ພິທີປິດງານບຸນພົບປະແລກປ່ຽນວັດທະນະທໍາ, ກິລາ ແລະ ການທ່ອງທ່ຽວ ໄດ້ຈັດຂຶ້ນໃນ 3 ມື້ ດ້ວຍຫຼາຍກິດຈະກໍາທີ່ຟົດຟື້ນ ແລະ ພົ້ນເດັ່ນ. ງານບຸນດັ່ງກ່າວ ມີການເຂົ້າຮ່ວມຂອງນັກສິລະປະກອນ ຫຼາຍກວ່າ 600 ຄົນ , ນັກສິລະປະກອນ, ນັກສະແດງ ແລະ ນັກກິລາ ຂອງຊົນເຜົ່າ 5 ແຂວງ ລຽບຕາມແນວຊາຍແດນ ຫວຽດນາມ - ລາວ, ພາກກາງ - ໄຕຫງວຽນ ແລະ 4 ແຂວງຂອງ ລາວ.
ບັນດານັກສິລະປະ ໄດ້ນໍາສະເຫນີ ແລະ ເຊີດຊູ ວັດທະນະທໍາພື້ນເມືອງ ຂອງຊົນເຜົ່າຕົນເອງ ໂດຍຜ່ານການສະແດງ ຂັບ-ຮ້ອງ ເພັງພື້ນເມືອງ, ຟ້ອນແບບໝູ່ຄະນະ, ເຄື່ອງດົນຕີແຫ່ງຊາດ, ສະແດງເຄື່ອງນຸ່ງຫົ່ມ,… ປະກອບສ່ວນໃນການສະແດງຄວາມນ້ຳໃຈ, ຄວາມໄກ້ສິດ ລະຫວ່າງ ປະຊາຊົນບັນດາຊົນເຜົ່າ, ບັນດາແຂວງ ແລະ ນະຄອນຂອງຫວຽດນາມ ແລະ ລາວ.
 |
ການຟ້ອນສະແດງໃຫ້ເຫັນລັກສະນະວັດທະນະທໍາທີ່ພິເສດຂອງຊົນເຜົ່າສ່ວນນ້ອຍ. (ພາບ: cand.com.vn)
ທ່ານ ບົວເງິນ ຊາພູວົງ - ຮອງລັດຖະມົນຕີ ກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ລາວ ໄດ້ຢັ້ງຢືນວ່າ: ມູນເຊື້ອແຫ່ງສາຍພົວພັນ, ຄວາມສາມັກຄີພິເສດ ແລະ ການຮ່ວມມືຮອບດ້ານ ລາວ - ຫວຽດນາມ ເປັນສາຍພົວພັນທີ່ຍາກຈະຫາໄດ້ໃນໂລກ. ສາຍພົວພັນ ລະຫວ່າງ ປະຊາຊົນ ສອງປະເທດ ໄດ້ຮັບການກໍ່ສ້າງ ແລະ ເສີມຂະຫຍາຍ ໂດຍປະທານ ໂຮ່ຈິມິງ ແລະ ປະທານ ໄກສອນ ພົມວິຫານ, ປະທານປະເທດ ສຸພານຸວົງ ແລະ ຄົນລຸ້ນພໍ່, ລຸ້ນອ້າຍອອກເຫື່ອເທແຮງ, ເພີ່ມພູນຄູນສ້າງ.
ປະຊາຊົນ ສອງປະເທດ ພວກເຮົາມີຄວາມພາກພູມໃຈ ທີ່ຈະຮ່ວມຕໍ່ສູ້ ໃນຂຸມຕະຄອງດຽວກັນ, ສູ້ກັບສັດຕູ ແລະ ໃນການປ້ອງກັນ, ສ້າງສາ ແລະ ພັດທະນາປະເທດ ໃນປະຈຸບັນ.
（ຄຳຮຸ່ງ）
