ກ່າວຄຳປາໄສທີ່ພິທີ, ທ່ານ ເລດິ່ງເຊີນ ເລຂາພັກແຂວງຮ່າຕິ້ງ ເນັ້ນໜັກວ່າ, ແຂວງຮ່າຕິ້ງ ມີຄວາມປິຕິຊົມຊື່ນ ແລະເປັນກຽດເມື່ອໄດ້ຮັບລາງວັນອັນສູງສົ່ງ ແລະມີຄວາມໝາຍທີ່ສຸດຂອງພັກ, ລັດ, ລັດຖະບານລາວ ມອບໃຫ້. ທ່ານ ເລດິ່ງເຊີນ ຢັ້ງຢືນວ່າ, ອົງຄະນະພັກ, ອໍານາດການປົກຄອງ ແລະປະຊາຊົນແຂວງຮ່າຕິ້ງ ຍາມໃດກໍ່ມີສະຕິຄວາມຮູ້ສຶກຢ່າງເລິກເຊິ່ງ, ຮັກສາ, ເພີ່ມພູນຄູນສ້າງ ແລະເສີມຂະຫຍາຍສາຍພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ ຫວຽດນາມ-ລາວ ຢ່າງບໍ່ຢຸດຢັ້ງ.
 |
ທ່ານ ສັນຕິພາບ ພົມວິຫານ, ເລຂາພັກແຂວງ, ເຈົ້າແຂວງໆສະຫວັນນະເຂດ ໄດ້ປະດັບຫຼຽນໄຊແຮງງານຊັ້ນ I ໃຫ້ແຂວງຮ່າຕິ້ງ. (ພາບ: baohatinh.vn)
ທີ່ພິທີ, ທ່ານ ດັ້ງກວ໊ກວີງ ຮອງປະທານຄະນະກໍາມະການປະຊາຊົນແຂວງຮ່າຕິ້ງ ໄດ້ແຈ້ງໃຫ້ຊາບກ່ຽວກັບສະພາບການພັດທະນາ ເສດຖະກິດ-ສັງຄົມ ແລະໝາກຜົນການຮ່ວມມືໃນບັນດາຂົງເຂດຕ່າງໆລະຫວ່າງແຂວງຮ່າຕິ້ງ ແລະບັນດາແຂວງຂອງປະເທດເພື່ອນມິດລາວ.
 |
ທ່ານ ສັນຕິພາບ ພົມວິຫານ ປະດັບຫຼຽນໄຊອິດສະຫຼະຊັ້ນ III ໃຫ້ທ່ານ ດັ້ງກວ໊ກວີງ, ທ່ານ ເຈິ່ນມີງກິ ແລະທ່ານ ຫງວຽນທ້ຽນ. (ພາບ: baohatinh.vn)
ທ່ານ ສັນຕິພາບ ພົມວິຫານ ເລຂາພັກແຂວງ, ເຈົ້າແຂວງໆສະຫວັນນະເຂດ ປາດຖະໜາວ່າ, ໃນໄລຍະຈະມາເຖິງ, ສອງແຂວງຈະມີການພົບປະເປັນປະຈໍາ, ແລກປ່ຽນບົດຮຽນໃນຂົງເຂດກໍ່ສ້າງພັກ, ກໍ່ສ້າງອໍານາດການປົກຄອງ ແລະສືບຕໍ່ເພີ່ມພູນຄູນສ້າງສາຍພົວພັນທີ່ເປັນມູນເຊື້ອ, ຄວາມສາມັກຄີມິດຕະພາບແບບພິເສດ ແລະການຮ່ວມມືຮອບດ້ານລະຫວ່າງສອງຝ່າຍ, ພິເສດແມ່ນໃນຂົງເຂດບຳລຸງສ້າງ, ຍົກສູງຄຸນນະພາບແຫຼ່ງຊັບພະຍາກອນມະນຸດໃຫ້ແກ່ແຂວງສະຫວັນນະເຂດ.
（ຄຳຮຸ່ງ）
