ທ່ານເລຂານຸການໃຫຍ່ສະພາແຫ່ງຊາດ, ຫົວໜ້າຫ້ອງວ່າການສະພາແຫ່ງຊາດຫວຽດນາມ ພົບປະເຈລະຈາກັບທ່ານນາງເລຂາທິການສະພາແຫ່ງຊາດລາວ

ບັນຍາກາດທີ່ການພົບປະເຈລະຈາ.(ພາບ: quochoi.vn)

ທີ່ການພົບປະເຈລະຈາ, ທ່ານ ຫງວຽນແຫ້ງຟຸກ ໃຫ້ຮູ້ວ່າ: ໃນໄລຍະຜ່ານມາ, ຫ້ອງວ່າການສະພາແຫ່ງຊາດຫວຽດນາມ ໄດ້ຕັ້ງໜ້າ, ເປັນເຈົ້າການໃນການປະຕິບັດບັນດາລາຍການຮ່ວມມືກັບຫ້ອງວ່າການສະພາແຫ່່ງຊາດລາວ ດ້ວຍຫຼາຍຮູບການເປັນຕົ້ນຄື: ເປັນເສນາທິການ, ຮັບໃຊ້ວຽກງານຈັດຕັ້ງການແລກປ່ຽນຄະນະການນໍາຂັ້ນສູງຂອງສະພາແຫ່ງຊາດ ແລະ ຄະນະຜູ້ແທນທຸກຂັ້ນໄປຢ້ຽມຢາມ, ເຮັດວຽກລະຫວ່າງສອງປະເທດ. ພ້ອມທັງ ຢັ້ງຢືນວ່າ: ຫ້ອງວ່າການສະພາແຫ່ງຊາດຫວຽດນາມ ຈະມານະພະຍາຍາມຈົດສຸດຄວາມສາມາດເພື່ອປະກອບສ່ວນເຂົ້າໃນການກໍ່ສ້າງສາຍພົວພັນອັນດີງາມລະຫວ່າງສອງສະພາແຫ່ງຊາດ, ເຮັດໃຫ້ການພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານຫວຽດນາມ-ລາວ ເລິກເຊິ່ງຕື່ມອີກ.

ທ່ານ ຫງວຽນແຫ້ງຟຸກ ມອບຮູບພາບທີ່ລະນຶກໃຫ້ທ່ານນາງ ສວນສະຫວັນ ວິຍະເກດ.(ພາບ: quochoi.vn)

ສ່ວນ ທ່ານນາງ ສວນສະຫວັນ ວິຍະເກດ ໄດ້ສະແດງຄວາມປາດຖະໜາວ່າໃນໄລຍະຈະມາເຖິງ, ຫ້ອງວ່າການສະພາແຫ່ງຊາດລາວ ແລະ ຫ້ອງວ່າການສະພາແຫ່ງຊາດຫວຽດນາມ ຈະຈັດຕັ້ງບັນດາການເຮັດວຽກເພື່ອປຶກສາຫາລືລະອຽດກ່ຽວກັບການຜັນຂະຫຍາຍຂໍ້ຕົກລົງຮ່ວມມື, ຫັນບັນດາຂົງເຂດຮ່ວມມືທີ່ການນໍາສອງຫ້ອງວ່າການສະພາແຫ່ງຊາດໄດ້ເຫັນດີເປັນເອກະພາບເປັນລະອຽດ, ພິເສດແມ່ນໃນຂົງເຂດເສນາທິການ, ຮັບໃຊ້ສະພາແຫ່ງຊາດ; ໜູນຊ່ວຍກ່ຽວກັບເຕັກໂນໂລຢີຂໍ້ມູນຂ່າວສານ, ພື້ນຖານໂຄງລ່າງເຕັກນິກ, ບໍາລຸງສ້າງພະນັກງານ ແລະ ອື່ນໆ.

（ໄຊພອນ）