ກ່າວຄຳປາໄສທີ່ການເປີດກອງປະຊຸມ, ທ່ານຮອງລັດຖະມົນຕີ ເລ ກ໋ວຍ ເວື້ອງ ໃຫ້ຮູ້ວ່າ, ຫວຽດນາມ ແລະ ລາວ ແມ່ນສອງປະເທດບ້ານໃກ້ເຮືອນຄຽງ, ໃກ້ກັບເຂດສາມຫລ່ຽມຄຳ - ສູນການຜະລິດ ແລະ ຈຳໜ່າຍ ຢາບ້າ ໃນໂລກ. ສະນັ້ນ, ສອງປະເທດຫວຽດນາມ ແລະ ລາວທີ່ໄດ້ຮັບຜົນກະທົບໂດຍກົງຈາກອາຊະຍາກຳ ທີ່ກ່ຽວຂ້ອງກັບຢາເສບຕິດໄດ້ເຮັດໃຫ້ສະຖານະການສັບສົນຂອງສອງປະເທດ.
 |
ທ່ານຮອງລັດຖະມົນຕີ ເລ ກ໋ວຍ ເວື້ອງ ກ່າວຄຳປາໄສທີ່ການເປີດກອງປະຊຸມ. (ພາບ: cand.com.vn)
ທ່ານຮອງລັດຖະມົນຕີ ເລ ກ໋ວຍ ເວື້ອງ ໄດ້ເນັ້ນໜັກ ວ່າ: ການຊຸກຍູ້ການຮ່ວມມືສາກົນໃນການປ້ອງກັນ ແລະ ຄວບຄຸມຢາເສບຕິດ, ໂດຍສະເພາະແມ່ນການຮ່ວມມືລະຫວ່າງປະເທດໃກ້ຄຽງຮຽກຮ້ອງໃຫ້ມີຄວາມເປັນຈິງພາວະວິໄສ. ໂດຍຮັບຮູ້ເຖິງຄວາມ ສຳຄັນຂອງບັນຫາດັ່ງກ່າວ, ໃນຊຸມປີທີ່ຜ່ານມາ, ອຳນາດການປົກຄອງຫວຽດນາມ ໄດ້ຊຸກຍູ້ການຈັດຕັ້ງປະຕິບັດແຜນການຫຼາຍ, ພ້ອມກັນນັ້ນ ສົ່ງເສີມຢ່າງແຮງ ແລະ ມີຫົວຄິດປະດິດສ້າງ ຫຼາຍຢ່າງໃນກິດຈະກຳ ຕ່າງໆ. ການຮ່ວມມືກັບສາກົນ ແລະ ກັບບັນດາປະເທດໃນພາກພື້ນ ແລະ ໃນໂລກເພື່ອຮ່ວມກັນປ້ອງກັນ ແລະ ດຳເນີນການຕ້ານຢາເສບຕິດຈາກຊີວິດສັງຄົມ.
ໃນຊຸມປີມໍ່ໆມານີ້, ການຮ່ວມມືລະຫວ່າງກະຊວງ ຕຳຫຼວດຫວຽດນາມ ແລະ ກະຊວງປ້ອງກັນຄວາມສະຫງົບລາວ ໄດ້ຂະຫຍາຍຕົວຢ່າງແຂງແຮງຢ່າງຮອບດ້ານ ແລະ ເລິກເຊິ່ງໃນທຸກຂົງເຂດ; ສອງປະເທດໄດ້ຮ່ວມມືຢ່າງ ແໜ້ນແຟ້ນ, ແລກປ່ຽນຂໍ້ມູນຂ່າວສານ, ຮ່ວມມືກັນໃນການຕໍ່ສູ້ຢ່າງມີປະສິດທິຜົນກັບທຸກໆອາຊະຍາກຳ; ແລກປ່ຽນປະສົບການເປັນປະຈຳ; ສະໜັບ ສະໜູນ ປັບປຸງຄວາມອາດສາມາດ ແລະ ພາຫະນະເຕັກນິກ ເພື່ອຮັບໃຊ້ການປ້ອງກັນ ແລະ ຕ້ານອາຊະຍາກຳ ໂດຍທົ່ວໄປ ແລະ ການປ້ອງກັນ ແລະ ຕ້ານອາດຊະຍາກຳ ຢາເສບຕິດໂດຍສະເພາະ ... ປະກອບສ່ວນສະກັດກັ້ນສະຖານະການອາຊະຍາກຳ ທີ່ກ່ຽວຂ້ອງກັບສອງປະເທດ.
ທ່ານຮອງລັດຖະມົນຕີ ເລ ກ໋ວຍ ເວື້ອງ ຫວັງວ່າບັນດາ ອົງການທີ່ມີໜ້າທີ່ຂອງສອງຝ່າຍຈະສຸມໃສ່ແລກປ່ຽນ ແລະ ຕີລາຄາ ໝາ ຜົນທີ່ບັນລຸໄດ້, ຊີ້ແຈ້ງບັນດາບັນຫາທີ່ຈຳກັດ, ຜ່ານນັ້ນສະຫຼຸບຖອດຖອນບົດຮຽນຕື່ມອີກ ເພື່ອຍົກສູງປະສິດທິຜົນໃນການປະສານສົມທົບກັນຕໍ່ຕ້ານອາຊະຍາກຳຢາເສບຕິດຕາມຊາຍແດນຫວຽດນາມ - ລາວໃນໄລຍະຈະມາເຖິງ.
（ຄຳຮຸ່ງ）
