກຮຽນເກັ່ງ ເພື່ອປະກອບສ່ວນເຂົ້າໃນການພັດທະນາຈະເລີນຮຸ່ງເຮືອນຂອງປະເທດຊາດ ຫວຽດນາມ ແລະ ລາວ ໃຫ້ນັບມື້ນັບຂຽວສົດງົດງາມຕະຫຼອດໄປ, ໝັ້ນຄົງຂະໜົງແກ່ນຈົນຊົ່ວກາລະນານ

ຍູ້ແຮງການຜັນຂະຫຍາຍບັນດາໂຄງການໃຫຍ່ເຊື່ອມຕໍ່ສອງພື້ນຖານເສດຖະກິດ ຫວຽດນາມ - ລາວ

ຍສໝ - ວັນທີ 24 ຕຸລາ, ຕາມເວລາທ້ອງຖິ່ນ, ເນື່ອງໃນໂອກາດເຂົ້າຮ່ວມກອງປະຊຸມສຸດຍອດບັນດາການນຳກຸ່ມ BRICS ເປີດກວ້າງຢູ່ Kazan, ສະຫະພັນລັດເຊຍ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ມີການພົບປະກັບທ່ານເລຂາທິການໃຫຍ່, ປະທານປະເທດ ລາວ ທອງລຸນ ສີສຸລິດ.