ບັນຍາກາດການຕ້ອນຮັບ.(ພາບ: ຊົນຕູ໋/ສຳນັກຂ່າວຫວຽດນາມ)
ໃນກອງປະຊຸມເຮັດວຽກ, ທັງສອງຝ່າຍໄດ້ຮ່ວມກັນແລກປ່ຽນຫຼາຍບັນຫາທີ່ທັງສອງມີຄວາມສົນໃຈ, ພ້ອມກັນນັ້ນເຫັນດີເປັນເອກກະພາບຮ່ວມມື ແລະ ແລກປ່ຽນບົດຮຽນກ່ຽວກັບວຽກງານ ຄົນລາວເຊື້ອສາຍຫວຽດນາມ ແລະ ຄົນຫວຽດນາມ ເຊື້ອສາຍລາວ ທີ່ອາໄສຢູ່ ດິນແດນຂອງອີກຝ່າຍ,ປະກອບສ່ວນຢ່າງຕັ້ງໜ້າໃນການພັດທະນາເສດຖະກິດ - ສັງຄົມ ຂອງແຕ່ລະປະເທດ, ພ້ອມກັນນັ້ນຊ່ວຍຮັດແໜ້ນສາຍພົວພັນພິເສດ ຫວຽດນາມ-ລາວ-ຫວຽດນາມ.
ກ່າວຄໍາເຫັນຢູ່ທີ່ກອງປະຊຸມ, ທ່ານຮອງລັດຖະມົນຕີການຕ່າງປະເທດລາວ ຄຳເພົາ ເອີນທະວັນ ໄດ້ສະແດງຄວາມອົບອົກຂອບໃຈຢ່າງຍິ່ງຕໍ່ການປະກອບສ່ວນຢ່າງຕັ້ງໜ້າຂອງຊຸມຊົນຊາວຫວຽດນາມ ຢູ່ ລາວ ໃນການກໍ່ສ້າງ ແລະ ພັດທະນາ ປະເທດລາວ; ທ່ານຍັງເນັ້ນຫນັກວ່າ ການພົວພັນ ລະຫວ່າງ ລາວ ແລະ ຫວຽດນາມແມ່ນພິເສດ ແລະແໜ້ນແຟ້ນ ແລະ ມີການພັດທະນາ ອັນໃໝ່ຢ່າງຕັ້ງໜ້າຫຼາຍຂື້ນກ່າວເກົ່າ.
ພ້ອມກັນນັ້ນ ທ່ານຮອງນາຍົກລັດຖະມົນຕີ ຄຳເພົາ ເອີນທະວັນ , ທ່ານຮອງນາຍົກລັດຖະມົນຕີຫວຽດນາມ ຫງວຽນ ກ້ວກ ຢຸງ ໄດ້ສະເຫນີໃຫ້ທັງສອງຝ່າຍ ຈັດຕັ້ງປະຕິບັດຢ່າງມີປະສິດທິຜົນ ບັນດາສົນທິກສັນຍາ, ບົດບັນທຶກສັນຍາ ທີ່ໄດ້ເຊັນຮ່ວມກັນ, ພ້ອມດຽວກັນນັ້ນ, ເພີ່ມທະວີການແລກປ່ຽນ, ປະສານສົມທົບກໍ່ສ້າງແຜນການຮ່ວມມືທີ່ເປັນຮູບປະທຳ, ຊ່ວຍເຫຼືອຊາວຫວຽດນາມ-ສັນຊາດລາວ ແລະ ຊາວລາວສັນຊາດຫວຽດນາມ ທຳມາຫາກິດ ແລະ ດໍາລົງຊີວິດຢູ່ຢ່າງຫມັ້ນຄົງ ແລະ ຢູ່ພາຍໃຕ້ກົດຫມາຍ ຂອງປະເທດທີ່ຕົນອາໄສຢູ່, ປະກອບສ່ວນຢ່າງຕັ້ງຫນ້າໃນການພັດທະນາເສດຖະກິດ - ສັງຄົມ ຂອງແຕ່ລະປະເທດ ແລະ ສືບຕໍ່ເປັນຂົວຕໍ່ ໃຫ້ແກ່ສາຍພົວພັນພິເສດ ລະຫວ່າງ ຫວຽດນາມ - ລາວ ແລະ ລາວ - ຫວຽດນາມ.
（ຫັດທະບູນ）
